تطبيقي لليوم الخامس استيقظت كيما العادة مع اذان الفجر ... قريت اذكار الاستقاظ و توضيت و صليت و قريت اذكار الصباح و توكلت على الله و رحت للكوزينة .... التلاوة عوضتها في الليل و لحقت ل 10 احزاب ......و ايضا راجعت الحفظ ما زالني في 70 اية من سورة البقرة ما بغيتش نزيد نحفظ حتى نثبت مليح للي راني حافظاتو اتجهت مباشرة للمطبخ و بديت نحضر للفطور للي راح يديه زوجي للعمل ....... وجدتلو 16 خبزة شحم او محجوبة و 3 تيرمويات كبار شاي و جا الزوج اخذ لفطور و انا كملت الطياب و بعثت لجيراني لانو الريحة لحقت حتى للشارع بعدها درت غدا خفيف للاولاد قليت بطاطا و سلاطة و ديسار ... تغداو و رجعو للمدار س نتاعهم و انا صليت الظهر و رجعت للمطبخ للي كان مخلط و زاد جاب الزوج الاواني للي فرغو في البداية درت بسينة فيها ازيس بريل و قطرات جافيل و عمرت فيها الكيسان نخليهم يتعقمو بين و لا لميت باقي الاواني غسلت الكيسان و حطيتهم فوق قطعة قماش نظيفة باش يشيحو بالخف و نرجعهم لمكانهو و الاواني لكبيرة درتها في سلة و خليتها تقطر كملت تنظيف المطبخ رجعو الاولاد عطيتهم القهوة و لحليب مع المربى و قعدت نرقع بعض الملابس لعشا درت شوربة و سلايط