المساعد الشخصي الرقمي

مشاهدة النسخة كاملة : حلوياتي للعيد

ام جليل04
2011-08-29, 00:13
هادي الحلويات لي درتهم في العيد هادا ان شاء الله يعجبوكم
http://im9.gulfup.com/2011-08-28/1314573158431.jpg
سَلْسَبِيّلْ
2011-08-29, 00:23
يعطيك الصحة اختي عيشك الصامصة كيفاش ديريها وهل جيك طرية والا تتقرمش وشكرا
ضياء الاسلام
2011-08-29, 06:20
اختي قاطو نتاع الشيكولاطه كيفاش درتيه و شكرا
remadna
2011-08-29, 12:01
الله يبارك
يعطيك الصحة
صح عيدكم
ام جليل04
2011-08-30, 00:31
السلام عليكم والله هادا وين قريت الردود على كل ماعليش رايح نعطيك مقادير الصامصة وهي مجربة 100 ب 100 من وقت كنت في دارنا مع يما واخواتي كنا نديروها كيف كيف درك راني بداري وولادي ومازالني ندير ها المهم :
4 كيلات فرينة مغربلة + قرصة ملح صغيرة
كيلة سمن مائدة
كيلة ماء + ما الزهر
الحشو : 3 كيلات لوز + كيلة سكر + ملعقة سمن + شوية قرفة +طميها بشوية ماء الزهر
طريقة التحضير : فرينة + سمن + ماء وماء الزهر ،لازم عجينة الصامصة تتعجن شوية باش المكونات كمل يدخلو في بعضاهم قسميها على 3 او 4 كرات وتترك لترتاح 10 ولا 15 دقيقة اومبعد تاخدي ماشنة تاع العجينة وتبداي تحلي لعجينة رقيقة او تبداي تخدمي الصامصة ديالك ولا عندك اي استفسار قوليلي راني هنا معليش مور العيد خاطاش مازال كاين مناسبات واحدوخرين جايين ولا لا لا ؟
ام جليل04
2011-08-30, 00:35
نسيت ما قلتلكش حاجة كي تكنلي تخدمي كامل الصامصة تقليها بيانسور في الزيت وتاخدي ملعقة كل ما تحطي واحدة في الزيت تكبي عليها بالملعقة الزيت باش تتنفخ و لازم يكون الزيت معمر في المقلاة ماشي غير شوية حاجة اخرى ثاني خلي الصامصة ديالك حتى الغدوة من داك باش تعسليها ماشي تم تم خاطاش لوكان تعسليها بمجرد انك تخرجيها من الزيت جيك ماشي مقرمشة هادي هي راني قلتلك كل شيء
ام جليل04
2011-08-30, 00:42
درك ندور لضياء الاسلام هاديك الحلوة اسمها البنيون والحق دارتو بنتي لي في عمرها 12 سنة لأنه ساهل بزاف او هي تحبو نعطيك المقادير 2 علب بيمو
كاس كاو كاو
كاس حلوة الترك
نحطوهم قاع في الروبو نرحيوهم تزيدي عليهم 2 علب شوكولاتة مدوبة في شوية مارغرين تخلطيهم كامل وطميهم بالعسل و المارغرين مدوبين ثم ديري دوائر ولا حبيتي تزيدي ترمديهم في القوفريط ولا كاوكاو يجيوك خير وهايلين بصاح كي ديريها بالاكي تعطيها لكاش واحد مريض بالسكر لأن المكونات كامل حلوين
الصوامعية
2011-08-30, 11:53
ما شاء الله تكليهم بالصحة و صح عيدك
منة الله 82
2011-08-30, 17:16
عيدكم مبارك
تاكلوهم بالصحة
sofiane2075
2011-08-30, 18:07
الله يبارك يعطيك الصحة و عيدكم مبروك
ام جليل04
2011-09-04, 20:56
يا هنادي مارديتي علي ما قلتيلي ولا سييتيها ولا لا وضياء الاسلام ثاني ما عبرتونيش كامل وانا قعدت نكتب او نشرح وين راكم ؟؟؟؟؟
امراة لاتقهرها الاحزان
2011-09-05, 09:53
.................................................. .
remadna
2011-09-06, 09:12
.................................................. .

أختي سؤال
ماذا قصدتي بهذه النقاط؟
شكر صاحبة الموضوع احسن و اسهل رد للتشجيع على المواصلة
جوهرة الايمان28
2011-09-06, 14:37
يعطيك الصحة قاطوك هايل
ام احمد الغالي
2011-09-08, 18:53
يعطيك الصحة
ام جليل04
2011-09-15, 23:06
رماضنة يعطيك الصحة لأنك سألتيها في مكاني انا عندي بزاف ما دخلتش لأني بديت الخدمة كنت في العطلة السنوية درك خلاص الراحة ان شاء الله نقعدو دايم أصدقاء
ام جليل04
2011-09-15, 23:08
شكرا لجميع العظوات لي مرو وكتبو رد والمرة الجاية نجيبلكم صور هايلين لأطباق مليحة تعلمت كيفاه نحط صور وليت محترف ................
mimicha1977
2011-09-28, 13:40
الله يبارك
يعطيك الصحة
عضوية تحت المراقبة
2011-11-08, 23:06
بارك الله فيك