الشرشم

[ali sali]

السلام عليكم
شكون تعرف طريقة عمل الشرشم تقولي الله يعيشها
وخاصة مع الطمينة ديالو

[ali sali]

ولا وااااحد يعرففففففففففففففففففففففففففففف

[*شهد العسل*]

هو قمح نبيتوه في الماء يتنفخ و غدوة نطيبوه في الماء و الملح كيطيب نفوروه حتى ينشف و يؤكل يجي بنين
عادة نطيبوه كينبتو الاطفال الاسنان و يوزع على الجيران
و كاين ليطيبوه في يناير يوم 12 جانفي
اما الطمينة الي تتقدم معاه الصراحة ماعنديش فكرة نسقسيلك و نقولك انشاء الله نكون افدك عزيزتي

[zanoubia2009]

الشرشم نحطوه في الماء معاه الفول والحمص ليلة كاملة من غدوة نضيفولو الطماطم الرحية والثوم والتوابل والزيت
والماء ونخليه في الكوكوطة يطيب

اما الطمينة على علمي نجيبو التمر النوع اليابس وبعد نهرسوه وكبعد نضيفولو الماء

[**زهو**]

في اي منطقة يستعملون الشرشم

[*شهد العسل*]

الشرشم

تحضر هذه الاكلة في بسكرة كى ينبت الطفل الصغير اسنانو

المقادير:
قمح
حمص
فول
طماطم+طماطم مصبرة
راس الحانوت
فلفل احمر حار (مرحى)
زيت
الشرشم بطريقة اخرى
ثوم
ملح
روس فلفل اخضر حار
التحضير:
ينقع كل من القمح والحمص والفول مع الملح ليلة كاملة ثم يطبخ فى الماء و الملح فقط
بعدما يطيبو نضيفولهم الطماطم+ الطماطم المصبرة+راس الحانوت+ فلفل احمر حار +زيت +ثوم ونخلييوهم يعقدو بعدها نحطولهم روس الفلفل الاخضر . كى ينبت البيبى اسنانو يطيبوا ناس بسكرة منو بزاف و يتم توزيع للجيران والاهل والاحباب.

[sonia.morchid]

أخي الشرشم يحضر بكترة في الشرق الجزائري وهي أكلة تحضر خاصة في موسم الشتاء
نأخد كمية لابأس بها من الحمص ننقعها في الماء لمدة ليلة كاملة وكمية من القمح اليابس أيضا ننقعها في الماء حتى يتضاعف حجم حبة القمح في قدر عميق (برمة ) نضع كل من القمح والحمص نضيف الملح مع بصلة كبيرة مرحية مع الكمون والفلفل الأكحل وكمية من الطماطم المرحية و الماءبدون ما نقلي البصل والتوابل ونتركها حتى ينضج كل من القمح والحمص تلتي النضج نأخد كمية من السميد المتوسط نبسس بزيت الزيتون نضيف القليل من الملح والتوابل كمون وفلفل اسود نضيف البيض (هنا البيض يحدد حسب كمية السميد )متلا لكل كيلو سميد نضيف من4ال5 بيضات حسب حجم البيضة نضيف القليل من الدبشة والمعدنوس بعد ما نفرمهم قليل من الشحمة مكعبات صغير ونضيف الماء حتى نحصل على عجينة جارية نوعا ما نشكلهأقراص بحجم التفاحة ونضيفهم الى الحمص والقمح ونترك الكل ينضج وبالصحة والعافية .
وحنا عندنا فالشرق نطلق على الاكلة اسم (بوخبوز لي عملناه ةبالسميد)
والشرشم معناه أننا لا نقلي البصل مع باقي التوابل أي الكل يضاف الى القدر ونضيف عليه الماء مباشرة بدون ما نقلي فالزيت
ملاحضة فقط السميد نبسس بالزيت مثل الطريقة التي نبسس بها المقروض
أرجو أن أوفق في توصيل الطريقة وتكون ةواضحة.

[بسمة حنان]

حنا الشرشم عندنا نطيبوه كينبت الولد السنين و هو عبارة عن قمح منقوع في الماء ليلة كاملة و عدوا نطيبوه بلا ملح يطيب بالخف و نشفوه من الما و نضيفولو الملح انا وحدة من الناس نموت نموت على الشرشم

[ام ظافر]

الشرشم في خنشلة يااختي نديروه لما تطلع للرضيع الاسنان نحطو القمح المنقوع ليلة كاملة مع قليلا من الحمص في قدر مع الماء وبدون ملح في الاول حتى تشوفي الحبة تاع القمح انفتحت يعني تتفلق هكذا يكون طاب تزيديلو الملح وتخليه يطيب قيس ما يدخل فيه الملح وتصفيه وتفوريه باه ينشف من الماء مليح وتكوني وجدتيلو الطمينة تاعو نخلطو في قصعة الغرس زايد الزبدة وقليلا من الروينة يعني مسحوق القمح مع الشرشم الي فور سخون باه السخانة تلملك كلشي مع بعضاه ويكون جاهز . حنا في خنشلة نديروه حلو ماشي بالمرقة مثل اماكن اخرى من ربوع الوطن واذا بغيتي اي شرح اخر راني هنا :mh31:

