البسملة1عندي مدة ماحطيتش الوصفات في هذا القسم بسبب الحمل والولادة الله يرزق كل محروم ومحرومة يارب
جبتلكم وصفة هايلة تاع الكيك باللوز المورق سهل التحضير وبنين بزاف يجي طري وفي نفس الوقت اللوز يعطيلو قرمشة واش نقول لكم رووووعة
المقادير هيg
الخليط الاول:
4بيض.250 غ سكر(درت 200فقط).150غ زبدة ذائبة(درت 100غ فقط)مبشور ليمونة.كاس حليب دافئ.2ملعقة صغيرة فانيلا.خميرة كيميائية
300غ فرينة
الخليط الثاني:
200غ لوز مورق.100غ زبدة.100غ سكر.4ملعقة اكل حليب.2ملعقة اكل فرينة
نسخن الفرن على درجة حرارة175
نضرب البيض والسكروالفانيلا ومبشور ليمونة مليح حتى يولي المزيج ابيض.نزيد نضيف الزبدة الذائبة ثم الحليب.نزيد الفرينة والخميرة
ندهن المول مليح بالزيت ونحط الخليط فيه وندخلو للفرن لمدة 25حتى 30دقيقة
في الوقت اللي يكون الكيك في الفرن نحط مقادير الخليط الثاني في كسرونة عريضة والفرن يكون ناقص شوية
نحرك الخليط حتى تذوب الزبدة ويتجانس مليح لمدة دقيقتين
نخرج الكيك نحط فوقه الخليط الثاني
نزيد للفرن 200درجة وندخل الكيك للفرن مدة10 د
نخرج الكيك من الفرن ونخليه يدفا شوية ونقطعوه كيما نحبو
نترككم مع الصور