[غصن البآن]

المشاركة الأصلية كتبت بواسطة أم معاذ أم معاذ

مازال الخير في أمتي باقيا


نحكيلك على فحلة من فحلات بلادي و هن كثيرات و لله الحمد
وحدة جامعية متخلقة متدينة يتقدملها رجل مستواه أساسي عندو حانوت مواد غذائية و يقولها ناقص شوية في النظر
يشترط عليها عدم العمل فتقبل مهرها 100 ألف
في الحنة ما يجيوهاش أهلو لأنو تبذير و مظاهر برك فتقبل
يدخل بيها بعد 3 أشهر فقط في بيت صديقو على اساس أنهم راح يسكنوه عامين
ليلة الدخلة تكتشف أنو ما يشوفش او بالأحرى يشوف 1/10
ترضى و تقول مكتوبي و مسكين تكمل معاه
بعد شهرين يقولها نرجعو نسكنو مع أهلي
بعد مدة يقفل الحانوت لأنو ما يشوفش و خسر لأنو يتم سرقته كثيرا أمام عينيه
تخدم كل مرة حاجة في الدار تجيب بيها مصرفهم لأنو شارط عدم العمل خارج البيت
خدمت البيتزا - خيطت - ربت العاصفير - سرحت بالغنم
ما تطلبش حتى قندورة و أمها تشريلها كي تشوفها ماعندهاش
تحاول ماتكلفش زوجها بحتى حاجة
ممنوع عليهاتروح مناسبات العايلة لأنو ماعندهاش الباروك و ماعندها وش تلبس
ممنوع يجيوها ضياف لأنو بيتها مايسمحش و ماعندها وش تضيفهم


و في الأخير يروح الرجل الجزائري الفحل اللي ما يغلطش يقولها يعطيك الصحة على صبرك معايا و راح نجازيك خير
يروح يتزوج عليها و يوقولها التعدد سنة

سلمك يداك وبورك قلم صريح لما نتجاهل الحديث عن هذه الفئة المضطهدة....و الله لست ادري

فقط كلام عمن هن لسن نساء و اين من يغارون على النساء و يخافون الله فيهم.....