[*شهد العسل*]

الشرشم في خنشلة يااختي نديروه لما تطلع للرضيع الاسنان نحطو القمح المنقوع ليلة كاملة مع قليلا من الحمص في قدر مع الماء وبدون ملح في الاول حتى تشوفي الحبة تاع القمح انفتحت يعني تتفلق هكذا يكون طاب تزيديلو الملح وتخليه يطيب قيس ما يدخل فيه الملح وتصفيه وتفوريه باه ينشف من الماء مليح وتكوني وجدتيلو الطمينة تاعو نخلطو في قصعة الغرس زايد الزبدة وقليلا من الروينة يعني مسحوق القمح مع الشرشم الي فور سخون باه السخانة تلملك كلشي مع بعضاه ويكون جاهز . حنا في خنشلة نديروه حلو ماشي بالمرقة مثل اماكن اخرى من ربوع الوطن واذا بغيتي اي شرح اخر راني هنا :mh31:

اظن هذا ما كانت تبحث عنو الاخت شرشم و الطمينة تاعو مشكورة

[chawiya]

الشرشم في خنشلة يااختي نديروه لما تطلع للرضيع الاسنان نحطو القمح المنقوع ليلة كاملة مع قليلا من الحمص في قدر مع الماء وبدون ملح في الاول حتى تشوفي الحبة تاع القمح انفتحت يعني تتفلق هكذا يكون طاب تزيديلو الملح وتخليه يطيب قيس ما يدخل فيه الملح وتصفيه وتفوريه باه ينشف من الماء مليح وتكوني وجدتيلو الطمينة تاعو نخلطو في قصعة الغرس زايد الزبدة وقليلا من الروينة يعني مسحوق القمح مع الشرشم الي فور سخون باه السخانة تلملك كلشي مع بعضاه ويكون جاهز . حنا في خنشلة نديروه حلو ماشي بالمرقة مثل اماكن اخرى من ربوع الوطن واذا بغيتي اي شرح اخر راني هنا :mh31:

في باتنة هدا هو الشرشم الى نديروه و نديره ثاني مالح
نديروه حلو في يناير و مالح كي ينبت الطفل السنين

[yasser17]

ام الشرشم فى الغرب الجزائر يعملوها فى يناير يعنى فى راس السنة الامزغية

[ابتهال 33]

انا نعرف الشرشم كيما يسموه عندنا
ناخذوا القمح ننقعوه ليلة كاملة ثم نضعه في قدر ونضف ليه الماء ونخليوه يطيب
وبعدها نضيفولوا الحمص +ملح
وكي يوجد نضيفوا القليل من الفلفل الاسود قليلا جدا
تحياتي

[نينا الجزائرية]

منعرفش الشرشم واكتشفته معكم

[sofiane2075]

نحطو القمح ليلة من قبل في الماء و الحمص تاني نطيبوه في الماء و عندالنضج نضيفولو الملح تم نصفوهم نبعتو للجيران هادا كينبت الصغير اسنانه الامامية تم في نفس الصحن لي بعتي فيه الشرشم كل وحدة تحك لك الشميد الشحمة الخضر لي عندها تكوني فتلتي العيش يعني البركوكس طيبيه بالدجاج و الخضر و تزيدو تبعتيلهم يتغداو بيه

[ملكة البربر]

السلام عليكم احنا في منطقة الشاويةتحديدا في منطقة ام البواقي نديرو الشرشم كي نبت الطفل السنين وهو عبارة عن قمح منقوع ليلة كاملة وفي الصباح نظيبوه ونصفيوه ونعملو معاه الطمينة وهي عبارة على دقيق يكون خشين حنا نقولولها الحرشة والزبدة والغرس ونبعثو لالجيران

[salimata]

ام الشرشم فى الغرب الجزائر يعملوها فى يناير يعنى فى راس السنة الامزغية
نعم حنا في معسكر نديرو 12 من شهر جانفي يعني مع ناير

[*أم كوثر*]

في الشرق نديروه بنفس الطريقة
لكن فقط القمح المنقوع و الحمص
و نطيبوه في الماء و الملح بصح نحمصو القمح اولا

[souadamina]

السلام عليكم
الشرشم في ولاية باتنة يعمل في 12 يناير وكذلك لما ينبت الطفل الاسنان
اولا نسيرو القمح مليح ونبيتوه ليلة كاملة في الماء وفي الصباح نطيبوه مع الحمص المشمخ كذلك
ونعرفو بلي طاب لما تتفتح الحبة تاع القمح
ونزيدولو الملح في الاخير وكي تدخلو بنة الملح نطفيو النار ونصفيوه مليح حتى ينشف.
اذا حبيناه مالح ناكلوه عادي
اما اذا ارناه حلو نضيف السكر
او نعملوه مع الطمينة واللي هي عبارة عن روينة اي قمح محمص مع جوز ولوز وكاوكاو وحمض ونرحيوهم في المطحنة اليدوية
ناخذ كمية من العسل والزبدة او اللي عندو الهان الجديد ونذوبهم مليح ونضيف الروينة ونتركها شوية سائلة نضيفلها الشرشم
وما عندي ما نقلكم واحد البنة خاصة
وهذي نعملوها لما ينبت الطفل الاسنان ونوزعوها على الجيران والاهل

