اقتباس:
المشاركة الأصلية كتبت بواسطة كنوز البحار
بصحتكم اختي نشالله جاتك بنينة..ماطوليش برك
|
مرحبا اسمحيلي اختي البارح قتلني راسي بالوجع وماعاودتش رديت عليك المهم هاد المرة انا جربتها في الطنجرة تاع الضغط يعني في لا كوكوت
درت فخذ دجاج نقيتو مليح ومانحيتلوش الجلد سخنت الزيت مليح مليح في لا كوكوت وحطيت الفخدة تاع الدجاج تتقلى حتى تتحمر عسيها وقلبيها حتى تحمريها من كل الجوانب وحكمي راس توم رابيه فوق الدجاج وحركي زيدي نص بصل رابي وديري التوابل اللي هوما ملح فلفل اكحل وكيري وكمون وورقة رند وشوية تاع كركم وزعفران فلفل حمر ودرت صوص تومات جومبو في بلاصة الطماطم المرحية انتي تقدري تبدلي ادا ماعندكش ولا حلي طماطم مركزة في شوية ما سخون
المهم خليهم يتقلاو مليح مليح وضيفي اوراق قصبر كمية قليلة ومرقي بماء قليل قيس ما يطيب الدجاج واغلقي لا كوكوت مدة 30 د على نار مهيلة
ومن بعد نقي البطاطا وقطعيها الشكل اللي حبيتي لكن غليظة مش كما تاع الفريت
و قليها في زيت على نار قاوية غير تتحمر من برا ماشي تقليها قليان حتى تطيب من الداخل
كي تفتحي لا كوكوت تلقي الدجاج طاب نحيه على جهة وهنا عندك خيارين
1*اما تدهني بلاطو تاع الفور بالزبدة وتستفي البطاطا وتفرغي عليها المرق اتاعك وتحطي الفخذة وترشي جبن مبشور وتدخليها تتجمر في الفور
2*اما تحطي البطاطا داخل الطنجرة وتزيدي رشة كمون وفص ثوم مهروس ورشة قصبر مفروم وتخليها تتشرب وتتجمر وتحكمي الطرف تاع الدجاج تحمريه في مقلى بالزبدة والزعيترة كما درت انا البارح
لكن للاسف ماكترتش فطبقي زدته للذراري كلاوه انا غير ذقت ماعليش حتى نعاود
وحطي وكولي بالصحة والراحة
والان دور النصيحة شوفي سر بنة المرقة هو في اول خطوة يعني في مرحلة التقلية تاكدي
اول شي لازم الزيت يسخن مليح في لا كوكوت باش كي تقلي الدجاج مالازمش يطلق الماء اتاعو لازم يتقلى غير في الزيت هادي اول نقطة وتاني شي هو ماتحطيش المكونات اللي راح تقليهم كلشي مع بعض وتخلطي لالا
رتبي
الدجاح اولا حتى يتقلى مليح مليح باش تضيفي الثوم المهرةس وقابليه حتى يتذبل لانو ادا ماعسيتيهش يتحرق الثوم بسرعة ويفسد نكهة المرق ككل
ومن بعد ضيفي البصل وتماك تقدري تضيفي الملح ومن بعد الطماطم كي ترميها لازم تمتم تتقلى وهدا يعني انو لازم يكون الزيت مازالو سخون ومافيه حتى سوائل تاع البصلة والدجاج وزيدي التوابل وخليه يتقلاو قريب 10 د باش تماك تضيفي ماء حار وتغلقي
نتمنى تكوني فهمتي الشرح وادا عندك اي سؤال انا تحت امرك تفضلي