السلام عليكم و رحمة الله و بركاته
برنامج يوم الخميس
الجانب الديني الصلاة في وقتها مع التسبح و الاستغفار و الصلاة على النبي اللهم بلغنا رمضان
الجانب التنظيف غسلت لرفت لفراش غسلت لحصرة و مسحت الغبرة و يقت درت لغدا غلت لماعن و جدت لروح انا و لبنات رايحة لدارنة
و بخصوص غرفة الجلوس كي نرجع نحطلكم تصاوير
الجانب التربوي مراجعة مع الاولاد
الجانب التجميلي قوماج للوجه مع الترطيب لليدن و الرجلين
برنامج وم الجمعة
ضبحت ف دارنا نظت انا و الوالدين الكرمين توظنا و صلينا
و عاودت رجعت رقدت نظت على السبعة و نص فطرنا لمنا الكوزينة
و بديت نغسل لماما فالقش غسلت نصف الكوفرطات و عجنت خبز للقهوة تغدينا غسلت لماعين توظيت صلت و تكينا شوة
نظت طيبت الخبز وجدت القهوة تقهوينا و لمينا الماعن
لعشا دارت ماما لعشا جات ختي طوينا لخزانة و فرزنا القش لي ما ستحقوهش تونسنا مع بعض تعشنا و لمينا الكوزينة
و ريحنا شوية راحت خي لداها و طفنا الضو و رقدنا
برنامج يوم السبت
الجانب الديني الصلاة الفجر مع الاستغفار و التسبح الصلاة في وقتها و الحمد لله
الجانب التنظيفي رفت كل القش لماما غسلت الطابي و باقي الكوفيرطات و كوفرو لغطاوات نتاع لمطارح و قلبنا الما في كل الشنابر
دارت ماما السفة تغدنا لمينا لماعين و توظينا صلنا الظهر و دخلت لنت راني نكتبلبكم و راني نستنى في الزوج باش يج يدينا