شربة فريك من جهتنااا...تفضلوا بالصحة

[*أم كوثر*]

السلام عليكم
شربة فريك
مشهورة عندنا بكثرة
و لان زوجي مغروم بها
تقريبا يوميا نطيبها الى جانب الاطباق الاخرى
اليكم المقادير
لحم افضل لحم الغنم
كرافس
دبشة
حمص منقوع
بصل
طماطم حب
طماطم مصبرة
فلفل حار
نعناع مجفف
نقلي اللحم مع البصل و الكرافس و الدبشة و حبة طماطم مقطعة و زيت و توابل و ملح
نقليهم جيدا حتى يذبل البصل
و هدا سر بنة الشربة
تقريبا نقليها ساعة و كل مرة نضيفلها الماء بكميات قليلة و اكيد الماء يكون سخون
http://up.arab-x.com/Jan11/BeM72384.jpg (http://up.arab-x.com/)

ومن بعد نضيف الطماطم المصبرة و نزيد نقليها شوية ومن بعد نضيف الماء حسب الحاجة و نغطيها حتى تغلي و نضيفلها الفريك
انا نحب نزيد نرحيه
http://up.arab-x.com/Jan11/bhv72384.jpg (http://up.arab-x.com/)

و نخليه يغلي حتى يطيب الفريك حوالي ساعة اخرىوماننساش نضيف الفلف حار
و في الاخير كي نطفي النار نضيف النعناع اليابس
و هددا هو الطبق

http://up.arab-x.com/Jan11/9cY72625.jpg (http://up.arab-x.com/)

و هذا اقرب باه تشمو الرائحة الزكية ههههههه

http://up.arab-x.com/Jan11/qC472638.jpg (http://up.arab-x.com/)
انتظر أرائكم و انتقاداتكم و لي عندها طريقة اخرى تنورنااا

[ROUMISA]

تقريبا مثل طريقتي
لك الف شكر عزيزتي ام كوثر
ننتظر اطباقك القادمة
تحياتي

[ام شرفو]

نفس الشيء
:mh92:
شكرا جزيلا
جبتيلنا ريحة رمضان امممممممممم
انا نتبلها برشة زنجبيل مرحي و في الاخير عصرة قارص

[BACHIRA2]

بارك الله فيك اختي ام كوثر ريحتها وصلت حتي هنا تقريبا نفس الطريقة مع اختلاف بسيط

[ام خديجة1]

بارك الله فيك شربة وعليها الكلام نحبوها كامل

[*أم كوثر*]

تقريبا مثل طريقتي
لك الف شكر عزيزتي ام كوثر
ننتظر اطباقك القادمة
تحياتي
شكرااا حبوبة انتظري المزييد:mh92:

[*أم كوثر*]

نفس الشيء
:mh92:
شكرا جزيلا
جبتيلنا ريحة رمضان امممممممممم
انا نتبلها برشة زنجبيل مرحي و في الاخير عصرة قارص

بصحتك ام شرفو :mh92:

[*أم كوثر*]

بارك الله فيك اختي ام كوثر ريحتها وصلت حتي هنا تقريبا نفس الطريقة مع اختلاف بسيط


اهلا اختي بشيرة ......ياريت قلتيلنا وين الاختلاف

[*أم كوثر*]

بارك الله فيك شربة وعليها الكلام نحبوها كامل
و فيك بارك الله حبيبتي ...نورتي:mh92:

[رحيق الايمان]

شكرا لك اختي ام كوثر تقريبا نفس الطريقة مع وجود اختلافات
ارجو منك مساعدتي بكل ما يخص منطقة الطارف لانني ساتزوج عندكم واريد ان تكون لي فكرة عن عاداتكم خاصة الغذائية

[allmaza]

انتظري طريقتي أم كوُثر عن قريب لأنو فيها اختلاف طفيف

[allmaza]

شكرا لك اختي ام كوثر تقريبا نفس الطريقة مع وجود اختلافات
ارجو منك مساعدتي بكل ما يخص منطقة الطارف لانني ساتزوج عندكم واريد ان تكون لي فكرة عن عاداتكم خاصة الغذائية

مرحبا بيك في الطارف يا رحيق الايمان
وأي استفسار رانا هنا نجاوبوك:mh31::mh31:

[*أم كوثر*]

شكرا لك اختي ام كوثر تقريبا نفس الطريقة مع وجود اختلافات
ارجو منك مساعدتي بكل ما يخص منطقة الطارف لانني ساتزوج عندكم واريد ان تكون لي فكرة عن عاداتكم خاصة الغذائية


انت اسألي و ان شاء الله نقدر نساعدك اختي
بالمناسبة عندي اختي متزوجة في تبسة و ماكلتكم تهببببل:19::19:

