أمثال شعبية 100/100 [الأرشيف] - منتديات الجلفة لكل الجزائريين و العرب

salima14

2012-01-31, 11:46

السلام عليكم جميعا موضوعي الأول فمنتدى الثقافة المحلية وهو على الأمثال الشعبية
اللي رانا قريب ننساوها رايحة نحطلكم بعض الأمثال و اللي يدخل يحط مثل من عندوا
حتى نقدروا نجمعوا كامل أمثالنا هنا
نبدى باسم الله

*كاسب المال يموت يحسب

*إذا تفاهمت لعجوز و الكنة بليس يدخل الجنة

*كول ما يعجبك ولبس ما يعجب الناس

أكيد كاين اللي كاين منها و كاين اللي مكانش منها:D

و الآن إليكم الخط نهاركم مبرووووووووك:dj_17:

يوسُف سُلطان

2012-01-31, 14:38

مرحبا بأوّل نزول هنا اختنا الفاضلة

هناك أمثال عديدة في موروثنا الثقافي ، نشعر أنّها تتنافى وشريعتنا الاسلامية... ولكنّ بما انّ الامثال دائما تحمل المعنى البعيد وليس المعنى الصريح
فأنا بالعكس أراها كثيرا ما تتوافق ولا تخالف الدّين .والله أعلم
بارك الله فيك

..

بنت البحر

2012-01-31, 14:54

شكرا أختي عن الموضوع فعلا بدأت الأمثال الشعبية تتلاشى في زمننا هذا و أنا بدوري سأقول بعض ما أعرف:
* كي عاش اشتاق تمرة و كي مات علقولو عرجون.
* الراجل عيبو جيبو.
* عاش ما اكسب مات ما خلى.
* الي فاتك بليلة فاتك بحيلة.
أرجو أن تعجبكم

salima14

2012-01-31, 18:51

*كي يكثرو الفيران ميحفرو غيران
*كي تهدر لالاة النسا تسكت مشرومة لكسا
*اللي ما عندو قلب يتعزى بيه

تالا تسنيم

2012-02-01, 17:04

مشكورة أختي الكريمة على الطرح....... صراحة عجبني هذا المثل اأول مرة نسمعو ...الي قالتو أختي سليمة 14 ....... كي يكثرو الفيران ميحفرو غيران.......

1 - ما يبقى في الواد غي حجاره
2- ماهوش قاع الي جا من الظهرة هذاك خو الزهرة
3- الي فاتو ياماتو ما بطمع في ايامت غيره

كي نزيد نتفكر امثال أخرى ان شاء الله غادية نحطهم

salima14

2012-02-01, 18:55

مشكورة أختي الكريمة على الطرح....... صراحة عجبني هذا المثل اأول مرة نسمعو ...الي قالتو أختي سليمة 14 ....... كي يكثرو الفيران ميحفرو غيران.......

1 - ما يبقى في الواد غي حجاره
2- ماهوش قاع الي جا من الظهرة هذاك خو الزهرة
3- الي فاتو ياماتو ما بطمع في ايامت غيره

كي نزيد نتفكر امثال أخرى ان شاء الله غادية نحطهم
انا أول مرة نسمع بمثل(مهوش قاع اللي جا من ضهرة خو زهرة)
مرحبة بيك أختي:dj_17:

salima14

2012-02-01, 18:58

اللي يبات معى الجاج لويلة يصبح يقاقي
واش يجيب الفضة للنحاس

salima14

2012-02-02, 12:27

زين و زين يجيبو لويز لخالص
و زين و شين يجيبو فرخ طاوس
وشين و شين يجيبو لخنافس

rania l

2012-02-02, 13:47

ادا حبك القمر بكمالو واش تدير بالنجوم اتباعوا
العبد الطالح ما حلا فراقوا الي عجبوا الزين يصبر لعدابو
ما يعجبك نوار الدفلى في الغابة دايرا الضلايل وما يعجبك زين الطفلى حتى تشوف الفعايل

