بليييييييز ساعدوني

[قوية بايماني]

سلام عليكم ارجو مساعدتكم في طريقة عمل التشاراك المسكر لخاطر نديرو بصح ميخرجليش طري ومشكورين لاطلاعكم على الموضوع تعيشو متبخلوش عليا بالرد انا في الانتظار

[remadna]

كاين وصفة يجي طري فيها الياغورت في المنتدى
ارجوك ابحثي عليها

[قوية بايماني]

مشكورة اختي

[أم هنيدة]

أختي نعطيك وصفة السيدة دليلة سليماني قدمتها في اذاعة القناة الأولى

3 كيلات فرينة - 1 كيلة سمن - 4 ملاعق أكل سكر ناعم -فانيلا -ومن جهة أخرى 100 غ مارغرين- الماء وماء الزهر

التحضير خلطي الفرينة مع السكر والفانيلا ثم أضيفي المارغرين قطع صغيرة وحكيها مع الفرينة ثم أضيفي السمن وخلطي ثم اعجنيها بالماء وماء الزهر حتى تصبح لديك عجينة ماشي يابسة وماشي جارية خليها ترتاح 30 دقيقة.

شكلي العجينة على شكل تشاراك

الحشو: 3 كيلات لوز أو كاوكاو أو جوز هند + 1 كيلة سكر عادي + فانيلا+ ماء زهر

وهنا ملاحظة مهمة جدا ذكرتها السيدة دليلة: بعدما تشكلي التشاراك ما طيبيهش في نفس اليوم خليه يبات ليلة حتى يبقى شكله جميل

طيبيهم على درجة 180 لمدة 30 د قالت احذري ان تطهي التشااراك على نار هادئة لانه العقدة تحترق لازم تكون النار قوية

بعدما يبردوا اغطسيهم في الشاربات: رطل سكر + نصف لتر ماء في كسرونة فوق النار لما تبدأ تغلي احسبي 15 د وطفي الشاربات تكون ثقيلة كي تطيب اضيفي للشاربات كاس شاي ماء الزهر خارج النار

اغطسي التشاراك في الشاربات ثم قطريهم في كسكاس ثم رمديهم في السكر الناعم.

لما تكملي تسكريهم رشيهم بالسكر الناعم من الفوق بواسطة صفاية

وبالتوفيق

[مبروكة الصحراء]

نصيحتي ليك حاولي تزودي شوي الزبدة على المعتاد و بسيسيه مليح قبل ما تلمس بالماء و مازهر هاكذا العجينة تجي مبسسة مليح و كي طيب ماتجيش يابسة و تكون هشيشة انشاء الله
تحياتي

[قوية بايماني]

مشكووووووورين اخواتي ربي يخليكم الف الف شكر ليك يا ام هنيدة تعبتك معايا وشكراااااااااااا مبروكة الصحراء على النصيحة رايحة نجرب نصائحكم غدا ان شاء الله جزاكم الله الف خير

[أم هنيدة]

مشكووووووورين اخواتي ربي يخليكم الف الف شكر ليك يا ام هنيدة تعبتك معايا وشكراااااااااااا مبروكة الصحراء على النصيحة رايحة نجرب نصائحكم غدا ان شاء الله جزاكم الله الف خير

وجزاك بمثله وان شاء الله تجربيه وينجحلك

فقط أريد أن أعطيك فكرة حتى يخرجلك مبسس وهي أن والدتي حفظها الله لا تستعمل الماء مطلقا لما تشمخ عجينة التشاراك أو العرايش وانما تشمخ العجينة فقط بماء الزهر لانه الماء يشرب الايدام ويخليها تيبس لذلك شمخي عجينتك فقط بماء الزهر وسترين باذن الله ان التشاراك يخرج مبسس