أم محمد تاج
ليجوا تاع الكارامال
خلطت نصف لتر حليب مع زوج مغارف كبار سكر وثلاث مغارف كبار نشا خلطتهم مليح ورحت درت الكارامال
في طاورة حطيت مغرف كبيرة زبدة وثلاث مغارف سكر وخليتهم حتان تحرقوووو وبالخفة بديت نضيف الكارامال على الحليب وخلطت حتان ذابت وولات لون تاع الكارامال والذوق حشمت نلوح صبعي نلسح عجوزتي كانت معايا في الكوزينة ومت بقلبي كيعاد مالحتش صبعي فيا صنعة الله غالب ههههههه وعاودت رديتها للنار حتان خثارت والكارامال لي بقات زينت بيها من فوق وخلاص وجات روووعة روووعة رووووعة