تطبيقي ليوم الجمعة صليت الفجر حاضر و قريت الاذكار و رقدت شويا ....... نص نهار توضيت و صليت ركعتين و قريت 2 احزاب و صليت على النبي 100 مرة و بديت التسبيح حتى اذن الظهر صليت و قريت سورة الكهف باقي الصلوات في وقتها و الاذكار و الاستغفار طوال اليوم ...(اللهم اعنا على طاعتك و حسن عبادتك) يوم الجمعة عندي نفس البرنامج كل اسبوع ......نوض الصباح مباشرة ندير لغدا طعام نقص عليه و نفتح النت حتى ينوضو الاولاد نقليلهم البيض و نحطليهم لفطور و ينوضو يعاونوني نفرغ كل الغرف و نغتح النوافذ نسيقو الدار كامل من لفوق لتحت كي نكملو نجهزليهم الدوش يدوشو و انا نرجع لفراش للغرف بعد الصلاة نتغدو و نقيلو بعد العصر شربنا لاتاي الاولاد راحو مع باباهم لمعرض الكتاب و انا قعدت نخيط حوايج نتاع بيبي لجارتي ...كملتهم و جات داتهم بديت نحضر لعشا و لولاد رجعو شوفو واش شراو تعشينا سندويشات الخبز العربي و صلينا لعشا . .. لولاد رقدو و الزوج قعد يتصفح الكتب للي شراهم و انا قريت 2 احزاب من المصحف باش نعوض للي ما قريتوش الصباح ...راني في سورة المائدة تطبيقي ليوم السبت كي العادة نضت مع الاذان سبحان الله تعودت نوض بدون منبه كملت الصلاة و التسابيح و قررت ما نوضش من مكاني و انا ثانيا رجليا حتى يطلع النهار باش نكسب اجر عمرة تامة (يا رب) .....قريت اذكار بعد صلاة الفجر و اذكار الصباح و قريت القران حتى لحقت لسورة الانعام ...جا الزوج من المسجد غلقت عليه الغرفة و رقد و انا رحت نبدا اشغالي و الذكر على لساني بما انو البيت اصبح نظيف من التسييقة نتاع البارح فتحت النت حتى ناضو الاولاد عطيتهم فطرو و لميت الكوزينة و الدار على خفيف و خرجت انا و الزوج كنا رايحين نقضو في نص القضيان عيطولو للخدمة رجعني للدار و راح جبت غير هاذو و باقيلي حوايج العيد لكبير مرة اخرى نخرج و نشريهم لغدا بعثتلينا الجارة عاملا معروف تغدينا و لميت الكوزينة و بديت نحضر للعشوية جاية عندي ضيفة درت خبزة كبيرة في الفور و كيكة النمر المخططة و جبدت واش كاين في الكونجيلاتور جات الضيفة قعدنا نحكو حتى قرب ياذن لعشا و راحت و هاكدا ضاع كامل النهار لا مراجعة للاولاد لا خياطة لا عشا قليت غير البيض تعشينا و صليت المغرب مع لعشا ....؟؟؟؟؟؟؟؟ و رقدت