[ام الهضاب]

المشاركة الأصلية كتبت بواسطة om mita

بليز يا ام كوثر ربي يخليلك كوثر نشاله
قوليلي كيفاه طريقتك تاع الخبز العربي على الطاجين لانو معنديش فور حاليا جربت تاع الاخت أنوثة شرقية بصح مطلعش خلاص. وخبز البطبطوط وراني جربت مطلوعك خرجلي رووووووووووعة ربي يعطيهملك في ميزان حسناتك

الخبز العربي تحبي اطيبيه أعلى طاجين الكسرة أو أي مقلاة تفضلي عجينة سهلة و تصلح من اول مرة
ضعي كيلو فرينة و زيديلو خميرة الخبز مثلا زوج ملاعق كبار و زيدي زوج مغارف سكر و زوج مغارف لحظة و ملح و بيضة و نص مغرفة زبدة طرية و تعجنيها كم البيتزا و اتكربعيها و اتخليهم يخمارو بعد ذلك تحليهم بالحلالة رقاق بشوووووية فرينة و اتحطيلها بجهة حتان تخلصيهم سخني المقلاة و ما اديريلها واالو لانها ما يلصقش وإبداي بالأولى الي حللتيها ،لوحيها في المقلى و امنين تبدأ أدير فقاعات صغار اقلبيها رايح ايبطبطب زيدي اقلبيها و طيبها أعلى الجهة الأخرى ممكن الاولى ما تطلعش الثانية تتنفخ.