[تينا ماريا]

يا اختى ما تياسيش مرحلة و تفوت انا و الله الشي اللي فوتو فالعام تاع الباك تاعي ما تتحملو حتى و حدة صراولي مشاكل لدرجة اكتابت و قريب هبلت لكن انا كتومة اهلي ما لاحظو عليا واو غير اني رجعت عصبية و ديمة منعزلة لقراية للباك ما نقولكش ماقريتش بصح مايش كما كنت بكري نتائج دائما ممتازة .
المهم حاربت نفسي و قريت الشئ اللي قدرت عليه جبت الباك خصتني 0,1 في المعدل باش نحقق حلمي اللي هوا الطب لكن ما كتبش ربي كنت قادرة نجيب نتائج احسن بكثير لكن الله لا يسامح اللي كانو السبب في ضياعي
بعدما ظهرو النتائج تلقيت صفعة كيفاش انا طول عمري ممتلزة نوصل للباك ما نقدرش نخير الرغبة تاعي ادخلت للجامعة شهر من بعد بلوكيت العام قعدت فالدار رتاحت مليح في شهر فيفري بديت نقرا وحدي و عاودت الباك ليبر فالدار دائما غالقة على روحي صح عانيت لكن جبت نتيجة ممتازة بحيث انا الثانية على مستوى ولايتي و فعلا هده هيا النتيجة اللي نستحقها و فرحت والديا و تفتحت كل الافاق امامي نقدر نقرا واش حبيت خيرت صيدلة و كملت قرايتي و درك كلشي بقا دكرى بالعكس الناس اللي يعرفوني عادو يتشجعو بالتجربة ديالي .
الخلاصة جامي تقولي فات الاوان دائما مزال الوقت المهم انتى تخرجي من دائرة الاحباط الي دخلتي فيها و تامني بقدراتك و تخمي شوية في والديك باه تفرحيهم و الله ولي التوفيق