تالا تسنيم

2012-02-02, 15:06

1............الــــي مــــا فــــي كــــرشو التبن...... ما يــخـــاف مـــــــــــن الـــنـــار.........
2........... انا نـــحــفــرلـــو فــي قــبــر امــــه و هـــو هــــارب لـــي بالـــفــاس

تالا تسنيم

2012-02-02, 15:08

1.........الــــــــــــبابور الــــي يــــكــثــرو ريــــاســـو يــــغــرق

تالا تسنيم

2012-02-02, 15:28

تحية لأختي سليمة 14 ..ربي يهنيك.......:19:

salima14

2012-02-02, 16:21

يا داخل بين البصلة و قشرتها ما تنوبك غير ريحتها

salima14

2012-02-02, 16:22

تحية لأختي سليمة 14 ..ربي يهنيك.......:19:
مرحبى بيك أختي و ربي يهنيك

dousfer

2012-02-02, 17:26

الحر حر والخدمة ما تضر
القبر يبات فيه مولاه
كل شاة تتعلق من كرعها
كي غابت الطيور ناضت الهامة تدور
الماكلة تنشم شمان
خاوة خاوة والنية ماكانش
خوك خوك لا يغرك صاحبك
سعد الزينة فالسما وسعد الشينة فالحما
الهم يكمش والربح يللش

salima14

2012-02-02, 18:11

كي تشبع الكرش تقول للراس غني
تشكر لعروس مها و خالتها

salima14

2012-02-03, 17:07

الحاجة اللي ما تشبع ما تسمن
يا لمزوق من برى واش حالك من داخل

salima14

2012-02-06, 20:21

بنى و على راح و خلى
اللي دارها بيديه يحلها بسنيه

arridj

2012-02-06, 21:07

اللي عارفوا الدئب حافضوا السلوقي من الدرجة للفرجة ربي اجعلني غابة والناس عندي حطابة

salima14

2012-02-06, 21:39

إكويه يعقل عليك

NADOCHA

2012-02-07, 09:12

مولد نبوي شريف للامة الاسلامية عامة وللمنتدى خاصة قالك:
الحر بغمزة والعبد بدبزة.
اقلب القدرة على فمها تخرج البنت لمها.
ليطيباتو المعفونة ياكلوه ولادها.
خنفوسة مدسوسة ولاياقوتة مكشوفة.

soumsouma

2012-02-07, 10:09

سلام اريد المشاركة لو سمحتم

وجد الحطب قبل ما يخطب
خص العمية غي لكحل
ربي يجعلني غابة و الناس حطابة
جزار و عشاتو لفت

أجمل الزهور

2012-02-07, 11:17

* بدل لمراح تستراح
* لمفهم لمعنى يعطيه طعنة
* لقريه ذيب سلوقي حافضوا
* لفم المزموم ميدخلو ذبان
* عيش يا عياش حتى يطيب لمشماش
* متكلش عيشك حامي
* منو شكارتي ميمتي وخالتي
* حوحو يشكر روحو
* مولا لفول يقول فولي طياب
* لفم لعوج خصوا غير لمقروط
* لملقى ميدير يقشر الشعير
* كل خنفوس عند ميمتو غزال
* لذاق لبنة ميتهنا
* كيغيب القط يلعبوا لفران
* من برى الله الله ومن داخل يعلم الله
* لعاود يقطعوا داود

salouajijel

2012-02-07, 11:33

Merçiiiiiiiiiiiiiiiiiiiiiiiiiiiiiiiiiiiiiiiiiiiiii ii

salima14

2012-02-07, 12:45

* بدل لمراح تستراح
* لمفهم لمعنى يعطيه طعنة
* لقريه ذيب سلوقي حافضوا
* لفم المزموم ميدخلو ذبان
* عيش يا عياش حتى يطيب لمشماش
* متكلش عيشك حامي
* منو شكارتي ميمتي وخالتي
* حوحو يشكر روحو
* مولا لفول يقول فولي طياب
* لفم لعوج خصوا غير لمقروط
* لملقى ميدير يقشر الشعير
* كل خنفوس عند ميمتو غزال
* لذاق لبنة ميتهنا
* كيغيب القط يلعبوا لفران
* من برى الله الله ومن داخل يعلم الله
* لعاود يقطعوا داود
هههههههههه هايلين نسيتهم كامل

