يمسيكم الله بالخير حبيباتي
كيف احوالكم ان شاء الله بالف خير
والله كنت ننتظر تشجيع منكم و لكن بالعكس
مي معليهش كل واحد ووجهة نظرو وانا نتقبل وجهة نظركم و نحترمها بزاف
المهم حبيت نفهمكم على بعض النقاط باه تستوعبو البرنامح
اولا البرنامج راه مقسم على اسبوعين ماشي اسبوع واحد مازال برك ما حطيتش البرنامج كامل
ثانيا البرنامج ماهوش شاق كيما راكم شايفينو وماهوش شارجي للدرجة اللي راكم متخوفين منها بالعكس اقراو مليح البرنامج و شوفو
ثالثا احنا كنا ومنذ بداية دورة الرقي و اللي كنت انا حاظرة فيها من بدايتها لحد الان ما عدا الدورة الاولى اللي جات مع عرس اخي ما قدرتش نشارك فيها
كنا نقسمو الخدمة كامل على شهر "4اسابيع" و كل سمانة عندنا حاجة نقضيوها
هو صح كان عندنا متسع من الوقت مي انا شفت انو ممكن نزيدو نستغلوه في الترتيب و يكون البيت نتاعنا مرتب
و تاني كاين بعض الغرف ولو انها اغلبها ما نرجعوش ليها الا قبل ما يمر الشهر كامل و بالتالي ممكن تتفاقم فيها الاوساخ وخصوصا الغبرة
رابعا وهو الاهم حبيت ندير التنافس و الهمة كيما فاقتلها حبيبتنا ام اريج ربي يذكرها على خير
انا وضعت البرنامج و انتم من المفروض تبقوه و اكيد كل وحدة رح تطبق ولا ما تطبقش هذا امر مارايح يكشفو حتى احد غيرها هي و اكيد امام الله عز و جل يعني التحدي ماراحش يكون غير بيناتنا احنا بصح رايح يكون بينكم و بين انفسكم و نتحداو انفسنا وهذا هو هذفي من البرنامج
وارجعو لبداية الدورة و اقراو الشعار لهذا الشهر وراح تستوعبو البرنامج
لا يوجد شىء اسمه الفشل الا اذا توقفت المحاولة
بالتوفيق للجميع