لقيت طريقة تاع مادلان مع اسرارها اقنعتني قلت نجربها وكاين حوايج حرت فيهم بصح قلت نجرب ولعل تصلح وجربت جاني مادلان ولا اروع
الوصفة
200غ زيدة
5بيضات
125غ سكر قلاصي
200غ فرينة
1 خميرة
مغرف كبير فانيليا سائلة وماتقولوش ياسر ديروها الكل راهي تجي قدقد
دوبي الزيدة على نار هادئة وخليها تبرد
ضربي البيض+الفانيليا والسكر حتى يبياض الخليط ويطلع مليح + الخميرة ممزوجة مع الفرينة وخلطي مليح واخيرا زيدي الزبدة الدائبة وصبيها على شكل خيط وانت نضربي بالباتور يعني كيما الزيت كي نخدمو المايوناز وكي يتخلط كل شي خليه يريح ساعتين كاملين في الثلاجة وسخني الكوشة على 210 درجة وكي تحرجيه من الثلاجة صبي في لي مول بالخف ةديري في الكوشة وهادي هي الصدمة الحرارية يعني من البررررررد للسخااااااانة ولاخر رجعيه للثلاجة وراهو بالخف يطيب 5 دقايق تقريبا وتجيك فيه هاديك le boule ;وطعمة هاااايل وكي يزيد يبات يعود احسن
وراني حطيت رابط التحت فيه الصورة ماهيش من عندي من الصفحة الاصلية اللي هزيت منها لاغوسات لان الاخت ميمي طلبت صورة اوضح