الاهداء
الى كل اعضاء المنتدى
والى كل مفارق حبيبه
والى من ملكت قلبي ع/ك
كريمة وعلاش قلتيلي ننساك
وعولتي ببريتك على النهاية
وريني كيفاش تنساي من يهواك
وتنساي العشرة وتهزي الراية
في قلبي يا غالية مكتوب سماك
وفي قلبك ظنيت مكتوب سمايا
درنا عهد متين وانت ما يخفاك
ولى نسيتي عهدنا في البداية
وريني كيفاش اليوم انا ننساك
وانت لمحبتي تكوني نساية
كريمة في الراي رانا وافقناك
و نهجرك حتى تنساي سمايا
نتحمل العذاب انا في هجراك
وحدي نتالم ماكيش معايا
ولكن محال ما نقدر ننساك
حتى يديروا الحجرات غطايا
واذا فرق مكتوبنا انا واياك
ولدك كريمة اعطيه سمايا
حتى بنتي نسميها بسماك
وهذي امنية وفيها دعايا
سهل يا ربي لكريمة بهناك
تعيش السعادة وتنساني انايا
ارجو ممن يمر على هذا الموضوع ان يعطي رايه بصراحة