السر في التتبيلة فقط
باش يجيكم الدجاج بنين يلزم تبلوه قبل مايطيب بمدة على الأقل ساعتين و اذا كان أكثر أحسن أنا خليتها 5 ساعات التتبيلة الأولى
ملح + 2 مغارف كبار زيت + مغرف زعتر + مغرف حلحال + فلفل أسود + كمون + معدنوس + كمون +زعفران
تنقي الدجاج و تحكيها بالتتبيلة مليح و غطيها و خليها قد لي تقدي
كي تحبي طيبيها ديري كأس ماء كبير فيه زعفران و فلفل الأسود و الكمون و حطي الدجاجة و غلقي عليها
أنا استعملت بلى نتاع الزجاج لي فيه غطاء نتاعه قبل ما نشريه كنت نتعب و ماتعطينيش النتيجة المرضية
أما الان الحمد للله هو تاني سر أخر
خليته 40 دقيقة و أعدت تتبيل الدجاج
التتبيلة الثانية نفس مكونات الأولى مع اضافة مغرف خل وفي مكان الزيت درت 2 مغارف زيت الزيتون و 2 مغارف دهان
و أعدت تتبيلة الدجاج و زدت طيبتها30 دقيقة
و النتيجة كانت أكثر من روعة الأعشاب عطاتها بنة هايلة و جات بنينة حتى من الداخل
نتمنى تجربوها و تردولي الخبر