[fella food art]

السلام واش راكم
هادي الحلوة البسيطة و البنينة توالم للعيد ان شاء الله تعجبكم

المقادير:

*125غ زبدة طرية من الاحسن لابال
*نص كاس سكر ناعم sucre glace
*نص كاس زيت
*1حبة بيض
*2ملاعق كبار نوات كوكو noix de coco
*2ملاعق كبار كاكاو
*1ملعقة صغيرة لافاني
*1باكي levure chimique
*400غ فرينة

للتزيين

*معجون مشماش
*كاكاو
*نوات كوكو noix de coco





طريقة التحضير

ديرو الزبدة+الزيت+السكر


من بعد حبة البيض


من بعد نواتكوكو و الكاكاو و لافاني


من بعد الفرينة و لالوفوغ


خلطو حتى تنطم العجينة


من بعد ديري كويرات صغار و طيبيهم في فرن متوسط الحرارة


شوفو كي يطيب يتشقق امممممممممم

طريقة التزيين

ادا كان عاقد المعجون تاعك زيديلو شوية ماء


ديري النوات كوكو و الكاكاو و خلطيهم


يلولي هاكدا


من بعد

الكمية المستخرجة :33/30 حبة
من الافضل كي تكونو حتقدموه باش ديرو المعجون و النوة كوكو باش يبقى مقرمش كيما انا دوك درتو و خبيتو في frigo بلا ما نديرلو المعجون نهار لي نسحقو نديرلو

عندو مداق هايل جربوه ان شاء الله يكون عجبكم
وصفة ساهلة ماهلة سريعة و اقتصادية و بنيييينة و شابة هههههههههههه






صحة فطوركم