شكرا أم كوثر على التثبيت شكرا عسولات على المرور والتشجيع والدعوات الرئعة ، أدام الله المحبة الأخت اللي طلبت نحط صور الأطباق ، راني فكرت فيها بصح تراجعت لأن الموضوع فيه عدد كبير من الوصفات ، هذي راهي غير البداية مازال نزيد نحط وصفات أخرى . الموضوع راهو متعب وكبير ، باش يكون كاين تنوع يخلي أي عضوة تلقى واش يناسبها . الأخت اللي طلبت نحط عرضة كاملة ، اختي فكرت فيها أيضا بصح مانقدرش نفرض عليكم واش ديرو ، كل وحدة وذوقها ، أنا نحط الوصفات مصنفة : مقبلات ، سلطة ، شربة وأنتم خيرو واش تحبو الأخت اللي قالت أن الكتابة رقيقة ، عندك الحق ، حتى انا بعد ماعتمدت الموضوع لاحظت هذا ، ضرك نحاول نكبر فيها شوية ونبدل اللون إلى الأسود شكرا على التنبيه أكيد اللي شايفة وصفة مليحة ومضمونة ، أنا نسيتها تفكرني ، تعطيني الرابط وجازاها الله كل خير ، الموضوع هذا راهو لينا كامل .