السلام عليكم وقيلا راكم والفتوني كل يوم. على الاقل خمس تطبيقات احم احم. الحمى وما دييييير والله غير زينة بصح الميزااانية ثقلت علي المزية الغشي يعاون فيا شيخي قالي كل يوم نحيبلك بلاتو بيض وزودي من الجينواز هههه جاء رطب على الغرجوطة المهم نرجعو للتطبيقات البارح حبيبت نجرب نيسلي ام انس حبيبتي خلطتو من الصباح حتى اليوم. الصبااح باش طيبتو هاهو قبل الكوكوت الى حد الان رانا لا باس الصبااح انا مزروبة باش نخرج نشري لعبودة حوايج المدرسة قلت ايا نطيبو هبطت على جالو الكوكوت الكبيرة قااع على خاطر جاتني كمية قد علبة الحمص الكبيرة وهيا هيا الغاشي كامل هربتو من الكوزينة قلت ايا نتايمحو راني درت اكثر من بومبة في الكوكوت غير اهربو. هيا وابات تصفر قاللي شيخي الحمد لله ما فيش خطر وكملت الساعة وحليتها وحاطة يدي على قلبي على خاطر ما نيش ناسية زمان ماما واش دارت فيها بلارة تاع زجاج حطتها في الماء السخون ويا فرحتي نيسلي مكرمل ويشهي وااااو والله ما عدت نشريه وانت يا ام انس راهي المستغفرة قالتلي لو تجربي نيسلي تاع ام انس تحكي الطيارة وتروحيلها والله نتيجة تفرح بزاف وخليتو غير كي وليت من الخرجة وافتحتو وهاهي النتيجة الرابط https://www.djelfa.info/vb/showthread.php?t=1221090 وتاني جربت اسفنج تاعك يا ام انس رووووعة الرابط https://www.djelfa.info/vb/showthread.php?t=1242169 وهادا كحلووووشي اللى فحلات المنتدى الكل داروه والله غير يستاهل راه اقتصادي وسااهل. وبنيييييين. ولدي الصغير يسرط فيه بلا مضيغ هذا واش نحب قاطو ساهل بنين واقتصادي الرابط https://www.djelfa.info/vb/showthread.php?t=794889 وتاني اسفنج حنان كي ما كفاهمش تاع ام انس عاودنا تاع حنان باش ما يتنواوش عليا خفيف وسااااهل الرابط https://www.djelfa.info/vb/showthread.php?t=1409597 هاذه اوردوفر الطبقات اعملتو كم مرة مي راحتلي صاحبتة الوصفة يا ريت تفكروني فيها وتاني الوصة الاصلية كانت لام رامي حبيبتنا لكن انا حبيت نزرب كيف امال ما عملت وطبقتها كيما هي رابط امال https://www.djelfa.info/vb/showthread.php?t=1141877