[QUOTE=meriem hanin;11593385]
سلام يا البنات
راني نشوف بلي توتجدكم قليييل اليوم بزاااف ان شاء الله تكونو بخير
زينب راكي شهيتيني فالدوبارة الحارة و مع هاذ الطقس لبارد شوية ممممممممممم ماعندي مانقول باينة عليها بنييينة
نهاري اليوم بديتو بصلاة الفجر - و الله توحشت نوض مع الفجر و نشم ريحة الهوا ناقي- قريت الذكار و بديت بسم الله اليوم في حفظ سورة البقرة ربي يقدرنا اجمعين باش نحفضوها
من بعد طيبت قهوة و استقهويت كي شفتهم ماناضوش عاودت وليت اغرفتي صليت الضحى و خملت الخزانة
درت دورة على البيوت و شغلت سورة البقرة و انا اشتغل نفظت الفراش و مسحت الغبار
درت الفطور و ماما دارت المطلوع ومن بعد شمرت على يديا و غسلت حيوط الكوزينة و اخيييرا تهنيت منها بعد سمانة ميناج رجعت كيما العروسة
في هاذ الوقت ماما غسلت الحوايج و نشرتهم
فطرنا و غسلت الماعن
بابا راح للمسجد و اناصليت الظهر ة قريت سورة الكهف
العشية كااااملة و انا مع النت نحضر في مذكرة التخرج نتاعي -ادعولي ان شاء الله ربي يقددرني و نكملها عياتني بزاااااف- لانو نهار الاحد ان شاء الله نلتحق بمخبر الجامعة باش نكمل خدمتي و نتهني ياااارب
معنتها الاسبوع الجاي اذا كتب ربي مانقدرش نتابعكم في الدورة الله غالب لكن علابالي شطورااااااااااات و تقدرو تقومو بالواجب و تتهلاو في اولادكم وفي ازواجكم
ما تنساوش هدف الدورة "بهمتي سادخل السعادة الى بيتي " ايمالا لازم تمون همتكم عااااالية باش نقدرو نوصلو لمستوى الرقي و نفخرو بانفسنا و ننالو رضى ربي سبحانه و تعالى
اتودعكم الله الذي لا تضيع ودائعه و نتوحشكم كااااامل كيما راكم بزااااااف
صباح الخير عليكم يالبنات ويامريم ربي تكملي المدكرة انتاعك وتتهناي ان شاء الله والبارح كان يوم الجمعة يعني الاولاد يدخلو للدوش وزيد القش انتاعهم نغسلو بيدي كيما هدرت من قبل والله البارح كيما نضت علي 5ضباحا ماقعدش حتي عادت 4مساءا وزيد جات عندي اختي وانا كيما قالت الاخت زينب ضيافي المقربين نسقسيهم واش حابين ياكلو ونديرهولهم هي سخفت علي الرفيس مع البن درتهولها والزوج انتاعي ماعندو حاجة فيه درتلو بطاطا مقلية والمرقاز والحميص وسيقت البيت كامل ومسحت الغبرة انتاعو وسجيت مع 3اولادي الادوات انتاعهم وشفت واش ناقصهم وكتبتو باش مباعد نشريهولهم وطيبت الحليب والقهوة مع المعجون والزبدة فقط علي خاطر هده الايام ماعنديش الوقت باش نديرهم القاطو او سفنج ورتحت شوية ورحت درت العشاء بيتزا وهمبرغر وكي تعشاو راحو رقدو وانا خليت الطابلة هكاك ماقدرتش نلمها ورحت رقدت طحت كاو مافقتش حتي الغدوة واليوم كاش خدمة نحكيلكم عليها راهي ماتخلصش خلاص خاصة اللي عندها الاولاد كيما حالتي وشكرا [/QUOTEالقاطو انتاععك ياليلي راهو عجبني اليوم نديرو ونردلك ]