salima14

2012-02-07, 12:46

خلاتو ممدود وراحت تعزي في محمود

nadin14

2012-02-07, 14:27

1- كل خنفوس في عين امه غزال
2-كبر الراس للدبارة وكبر الساقين للخسارة
3-اسمع للكلام الي بكيك ومتسمعش للكلام الي ضحكك
4-حوت ياكل حوت وقليل الجهد اموت
5-الفاهم يفهم بالغمزة والحمر يفهم بالدبزة(اللكمة )
6-اللي يزرع الريح يحصد غبارو
7-الجرب حكاك و الخائن شكاك.
8-دعوة زوج ولا دعوة عجوز.

salima14

2012-02-07, 19:34

الكلام علة و السكوت دوا
عدوك إذا بغيت تكويه أسكت و خليه

nadin14

2012-02-07, 20:36

***حسبتها كرمة وفيها الكرموص ..طلعت خربة وفيها الناموس ***
***كلام الليل مدهون بالزبدة ..يطلع عليه النهار يذوب ***
***انا بالجدق للفمو وهو بالعود لعيني ***
***قاعد على الزبالة ويحكم في الذبانة ***
***ضربة بدمها ولا كلمة بسمها ***
***همومك ديرها في شبكة منها يطيح ومنها يبقى ***
***اللي حب العسل يصبر على قريص النحل ***
***العبد في التفكير والرب في التدبير***
***راح ذاك الزمان وناسه ..وجا هاذ الزمان وفاسه ***
***وقت احتجتك يا وجهي خبشوك القطوط ***
***الفياق نتاع بكري بالذهب مشري ***
***اللي حبنا نحبوه ونديروه فوق الرس عمامة ..واللي كرهنا نكرهوه حتى ليوم القيامة ***
***اخدم بكري ولاتروح تكري ***
***المال يجيب المال والقمل يجيب الصيبان ***الليل بعينيه والنهار بوذنيه ***
***المكسى مادرى بالحافي والزاهي يضحك على الهموم ***
دخل ياكل في الفريك ولا معانا شريك ***
***اطلق الجاجة لمليها لتبيض وتحصل فيها ***كي كان عايش شتهى عنبة وكي مات علقولو عنقود***

نورالايمان ناتاشا

2012-02-07, 22:53

شكرا لجميع المشاركين وشكرا على هذه الأمثال الرائعة وسأحاول المشاركة بما أعرف
1 قالك صبر صبر وكي شافها فالطاجين كفر
2 ربي يحفظني من حبابي اما عدياني باينين
3 لسانك صنتو صانك خنتو خانك
4 اسمع لكلام لي يبكيك و ما تسمعش كلام لي يضحكك
5 فرط في كل اصحابك الا صاحب ابوك متفرطش فيه
6 الحر بالكلام والبتي بالرزام

نورالايمان ناتاشا

2012-02-07, 23:15

7 قلت لأمها آما غلبوني بالكثرة قالتلها مها أغلبيهم بالبكرا
8 لي لقا لمضاحك وما ضحك عليهم نهار يموت يتاثم بيهم
9 نتي عليك بترقاق الكسرة وانا عليا بالمعاودا
كي نزيد نتفكر نزيد نبعثلكم

salima14

2012-02-08, 13:27

اللي ما عندوا زهر كيروح للبحر يلقاه ناشف

salima14

2012-02-09, 08:23

زواج ليلة تدبيرو عام
تعيا لعين تكبر و الحاجب فوقها

منار السجود

2012-02-09, 19:35

السلام عليكم ورحمة الله تعالى وبركاته
هذه بعض الامثال المتداولة عندنا لتمنى ان تنال إعجابكم
1- لي فاتك بليلة فاتك بحيلة
2- حاير الرجال يقول البارود ما يسحاش وحايرة النسا تقول القرة ما تطلعش
3- لي ما يعرفش للطير يشويه وريشو يديرو وسادة ولي يعرف للطير يربيه ويجبدوا نهار السيادة
4- الراجل يقول تقابلوا علي ثلاثة والثلاثة ما فيهم حنانة الدين والرمضان والمرا خرنانة
5- المرا تقول تقابلوا علي زوز وزوز مافيهم حناة الراجل سواط والعمة خرنانة
6- لا ساس في مرقة الراس ولا طاب لمن كلاها لا ساس في بنت الخماس ولا ساس في من خذاها

