السلام عليكم
ان شاء الله تجيبو الباك بمعدل مليح باش تقراو واش راكم حابين
و فيما يخص محروقات و كيمياء في بومرداس
هذا التخصص راه مليح و من أحسن التخصصات في الجزائر لأن فرص العمل متوفرة فيه بصح لازم تديرو حاجة في بالكم " الرزق على ربي و هو الضامن " يعني واش تقرا ماكش ضامن روحك
فيما يخص الدراسة فهي بنظام LMD
فيه عام و نوص جذع مشترك تقراو فيه رياضيات و فيزياء و كيمياء و بعض المواد الأخرى كيما فرنسية و إنجليزية (ابتداءا من السنة الثانية) و ألغوريتم......
اومبعد في السداسي الرابع تديرو تخصص و كاين 12 تخصص
trasnport
forage
production
installation
mécanique des chantiers
mécanique des unités
commande automatique
geophysique
genie des procédés
electricité industrielle
economie
ressource minérale
و كاين تخصصات أحسن من تخصصات يعني لازم تقراو مليح في السنة الأولى باش تدو تخصص مليح
و يقولو جذع مشترك هي المرحلة الصعيبة باسكو فيها لا شارج و لازم تدي مليح باش ياطوك تخصص مليح
و القرايا ماهيش صعيبة بزاف و ماهيش ساهلة يعني لازم تكونو a jour و اللي يقرا بزاف يدي بزاف
ربي يسهل