[الخامسية]

السلام عليكم ورحمة الله وبركاته.
لقد وجدت هذه الوصفة في احد المنتديات الجزائرية ونقلتها لكو ارجو ان تستفيدوا منها . والشكر الخاص لصاحبة الوصفة الاصلية ربي يوفقها .
المقادير :
600 غ فرينة
1 م ص ونص ملح
80 غ سكر
4 م ص خميرة الخبز
300 غ ماء دافي
بيضة
80 غ زبدة
قشور برتقال معسلة او فروي كونفي
3 م ك زبدة ذائبة
صفار بيضة للدهن وم ص خل
طريقة التحضير :
نخلط نص الفرينة مع السكر والبيض والماء والخميرة والملح بملعقة خشبية نخليها علي جنب 6 د ثم نضيف الزبدة والنص الباقي تاع الفرينة ونعجن حتى نتحصل علي عجينة متماسكة لمدة 10د.
نخليها تخمر ثم نفشها ونقطعها كور متساوية الحجم نريحهم 10 د ثم نبسط كل كرة علي شكل بيضاوي نذوب 3 م ك تاع الزبدة ونجيب بانسوا ندهن قطعة العجين ونجيب جرارة ونقطع شرائط في الوسط من غير ما نقطع الحاشية والصور راهي توضح الطريقة ثم نفتحها ونرش عليها القشور المعسلة او الفروي كونفي او اي حاجة تحبوها انا نص عملتوا بالقرفة والسكر ونص ببشور البرتقال ورشيت سكر وقطع صغار تاع شوكولا ومن بعد تشكليهم مثلما تبين الصورة ونحطهم يخمرو ويتضاعفوا ندهنهم بصفار البيض مخلط مع الخلو ندخلهم الفرن يكون مسخن من قبل علي اعلي درجة ونحمرهم من فوق وبالصحة ووووالهناء