[ابداع جزائرية]

المشاركة الأصلية كتبت بواسطة صابرة2013

بارك الله فيك
مشاركة ان شاء الله ربي يقدرني على الحفظ
توكّلنا على الله

مرحبا اختي وفيكِ
اللهم امين اجمعين حبيبتي
توكلنا على الله

المشاركة الأصلية كتبت بواسطة أم محمد تاج

السلام عليكم ورحمة الله تعالى وبركاته
الله يعطيك ماتتمناي وفكرة هايلة ربي يقبل منك ويجعلها في ميزان حسناتك
وحابة نشارك بصح عندي اقتراح لو سمحتو وهو أيام الجمعة والسبت مايكون فيها والو راهي أيام عطلة الأزواج يعني ساعات مانكونوش في المنزل ولايكون الزوج في المنزل وخلي نبداو نشالله بعد العطلة والله هرج كي يكون الأولاد في المنزل يعني كل وحدة واش يساعدها حتان تفوت العطلة ونلتازمو بالبرنامج أحسن وأحسن واش رايكم؟؟؟؟؟
وللتذكير راني معاكم نشالله وتوكلنا على الله

اهلا اهلا حبيبتي ام محمد تاج
نورتي جارتي العزيزة
اكيد حبيبتي
قلنا الجمعة عطلة والسبت في الليل مراجعة فقط للاسبوع اللي قبل
والله يا ام محمد عندي عامين متمنية نبدا الحفظ بجدية والشيطان يسوّفلي
والان وقد وجدتكم وعقدنا العزم راح نلصق فيكم بسناني
هههههه
مانيش حابة نقعدو 15 يوم اخرى نستناو نتناساو الموضوع او تفتر الرغبة في الحفظ
شوفي عندي ان شاء الله حل وسط
ممكن قبل صلاة الفجر او بعدها مباشرة يكونو الاولاد راقدين نحفظو
وكي يطلع النهار نكونو مشغلينها على الموبيل معانا نهار كامل نعاودو معاه
باذن الله نحفظوها
وممكن حتى يحفظوها اولادنا لو انها تعاد على اسماعهم طيلة الاسبوع لم لا؟
وش رايك
شوفي مبدئيا نبداو هكا ولو شفنا الحال مش ولا بد نعاودو مع بعض السبت اللي بعد العطلة
والله حتى انا مشغولة وعندي كوموند نتاع عرس وكنت قادرة نأجل كتابة الموضوع
لكن قلت الى متى يبقى الواحد يسوّف
لو تراعي للظروف والله ماتخلص

المشاركة الأصلية كتبت بواسطة afnane28

توكلنا علي الله. بارك الله فيك اختي انشاء الله يوفقني لانضم معكم لكن عندي مشكله راني سريعة الحفظ سريعة النسيان نطلب منكم الدعاء ليذهب الله عني النسيان ويثبتني ربي يقدرنا علي التطبيق .

وفيكِ الختي افنان نورتي حبيبتي
ياااااارب اختي العزيزة يسهللنا الحفظ والتثبيت
الدعاء سحر ممكن تقومي الليل بالشيء اللي حفظتيه ركعتين او اكثر
وتدعي ربي سبحانه اللهم اني استودعكماحفظت او بما شئتِ
او تصلي بيه طيلة النهار كل الصلوات
دوريا صلي بالشيء اللي حفظتيه وان شاء الله يتثبت
وعاهدي نفسك ماتقوليش ننسى
قولي بإذن الله نحفظ ونثبّت
اعطي لنفسك افكار ايجابية باه تكوني ايجابية
توكلنا على الله حبيبتي