تحياتي لكن وان شاء الله تكونو بخير هدا حساء جديد بسيط سهل وبنين ياسر اتمن تجربوه وما راحش تندمو مكوناته قرع شويه من صدر دجاج او اسكالوب ثوم فرماج روج بهارات زيت ماء نقلي الدجاج بعد ما نكون قطعتو رقيق مع الثوم في الزيت نضيف التوابل عملت فلفل اسود فاح كركم ملح نمرق بشوية ماء كي يغلي نضيف القرع مقطع نخليه يطيب ربع ساعة حتي 20دقيقة نرحيه بالبرا نرجعو يغلي ونطفي النار ونزيد الفرماج روج رابي ونخلط نخلي شوية فرماج نزين بيه من فوق بنته ما نحكيلكمش رائئئئئع وها هي صورته الاخيرة زينتو بوردة طماطم