إلى الملتقى إن شاء الله

وديع 09

2012-02-09, 21:10

السلام عليكم

الي فيه داء ما يهدأ

geroise

2012-02-10, 23:43

لي غاب كبيرو غاب تدبيرو
لي ما يشاور كبير يطيح فى البير
يديرها عاشور وتحصل فى القشور
صبر يا قلبي على الدوني خير ما ترمي روحك وتقول رفدوني
اذا صرخ الطير الحر ما بقا للديك تاذان
لي بغا يربح ويتهنى يدرق وجه الكنة
جاء يدير الخير حرق القربي
كلام الزين ينفع فى الدين
ادا حبك القمر بكمالو واش عندك فى النجوم ادا مالو
جا يسعى ودر تسعه

ادا تفكرت نرجع نكتبهم

salima14

2012-02-14, 09:52

ويح اللي دارت راجلها صديق و للي دارت عولتها دقيق
يا لمآمنة الرجال مآمنة لما فالغربال

شمس مكة

2012-02-15, 08:40

السلام عليكم.................مشكورين على هذه الامثال الشعبية الجد رائعة
**أنا بالمغرفة لفمو و هو بالعود لعينيا
**اللي يحبني ما يبنيلي قصر و اللي يكرهني ما يحفرلي قبر
**اللي فاتك بليلة فاتك بحيلة

salima14

2012-02-15, 10:20

اللىي طلقها ما يوريلها طريق
جا يكحللها عماها

geroise

2012-02-16, 18:10

بيت الرجال افضل من بيت المال
خذ الكذاب بالنسيان
خالط العطار تنال الشموم و خالط الحداد تنال الحموم و خالط السلطان تنال الهموم
ديرها في النية و ارقد في الثنية
معاونة النصارة ولا قعاد الخصارة هههه نقولها لصحباتي فى الخدمة باه نتعاونو ليه ليه
الحديث قياس فيه الفضة و فيه النحاس

salima14

2012-02-17, 15:40

تسالموا و كل واحد دا شواربوا
خاين الدار ما يتعس

sido-ahmed

2012-02-17, 16:35

السلام عليكم ورحمة الله وبركاته انا سدو احمد اتيت اكم ببعض الامثال الشعبية ومنها
الجار قبل الدار
لسانك حصانك صنتو صانك خنتو خانك
سيدي مليح وزادو الهوا والريح

الجزائري44

2012-02-18, 14:46

القافز لا تديرلو و الجايح لا تخليلو

salima14

2012-02-19, 20:53

سال لمجرب ولا تسال طبيب
العود اللي تحقرو يعميك

منال9

2012-02-19, 21:26

السلام عليكم
المندبة كبيرة و الميت فار
حركي زنودك يحمارو خدودك
حراير منصورة وحد ا عميا و الاخرى مكسورة
نحرك ركبتى و لا نخسر كلمتي
ندهت الكلب نده ذيلو
بكري يا طفيل و دوكا يا عويناتو
سلام

salima14

2012-02-20, 10:54

السلام عليكم
المندبة كبيرة و الميت فار
حركي زنودك يحمارو خدودك
حراير منصورة وحد ا عميا و الاخرى مكسورة
نحرك ركبتى و لا نخسر كلمتي
ندهت الكلب نده ذيلو
بكري يا طفيل و دوكا يا عويناتو
سلام
هايلين شكرا أول مرة نسمع بيهم

fatehnho

2012-02-20, 17:02

أنا بلعسل لفمو و هو بيدو لعيني

fatehnho

2012-02-20, 17:04

قول لشادي ًالقرد حاشاكمٌ سيدي يشوف روحو قوريلا

حنان منة

2012-02-20, 18:05

السلام عليكم
بويا زين وزادته حبة في العين
ما خص العميا غير الكحل
شاشتو شا ما شتو شا القملة ومصارينها
جيت نسعى ودرت تسعى

