اقتباس:
المشاركة الأصلية كتبت بواسطة ♫ وهج الأمـل ♫
تفكرت حاجة صارت معانا العام هذا تاع الباك
تقرا معانا طفلة تصوروا عندها فوبيا من العناكب
قالتنا بللي تشوف قدامها كل شي عادي
ما عدا العناكب
مرة في حصة الفرنسية خرج الأستاذ
قعدت نهدر مع صاحبتي و نشوف تحت السبورة
و فجأة شفت عنكبوت ثما
قلتلها شوفي
استغلت الفرصة لأنو الأستاذ خارج القسم دات ورقة
هزت فيها هذاك العنكبوت وراحت للطاولة تاع الطفلة هذيك
وقالتلها جبتلك هدية
كي شافاتو عيطت واحد العيطة الأستاذ خارج القسم سمعها و جا يجري
لقاها قاعدة معايا هي و صاحبتها في زوج
و صاحبتي راحت لبلاصتهم حكمتها وحدها
هربوا في زوج مساكن
بدلت الصف على جال عنكبوت
أنا هذاك اليوم شبعت ضحك عليها مسكينة
البنات قعدوا يضحكوا والأولاد قالولها شريرة
لو كان جات عندي كاميرا لو كان صورتها كيفاه طارت من بلاصتها في هذيك اللحظة |
ههههههه شريرة
مالا انا نحكيلك قصة صرات لما كنت نقرا ثالثة متوسط نذكر انو كانت حصة الانجلزية و ماكانش عندنا قسم نروحو ليه ( كنا قسم متنقل) مالا دانا الاستاذ للورشة ( غرفة مليئة بكل انواع الحشرات ) .... و انا وصحبتي كنا في الطاولة الاولى لي مقابلا المكتب ... المهم مرت الحصة و لما بقى غير 10 دقايق شفت السيد صرصور فوق مكتب الاستاذ و الحمد لله انني كي نشوفو ما نعيطش نسكت و نبقا متجمدة برك ههههههه........هذا الصرصور قعد يدور في المكتب و الاستاذ راهو في السبورة ماشي لاتي بيه..........قعد يدور المسكين حتى دخل في كرطابل الاستاذ ............انا وصحبتي كنا نراقبوا في الاحداث بصمت ........ المهم جا الاستاذ يخرج اوراق القائمة خرجلو الصرصور .....الاستاذ طار من الكرسي و عيط ........اذا كان استاذ كبير و يخاف من سيد صرصور مابالك حنا...........هههههههههه