السلام عليكم ورحمة الله تعالى وبركاته نشكر أم أماني جزيل الشكر على الوصفات الي مدتهالنا الحق انتاع ربي كلها ناجحة وبنينة بارك الله فيها وجعلها في ميزان حسناتها ان شاء الله أنا راهو قريب عرسي يعني بديت نخمم واش ندير قاطو اواش من وصفات نعتمد اعليها اليوم جربت العجينة السحرية الي دارت بيها أم أماني التشاراك أنا فالحق درت شوية تشاراك مسكر ولكن أنا كانت نيتي ندير عرايش بالطلية وبالفعل خرجولي يذوبو فالفم وعجبو كامل العائلة خاصة الوالد راكم عارفين الكبار شوية يتشرطو فالقاطو لمكانش هشوش يعطولك العلامة 0ههههههه ننصحكم تجربو الوصفة خاصة فالمناسبات و الله غير خوذوها من عندي قبل متخلاص المناسبة يجو يسقسوكم على السر هههههههههههه تفضلو التطبيق الأول أما التطبيق الثاني فهو كيكة الدانيت بنينة بنينة بنينة وعلى قد بنتها نشكرك يا أم أماني ربي يحفظك ان شاء الله صورة أقرب تحياتي للجميع