حبيباتي نبدا بسم الله الرحمان الرحيم:
قاطو الفرماج: أربع فرماجات اختياري + 250 غ مارقارين صول خبطيهم مليح وضيفيلهم 100غ جوز مهرس خشين و100غ زبيب مقطع ولوحي الفرينة حتان تشيح وكعبريه وطيبيه ومبعد لوحيه في العسل سخون ومبعد في قوفريط مرحي وزيني بالبريون دوغي
مقروض القارص:
رطل مارغارين دائما صول الأحسن + 400 غ سكر قلاصي + 4 بيضات وكاس كاوكاو وزوج خميرة القاطو ولافاني ورطل زاست تاع القارص والفرينة شيحي بيها شكليه مقروضات وحطيه يطيب كي يطيب وجدي الشاربات تاعك: عصير رطل قارص +كاس ونص ماء وكاس سكر خلطي مليح حتان يذوب السكر وأغطسي الحبة ورديها في كيس فيه السكر قلاصي على مرتين
مربعات محشية بالجوز ومعجون لفراز:
العجينة:125غ مارغارين طرية+100غ سكر قلاصي+ بيضة وصفار بيضة ونصف ملعقة صغير خميرة ولافني والفرينة تشيحي بيها أطرحيها بالقنوط وحطيها على لي مول كاريات وأثقبيهم وطيبيهم ومبعد خلطي معجون لفراز مع الجوز مرحي وأحشي المربعات وأغلقي وديريهم في الشيكولا وزيني بحبة نوازات وبالنسبة للخطوط راهم أومباسادور البيضاء
صابلي الدمعة:
250غ مارغارين طرية +5 مغارف عسل وخمس مغارف حلوة الترك وخمس مغارف كاوكاو مرحي رقيق مغرف صغيرة خميرة القهوة والفرينة شيحي بيها شكليه دمعات وطيبيه ومبعد لصقي كل حبة بالكريمة التالية:
6 مغارف معجون مشماش مع باطة صغير حلوة الترك سخنيهم على النار ومبعد ضربيهم بالباتور حتان يبياضو ويوليو كريمة
مبعد اغطسيهم في الشيكولا وزينيهم بخطوط الأومباسادور
والمقروض درت تاع أم رامي للمبتدئات خرجلي رووووع
والغريبية طريقتي الناجحة: كيلة سمن قوراية بارد وكيلة غير زوج مغارف سكر قلاصي المرجان ولا مولان غوج ونص كاس كاوكاو مرحي مليح ونص كاس بيستاش مرحي وزوج كيلات ونص فرينة مقلية
خبطي مليح السكر مع السمن وضيفي الكاوكاو والبيستاش ومبعد الفرينة المقليو والباردة مليح وكملي شيحي بالفرينة العادي وجربي حبة إذا ماساحتش في الفرن يعني خلاص الفرينة
والبقلاوة غنية عن التعريف
لي حابة أي استفسار راني هنا