اقتباس:
المشاركة الأصلية كتبت بواسطة lyzzabel
ام أماني 77
الي الغوالي سهومة ام ياسين عاشقة الجنة وكل لي طلب مني وصفة الكفتة على طريقتي
في طنجرة نحط قطع من الدجاج+بصلة متوسطة مسكرفجة+زوج سنينات ثوم+فلفل ابيض اذا ماكش اعملي الفلفل الاسود+شوية فقط من الزنجبيل+ملح+شوية زبدة نحطهم على النار تكون هادئة وهذا سر البنة في كل الاطباق كيما علمونا امهاتنا الله يحفظهم
بعد ماتبل البصلة نزيد حوالي فنجال ماء ونخليها تتقلى ملييييح من بعد نمرق غير بشوية ماء
في هذا الوقت نحضر الكفتة نحط لحم مرحي+بصلة مسكرفجة+معدنوس يكون مقطع رقيق اذا كان خشين راح تتفتح الكفتة+ملح+فلفل اسود +بيضة اذا كانت كمية اللحم قليلة اعملي البياض فقط نخلط المقادير جيدا ونبدا نكور في الكفتة كاين بزاف كي يعملوها تتشقق وتتفتح في المرقة السر انك كي تكوريها كوري وفي نفس الوقت اضغطي بكف اليد مليح حتى تولي ملساء شوفي الصورة
نحط الكويرات في الفرينة من بعد ننفضهم يعني مانكثروش كمية الفرينة ونحمرهم شوية في الزيت تحميرة خفيفة ونحطهم يكملو الطياب في المرقة
في نفس المقلة نحط كمية من لي شومبنيو ندبلهم شوية من بعد نضيفهم للمرق
في الاخير نعصر شوية قارص تقدم مزينة بالمعدنوس والقارص والدجاج لي نكونو حمرناها في شوية زيت
ان شاء الله تعجبكم طريقتي ولي ماجربتهاش تجربها راهي تجي هااااايلة
|
امممممممممممممممممم روعة حبيبتي بادن الله راح نجربه في اقرب وقت يعطيك الصحة
