تحياتي اخواتي وان شاء الله تكونو بخير هدا حساء ساهل ماهل وبنين ياسر عملتو وحبيت نوريلكم طريقتو ان شاء الله يعجبكم خاصة محبات الشربات مكوناته شوية لحم دجاج او اسكالوب قطعة صغيرة فقط للبنة 4بطاطا 1بصل 2سنينات ثوم فرماج روج تقدري تعوضيه بمثلثات توابل ماء زيت هدا اعطاني كمية مليحة اللي ما عندهاش عايلة كبيرة ديري نصف الكمية شوفو ساهل ماهل قلي اللحم مع البصل والثوم زايد التوابل مرقي زيدي البطاطا مقطعة مكعبات وخليها 20دقيقة في قدرة الضغط بعد عشرين دقيقة طفي النار وارمي فيها الفرماج ربي وادا عندك زيتون اخضر قطعي فيها شوية هايلة وبنييييييييييينة تقتل ملاحظة زودي شويه كمية الماء للاطفال رائعة لكن بدون حار وتوابل ها هي ادا عجبتكم دعوة خير تكفيني