تفضلي أختي
مقادير العجينة :
- 3 كيلات فرينة
- فاني
-1 ملعقة كبيرة سكر قلاصي و يمكنك الاستغناء عنها
- كيلة سمن ذايب و بارد
- ماء و ماء الزهر
مقادير الحشو:
- 3 كيلات لوز
- كيلة ناقصة سكر عادي
- فاني
- 2 ملاعق كبيرة مرغرين ذايبة
- ماء الزهر
القلاصاج : تكيلي بكاس شاي صغير
- حليب
-زيت
- ما زهر
-سكر ناعم
-ملون محلول في شوية ماء زهر
- عصير ليمون تزيديه بالتدريج و حسب ذوقك
التحضير:
- تخلطي كل مقادير العجينة و تلمي بماء الزهر و الماء و تغلفيها بفيلم اليمونتار و تخليها ترتاح.
- شكلي كريات بحجم 30غ ، تحليها بيدك فقط و تديري الحشو و تشكلي العرايش.
- اثقبي ثقبة صغيرة فوق الحلوى بالكوردون ، و خليها ترتاح جيدا ممكن من الصباح الى المساء أو ليلة كاملة.
- طيبيها في فرن ساخن مسبقا 170 درجة لمدة 15 دقيقة.
- لما تبرد الحلوى تطليها و تزينيها بعجينة اللوز.