[*أم كوثر*]

وين في الطارف رحيق؟؟؟لا تكوني جارتي هههههه:1:

[نورة]

يعطيك الصحة هاكى طريقتى

لحم فى القدر +ثوم +رند +دبشة اى حشاوش +حبة طماطم مرابية +جزرة مرابية +ملح +فلفل اسود +رأس حانوت اي كسبر يابس+زيت +ملح +فلفل حار حسب الرغبة +طماطم علب +كمشة حمص +الكبابة حسب الرغبة الكل على النار ونمرق بالماء ساخن وبعد ما يطيب اللحم نصف طياب نضيف الفريك بعد الطهى نرابى فلفل حلو ونقطع فيها الدبشة بكثرة وتأكلو بصحة والعافية
جربيها ورديلى بالخبر

[*أم كوثر*]

انتظري طريقتي أم كوُثر عن قريب لأنو فيها اختلاف طفيف
اايه قوليلنا على الاختلاف في انتظار نشوف الطبق
نورتي حبيبتي:mh31::mh31:

[*أم كوثر*]

يعطيك الصحة هاكى طريقتى

لحم فى القدر +ثوم +رند +دبشة اى حشاوش +حبة طماطم مرابية +جزرة مرابية +ملح +فلفل اسود +رأس حانوت اي كسبر يابس+زيت +فلفل حار حسب الرغبة +طماطم علب الكل على النار ونمرق بالماء ساخن وبعد ما يطيب اللحم نصف طياب نضيف الفريك بعد الطهى نرابى فلفل حلو ونقطع فيها الدبشة بكثرة وتأكلو بصحة والعافية
جربيها ورديلى بالخبر


طريقو مختلفة تماما على طريقتنا
مشكوورة اختي
اتحفينا ان كان هناك المزيد:mh31::mh31:

[نورة]

طريقو مختلفة تماما على طريقتنا
مشكوورة اختي
اتحفينا ان كان هناك المزيد:mh31::mh31:

هذه الطريقة درتها فى وليمة لصحاب اخى بعثولى الجماعة وقالولى يعطيك الصحة على الشربة جربيها باه تعجب زوجك

[*أم كوثر*]

هذه الطريقة درتها فى وليمة لصحاب اخى بعثولى الجماعة وقالولى يعطيك الصحة على الشربة جربيها باه تعجب زوجك
اوك ان شاء الله
دمتِ

[BACHIRA2]

اهلا اختي ام كوثر انا اضيف جزر و حبة طماطم غير مقطعة و القليل من راس الحانوت كي يطيب اللحم ارحي الخضرو البقية لا اختلاف فيها بارك الله فيك

[allmaza]

حنا ما نديرو فيها حتى خضر

[نينا الجزائرية]

يعطيك الصحة
نفس الطريقة
غير حنا نزيدو جزر مقطع مكعبات

[نينا الجزائرية]

اهلا اختي ام كوثر انا اضيف جزر و حبة طماطم غير مقطعة و القليل من راس الحانوت كي يطيب اللحم ارحي الخضرو البقية لا اختلاف فيها بارك الله فيك

انتي من الغرب بشيرة ناس الغرب يديرو الخضرة ويرحوها

[*أم كوثر*]

مللللليح الله يبارك
كل منطقة و طريقتها
نورتوني:mh31:

[نينا الجزائرية]

راوية مدريش الحمص في جاري؟ غريب

[نورة]

راوية مدريش الحمص في جاري؟ غريب
يجى عادى هاهى اخت ام كوثر دايراتو
الجارى هوشربة الفريك؟ جربيها ورايحة تدعيلى ههههههه

[رحيق الايمان]

ربي يعيشكم و الله انا حابة نروح لدار راجلي يلقاني واجدة راكم تعرفو كل منطقة و عوايدها خاصة في الماكلة و حنا في تبسة معروفين انه ماكلتنا تتميز بانها ديمة مفوحة مليح و حارة ونستعملوا ليدام ياسر وحوايج اخرين الا ممكن ديرولي موضوع على عادات ناس الطارف

[allmaza]

أنا نقلي الفريك مع اللحم و الكرافس و البصل و الحمص و الملح لمدة
تم نمرق بالماء الدافي

[allmaza]

غدوة على خاطرك يا رحيق الايمان نديرلك موضوع على عوايد ناس الطارف
و سوف اتعاون انا و ام كوتر

[allmaza]

بصح قوليلي رحيق الايمان واش اسم المنطقة لي رايحة تزوجي فيها؟؟
حتى الطارف يختلف في مناطقه

[رحيق الايمان]

الله يخليك اختي راح نتزوج في القالة

[allmaza]

