[بنوتة كيوت]

سلام أختي بنت الرحل ربي يشفيلك ماماتك انشاء الله نورمالمولقيتلك الحل بإذن الله أنا تاني diabitique وجاني السكر من لما كان عمري 10 سنوات كنت 6 ابتدائي ودوكا عندي 9 سنين عايشه بيه تاعبة شويا مي الحمد لله أنا 4 السنوات الأولين الي مرضت كنت منضابطة الريجيم والأنسولين في الوقت مي دوكا والله راني نبلع برك هههههههههه بصح نجوزهم في l'hopital.دوكا راني مدايرا ريجيم لروحي مليح مناكلش الخبز والمعجنات كامل psq أنا عندي la maladiie celiaque ناكل الخضركامل ومنكترش من البطاطا والبيتراف.أما بالنسبة للسكر الي راهو مهبلك انا تاني هبلت ماما وآبي على جالو les gateux مي لقاولي حل اشراولي سكر من الصيدلية قاتلي عليه الطبيبة ديالي تاع السكر هي قاتلي اشربي بيه الحليب واخدمي بيه القاتو وانا منحبش لحليب جربت بيه مرة والله كأنو سكر عادي خير من كوندرال طعمو كيما الدواء انا منحبوش كاين زوج انواع من هذا الي قتلك تاع القاتو كاين تاع الفواكة ويكون حامض والقاتو ديالو يكون اسمر وشكلو يكون أرطب بزااااف ماشي لدرجة السكر قلاسي أما الآخر تلقايه يشبه لسكر العادي في الشكل والطعم أنا خدمت بيه صوالح بزاااف والله صلحولي مليح.حنونتي متلوميش ماماتك والله أنا راني مجربة شعورها ونحس بيها انشاء الله تلقاي هذا السكر الي قتلك عليه (اذا تحبي نصورهولك ماشي مشكل).أنا شهيت البقلاوة قالت الطبيبة لماما ديريهالها بالعسل الحر psq العسل الحر ميطلعش السكر دارتلي ماما البقلاوة مي العسل مكانش حر طلعلي 6 غرامات ههههههههه رجعت نشوف في العباد 2 هههههههه والمرة التانية شرا آبي النحل وخدملي العسل وخدمت البقلاوة وكليتها وحدي ومطلعتليش السكر يا ريت كانت ماماك قدامي كون بعثتلها.مهم حنونتي كشما تحتاجي أسأليني أختك راهي بروفيسيونال في السكر.