[أم آدم و دارين]

السلام عليكم
هاذي وصفة لطاجين الزيتون بشكل جديد نقلتها لكم من منتدى آخر تالمون عجبتني بزاف حبيت تستفيد منها الأخوات الكريمات تقول صاحبة الموضوع بأنه هذه الكيفية قدمها الشاف مصطفى بسعدى باذاعة الشلف

نبدا بسم الله

المقادير:

اطراف الدجاج +زيتون اخضر مفور +زيت +بصلة مسكرفجة+ سنات ثوم +صفار بيضة +ملعقة اكل طماطم مصبرة +ملح+ فلفل اسود +فلفل عكرى+ زرودية مفورة +باقة عطرية(الرند المعدنوس الدبشة)
هذي الوصفة فيها مراحل
1 - الزرودية نفوروها مع الملح +الكمون+ وفلفل اسود ثم نرحيها و نزيدلها شوية فرماج
2- الزيتون نخلوه فى الماء 5د ونبدلو الماء 3 مرات ثم نفوروه مع الفلفل الأسود ثم نرحيه وقبل ما نرحيه نخلي منو كمشة للتزيين

3- نعمل مرقة حمرا بالدجاج + بصلة مسكرفجة+ ثوم مرحى+ طماطم مصبرة +شويييية ملح +فلفل اسود نقليها مليح اومبعد نمرق ونضيف الباقة العطرية
4- لحم مرحى + ملح +فلفل اسود + زيتون مرحى +دبشة ومعدنوس +بيض (نديرو صفار برك واذا كانت كمية كبيرة ندير واحدة كاملة) ثم نكوروه ونحشيوه من الداخل بمغرفة زرودية و نعاودو نكوروه ثم نرمدوه فى الفرينة ونقلويوه فى الزيت نحطوهم فى المرقة 10د ونرموا كمشة زيتون من فوق

بصحتكم


منقول