مرحبا بيك عندنا
كتري من وصفات الحوت

[allmaza]

البوري و الكروفات و الروجي

[رحيق الايمان]

و الله في هذوا راني 00 احنا منطقة داخلية و قليلة الانواع عندنا نسلك راسي غير شوي برك

[رحيق الايمان]

ام كوثر وين تسكن اختك المزوجة في تبسة انا نعرف وحدة من الطارف ازوجت عندنا هنا في الصيف الي فات ممكن تكون هي؟

[*أم كوثر*]

ام كوثر وين تسكن اختك المزوجة في تبسة انا نعرف وحدة من الطارف ازوجت عندنا هنا في الصيف الي فات ممكن تكون هي؟


اختي متزوجة في بوخضرة ومن مدة مش من عام برك


ولدها الكبير عمرو 8 سنين:mh31::mh31:

[صامهد]

الله الله يشهي يعطيك الصحة

[*أم كوثر*]

الله الله يشهي يعطيك الصحة
الله ينورك حبوبة:dj_17:

[رحيق الايمان]

ربي يبارك و يكملها و ليك واش تتمناو

[BACHIRA2]

انتي من الغرب بشيرة ناس الغرب يديرو الخضرة ويرحوها
اهلااختي نينا انا من الوسط و لكني تربيت و كبرت في الغرب لذا نحن نطيبوا اكثر مثل الغرب تحياتي

[*أم كوثر*]

اهلا و سهلاا

[allmaza]

شفتي الصورة تع الزفيطي ام كوتر لي حاطيتتها؟

[*أم كوثر*]

شفتي الصورة تع الزفيطي ام كوتر لي حاطيتتها؟
لالا وين؟؟

[allmaza]

في الصفحة تع زفيطي .......................

[أحاسيس مرهفة]

السلام عليكن أنا و ماما في دار وحدة بصح هي تطيب الشربة زي وانا زي

[أحاسيس مرهفة]

ماما تغلي الخضراوات في شوية ماء+زيت+ملح+فلفل أكحل +دبشة ومبعد ترحيهم و تزيدلهم اللحم و الماء و معجون الطماطم كي يغلو تزيد الفريك و الحار و تخليها تطيب تجيها بنينة بزاف أما أنا تطيبها كيما أنتي أم كوثر دون الكرافس ما نحبش ريحتو

[أحاسيس مرهفة]

فيما يخص أختي رحيق الايمان واش رايك تولفي راجلك ماكلتك أنتيا

[*أم كوثر*]

الله ينورك شيميتاااا فكرة جديدة عليا

[ملاك7]

بارك الله فيك شربة وعليها الكلام

[السيدة كرمين]

تبارك الله الوصفة و التقديم


http://www7.0zz0.com/2012/02/29/13/945004106.gif (http://www.0zz0.com)

[nanou12]

أنا تاني نعشق شربة الفريك و نتفنن في طبخها تقريبا نفس الطريقة غير نقلي بالنعناع المجفف و نضيف ورقة رند ...... يعطيك الصحة

[looona]

الله يبارك روعة

[ام ايمان16]

يعطيك الصحة

[أم فاطمة السلفية]

السلام عليكم ورحمة الله وبركاته
بارك الله فيك على الوصفة ، الصور ليست موجودة لكن طريقة التحضير تقريبا نفس طريقتي ، بوركت أخية وجزاك الله كل خير.

[fedwafifi]

السلام عليكم مرحبا

[amina132]

يعطيك الصحة

[أمّ علي]

شكرا لك اختي ام كوثر تقريبا نفس الطريقة

[ام اليمان]

بارك الله فيك

[nadiatlemcenia]

ممممممم على الفريك تسلمي

[ام احمد اسامة]

بارك الله فيك

[اسمهان79]

يعطيك الصحة يا حرة لحراير

[ahmed saja]

بارك الله فيك...

[ابني نور عيني]

الله الله الرسحة لحقت حتى لداري وصفة روووعة عن تجربة تسلم ايديك يا مبدعة

[ابني نور عيني]

اممممم تشهي انا عجوزتي حنونتي كي نروح ضيفة عندها تديرهالي علابالها نموووت عليها من يدها تطيبها روووووووعة

[oummaya]

روعة يعطيك الصحة

[edelweiss_dz]

يعطيك الصحة

[beb el wed]

شكرا على المشاركة اختي بارك الله فيك

[ناصر زاكي]

بارك الله فيك

[jenah]

مممممممممم تشهي تسلم الايادي

[أم البراء 2017]

الله يبارك

[manoulamarina]

بصحتك شكرا

[العضو المحظور]

بارك الله فيك على الموضوع المفيد

[amel62]

شكرااااا ربي يهنيك