abdelkader21

2012-02-20, 20:05

أقدم لكم مجموعة من الأمثال الشعبية وأتمنى أن تنال اعجابكم : 1 . خيرها في غيرها. 2 . ريحتها ولا قريحتها. 3 .من القطة انمخطوا. 4 . خلا العش أباض أحداه. 5 . عيشة خير من عياش. تحياتي

salima14

2012-02-21, 10:17

اللي يبدلك بالفول بدلوا بقشورو

salima14

2012-02-27, 19:17

اللي ما خاف من ربي ما يخاف من العبد
اللي كرهني ما يحفرلي قبر واللي بغاني ما يبنيلي قصر
ما تزاوجو حتي تشابهو

عمارة محمد هشام

2012-02-29, 22:28

ضربني و ببكى وسبقني واشتكى

salima14

2012-03-01, 15:24

قلب القدرة على فمها تخرج لبنية لأمها

يوسُف سُلطان

2012-03-01, 20:40

..اخطِيكْ منِّي تْعِيشْ مْهَنِّي !
بِتحَفُّظ أيضًا

* نور القرآن *

2012-03-01, 21:25

شــــــــكرآآآآآآآآآآ شــــــــكرآآآآآآآآآآ شــــــــكرآآآآآآآآآآ
شــــــــكرآآآآآآآآآآ شــــــــكرآآآآآآآآآآ شــــــــكرآآآآآآآآآآ

salima14

2012-03-02, 13:42

خليها فالقلب تجرح ولا تخرج برا و تفضح

تاج المحبة

2012-03-03, 20:43

كبر الراس للدبارة وكبر الساقين للخسارة

kokooo

2012-03-04, 20:25

اللي يصحر مع الذر يصبح فاطر

~~حـكـيـم~~

2012-03-04, 21:20

شكرا على الامثال

salima14

2012-03-05, 14:59

دوام الحال من الموحال

salima14

2012-03-06, 17:05

اللي صابوه عسل لحسوه

ayadat81

2012-03-07, 18:50

ما تقطع الواد حتى تبان حجارو وما تمشي في الليل حتى يطلع نهارو وما تصاحب

انسان حتى تعرف خبارو

عبير ORAN

2012-03-07, 19:55

ضربني و بكى سبقني و اشتكى

الي ما عنده شاهد يتسمى كذاب

جا يسعى ودر تسعة

باع البقرة و اشترى القدخ

حوحو يمدح روحو

تا شبع صالح و قال مالح

الي ما عندوه لبنات ما عرفوش باش مات

يبرد حمان القايلة بالزغاريد

اضحك يا فمي عل همي

ayadat81

2012-03-07, 21:08

لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
ديـر النية ونـعـس مع الحية تصبـح لك حـاجتك مقضية
وهذي في خاطرك
خذ المرا الأصيلة ونام على الحصيرة. الحرة إلا صبرت دارها عمرت.

اللي مشى بلا عرضة يجلس بلا فراش
++++++++++++++++++++++++++++
كل عام وانتم بالف خير

http://afifup.com/up/download.php?img=15636 (http://afif.ws/sahat)]

salima14

2012-03-09, 20:47

لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
ديـر النية ونـعـس مع الحية تصبـح لك حـاجتك مقضية
وهذي في خاطرك
خذ المرا الأصيلة ونام على الحصيرة. الحرة إلا صبرت دارها عمرت.

