[مريم الصابرة]

السلام عليكم اختي الكريمة الموضوع ولو منقول الفكرة مهمة
أولا باب النقاش ليس باب واحد بل ابواب أولا الزوجة التي تقولين أنه يوما قد تكون انا أو أنت أو غيرنا من النساء تصل لهاته الدرجة هي فعلا لن ننكر فالكبر يمسنا جميعا لكن هل السكن مع أهل الزوج يضمن أنه حين تكبرين سوف يهتمون بك أو إبنك يفعل ما فعله والده مع والداه لا أبدا لا تحسبي هكذا حساب كثيرون كانو بارين بأوليائهم ولما كبرو أولادهم جعلوهم يذوقون المر هذا ليس معيار أيضا اختي رأيت كثيرات بناتهن رمونهن بينما الكنة تحملت الحماة المريضة لآخر نفس واحكي لك قصة لواحدة من عائلتي تخيلي توفيت والدة زوجها وبقي الزوج بمعنى والد زوجها مرض المسكين واصبح مقعد لدرجة كبيرة له بنات متزوجات تخيلي إبنو اللي هو زوجها رجع يقولها خليه يروح لبناتو مارانيش مجبر بيه قاتلو زوجتو اللي هي بنت الناس ما قتلكش إرفدو معايا خليني انا ندبر راسي تخيلي هي تحمملو وتنظفو وتلبسو وتوكلو وتشربو والله يولي يبكي وإبنو اللي هو إبنو يشوفو لما يرجع من الخدمة فوق القلب ولما يشوفها معظم وقتها مع والدو يولي يقولها تزوجتك ترفديني انا ماشي بابا الشيخ يدعي عليها كل وقت وكل ثانية واللي يجي يزورو يحكيلو عليها الكل هنا يعرفو واش دارت على جالو حتى بناتو لما يجو يزوروه ما يدوهش يقوللها إسمحينا ازواجنا ما يقبلوش تقولهم والله لو تحلوني ما نمدولكمش وبقات معاه حتى توفى وشفتها بعيني واش بكات عليه وقاتلهم لو بقى نرفدو حتى نموت والآن ربي رازقها الخير وولادها طايعينها ووجها منور ربي راضي عليها وأما هو وليدو صدقيني لو نخاف نعصي ربي نقولك راه يخلص واش كان يقول على باباه شفت بنت الناس واش دارت لحماها اللي بناتو ما داروهش
مش كامل الناس كيفكيف قادرة تكون دارها وحدها وترفد حماتها وقادرة تكون بنتها وما ترفدهاش المسألة تربية وفقط
شكرا لك