اللي مشى بلا عرضة يجلس بلا فراش
++++++++++++++++++++++++++++
كل عام وانتم بالف خير

http://afifup.com/up/download.php?img=15636 (http://afif.ws/sahat)]
شكرا أمثال أول مرة نسمعها شكراااااااااا

salima14

2012-03-09, 20:49

من برى الله الله ومن داخل يعلم الله
يا لمزوق من برى واش حالك من داخل

geroise

2012-03-09, 21:42

حديث النساء يونس ويعلم الفهامة
مرقة النساء ما تتحسا
دراهم لالة وتبراح ب سيدي
كسرة والماء و راسي فى السماء
ثيق بمرتك مادام امك تراقبها
بنت الأصل تحشم بالشكر

Fatma-48

2012-03-14, 11:13

الساجي لا ديرلو و الجايح لا تخليلو= يعني" الجايح كتخليلو مالك يخسرو والساجس = الفحل متخليلوش قاع و يدير الروحو"
الجن ايجيب الرماد و الرماد ايجيب الجن " يعني اللي ساجي ايجيب اولادو جايحين واللي جايح ايجو اولادو ساجيين"
:d علبابي راني روطار

أبو يونس الأصنامي

2012-03-14, 11:48

الساجي لا ديرلو و الجايح لا تخليلو= يعني" الجايح كتخليلو مالك يخسرو والساجس = الفحل متخليلوش قاع و يدير الروحو"
الجن ايجيب الرماد و الرماد ايجيب الجن " يعني اللي ساجي ايجيب اولادو جايحين واللي جايح ايجو اولادو ساجيين"
:d علبابي راني روطار

المثل يقول " النار تجيب الرماد والرماد يجيب الجنون " بمعنى قد يلد الرجل الجايح(الرماد) أولادا شجعانا(الجن) كما قد ينجب الشجاع(النار) أولادا جايحيين(الرماد).

nour29

2012-03-15, 11:16

اللي ما هام ما عام ما سلم على لفام ما طمع قداه الليلة باردة في العام
كو ماجيشتش نعرفك يات خروب بلادي تقول عليك بانان
ملي كانت تتهدالي ولات تتعطالي
الا راح الزين يبقاو مايرو

زهروان

2012-03-15, 11:27

*اللسان الحلو ترضع اللبية (انثى الاسد)
*دفعةمورا دفعة حتى فم اللفعة
*الحلوة المتولة من العضة اللولى

salima14

2012-03-15, 12:49

زيتنا في دقيقنا
سم اللفعة ولا سم القصعة
ينشف الواد و يبقاو حجارو

salima14

2012-03-15, 12:58

البنت إذا بارت على زهرها دارت
اللي موالف بالخبزة ما يرضى بالنص
إكويه يعقل عليك

salima14

2012-03-21, 11:32

البحر يدي لعوام
دراهم بوك يرحموك
دراهم المشحاح ياكلهم المرتاح

Tarek guelmois

2012-03-24, 10:19

قيس قبل ما تغيس
ولد الفار يخرج حفار

salima14

2012-03-24, 10:32

أرواح ليا يا لهم ولا نجيك
الجيعان كي يشوف النعمة يعمة
قولي شكون صاحبك نقولك شكون نتا

nani001

2012-04-05, 12:51

بعض الامثال والحكم
الزلط يرشي وينوض من الجماعة
لقها تبكي قلها اسكتي ناخذك
مولى الخبزة طامع في مولى النص

rafika1988

2012-04-05, 15:26

لالة عدوة وحاجتها حلوة
الحمار حماري وأنا راكب من لور

princess kabylie

2012-04-05, 19:02

توبيك في القمة

اجري جري الوحوش غير نصيبك ما تحوش

salima14

2012-04-06, 11:26

لالة عدوة وحاجتها حلوة
الحمار حماري وأنا راكب من لور

بعض الامثال والحكم
الزلط يرشي وينوض من الجماعة
لقها تبكي قلها اسكتي ناخذك
مولى الخبزة طامع في مولى النص

توبيك في القمة

اجري جري الوحوش غير نصيبك ما تحوش
merciiiiiiiiiiiiiiiiiiiiiiiiiiiiiiiiiiiiiiiiiiii:d j_17:

aylin ali

2012-04-08, 10:26

مرت السلف كي الحمة على الكتف
(يعني زوجة السلف مثل الحمى على الكتف )

salima14

2012-06-06, 11:30

طاح الحك وصاب غطاه
قدرة وصابت غطاها

hassanhadj

2012-06-06, 16:15

شكرا وجزاكم الله كل خير

hassanhadj

2012-06-06, 16:16

اللهم اغفر وارحم وانت خير الراحمين

ღ♥ღأهمـ واحدღ♥ღ

2012-06-06, 16:53

موضوع خفيف هههه رائع

راكم قلتوا قاع الأمثال ....

انا نقول :1:

مـــــــــــا تحلـــــــب القرلو ما يحســــــــــب روحو كروفات :1:

salima14

2012-06-22, 10:22

سيدي مليح وزادو لهوا والريح

jackin

2012-06-22, 16:14

مثل يقال عن البنت
الشين و الشرادة و القباحة زيادة

modeste 02

2014-11-25, 15:13

قيس قبل ما تغيس أسيدي قبل ماتغيس
استغفر الله كل خطرة ونعل بليس
echikh dahmen
:19:

ahmed-yahia

2014-11-25, 16:14

اللي ياكل ديما اعمى
اذا غاب الكبش اكبش يا علوش واذا غاب القط العب يا فار

ahmed-yahia

2014-11-25, 16:17

اللي ياكل ديما اعمى
اذا غاب الكبش اكبش يا علوش واذا غاب القط العب يا فار

*غزلان *

2014-11-25, 18:46

1- لابسة لبسة الملوك وعقلها عقل السردوك
2- اللسان الحلو برضع اللبة
3- لا تكثر على الملوك لا يملوك
4- إذا تخلطت الأديان شد في دينك
5- دير الخير و انساه و دير الشر و اتفكرو

البطل الجزائري

2014-12-08, 22:15

*اللي ما عندو قلب يتعزى بيه

شبح الملاعب

2014-12-31, 16:11

كلى لحم الجرابع .صبح يرابع
********************************
كان صاحبك عسل غير لجبال ما تتلقاش
********************************
الي قال الداب يربطه
***********************************
الي ما شبع من القصعة ما يشبع من لحسها
**********************************
كعور ومد لعور
**********************************
جاء يكحللها عورها
*********************************
طمع الجمل في حبة حلاوة
******************************
الي يتبع النساء يبات البرا
********************************
السكران يعرف باب داره
********************************
موطني موطني هز المقلاة وأعطيني
*************************************
شدي بنتك اامدام راهي تاكل في البتزا بالفرشطة
***********************************
اظرب ااااااااااااااااا الحمدي سوق الموبيلات
***********************************
سير سير عام السنة نباصي
**********************************
مع تحياتي .......

Business.pro2100

2015-01-02, 14:42

شكرا على الموضوع المفيد .

face moon

2015-01-08, 13:30

قلب القدرة لى فمها تخرج لمها

samsoma bac

2015-01-09, 10:27

li fatk blayla fatk bhila

boukmoh

2015-09-10, 16:39

بااااارك الله فيك

imanaz

2015-09-21, 11:22

تهنا الفرطاس من حكان الراس
خلي البير بغطاه

RAMIA

2015-09-24, 13:04

كل زير يلقا مغطاه غير انا ولد عمي جينا مغاطا

مجرد عابر سبيل

2015-09-25, 14:53

المثال الدي لطالما اضحكني كعور ومد لعور

kheira lab

2015-09-27, 15:09

كل شاة تتعلق من كراعها

kheira lab

2015-09-27, 15:10

ورحبا بالعضو الجديد
مجرد عابر سبيل

kheira lab

2015-09-27, 15:12

:dj_17::dj_17::dj_17::dj_17::dj_17::dj_17:قصدي مرحبا العضو الجديد
مجرد عابر سبيل:dj_17::dj_17::dj_17::dj_17::dj_17::dj_17::dj_ 17::dj_17:

عباس عرفان

2015-09-27, 22:01

يوركت على الموضوع

kaza100

2015-09-28, 17:16

بوركت على الموضوع

kheira lab

2015-10-03, 12:51

الرجالة تكسب والطحاحنة تحسب

Abdelhafid2

2015-10-05, 14:37

أمثلة شعبية لها معنى كبير بين الناس . قالها أناس أميون .

mayssouma t

2016-06-10, 23:32

ouii c vraisss