[ام خديجة1]

أخي الشرشم يحضر بكترة في الشرق الجزائري وهي أكلة تحضر خاصة في موسم الشتاء
نأخد كمية لابأس بها من الحمص ننقعها في الماء لمدة ليلة كاملة وكمية من القمح اليابس أيضا ننقعها في الماء حتى يتضاعف حجم حبة القمح في قدر عميق (برمة ) نضع كل من القمح والحمص نضيف الملح مع بصلة كبيرة مرحية مع الكمون والفلفل الأكحل وكمية من الطماطم المرحية و الماءبدون ما نقلي البصل والتوابل ونتركها حتى ينضج كل من القمح والحمص تلتي النضج نأخد كمية من السميد المتوسط نبسس بزيت الزيتون نضيف القليل من الملح والتوابل كمون وفلفل اسود نضيف البيض (هنا البيض يحدد حسب كمية السميد )متلا لكل كيلو سميد نضيف من4ال5 بيضات حسب حجم البيضة نضيف القليل من الدبشة والمعدنوس بعد ما نفرمهم قليل من الشحمة مكعبات صغير ونضيف الماء حتى نحصل على عجينة جارية نوعا ما نشكلهأقراص بحجم التفاحة ونضيفهم الى الحمص والقمح ونترك الكل ينضج وبالصحة والعافية .
وحنا عندنا فالشرق نطلق على الاكلة اسم (بوخبوز لي عملناه ةبالسميد)
والشرشم معناه أننا لا نقلي البصل مع باقي التوابل أي الكل يضاف الى القدر ونضيف عليه الماء مباشرة بدون ما نقلي فالزيت
ملاحضة فقط السميد نبسس بالزيت مثل الطريقة التي نبسس بها المقروض
أرجو أن أوفق في توصيل الطريقة وتكون ةواضحة.

والله يا اختي حنا ثاني نعملو الشرشم كيما ما تقولي ويعملوه في الشتاء وكاين لي يعملو يوم الصغير ينبت سنانو

[بشرى2008]

ولاية المدية كدلك الشرشم هو القمح البايت فى الماء والمغلى فى الماء والملح كى ينبت الطفل الصغير السنان ويوزع على الجيران

[نور اليقين10]

الطمينة عبارة عن تشيشة السميد تتحمص و يندرلها العسل و تتزين بالقرفة والحلويات اما الشرشم قمح يبات فالماء ويطيب امبعد يضاف له الملح والزبدة الطمينة نديروها عندازدياد المولود والشرشم عند ضهور الاسنان لطفل هادا في منطقة الوسط

[ام دعاء ومارية]

السلام عليكم تقريبا كل الوطن نفس الطريقة


انديروه بالمرق او الطريقة الثانية بالماء والملح

انطيبوه عندما يخرج لطفل اسنانه

مشكورة اختي

[my lamis]

حنا ناس تازا الشرشم تاعنا بلا حمص نديرو نبيتو القمح فالماء و الصباح نطيبوه في قدر ولا كوكوطة كيطيب نحطو فالصحن بالماء تاعو و نزيدولو شوية ملح حسب الذوق و ناكلوه و هذا نديروه بالكثرة لطفل و لا طفلة كي تخرجلهم أول سنة و كاين اللي يديرلو شوية فليو حشيشة معروفة و نوزعوه للجيران
أما الطمينة اللي قلتي عليها منعرفهاش و منحطوش معاه طمينة

[اميرة 022]

احنا الشرشم عهو قمح نخليوه في الماء ليلة ومبعدا نفوره يجي بنين

[مروة وفاء]

السلام عليكم شوفي انا ما نعرفش بصح ماما قالتلك
ديري القمح يتشمخ ما قبل بنهار و لى نهار و نصف مع الحمص امبعد ديريلو الملح و الماء و اللحم و لى الشحم و خليه يطيب قالتلك ماما يطول قيس 2 سوايع و قالتلك يسحق بزاف الماء امبعد كي يطيب يجي كي شغل خاثر و هدا ما كان سلاااااااااااااااام
تحياتي
رحاب

[*أم كوثر*]

حتى في الشرق نطيبو الشرشم لكن فقط بالقمح و الحمص و يجي لدييييييييييييييد
نديروه كما قالت الاخت شهد

[imy88]

احنا انديرو ه في يناير

ونديرو القمح مع فول ولحميصة انطيبوهم

[مجوج مليكة]

مشكورة اخت الكريمة

[oum taim]

احنا نحطوه فالماء والملح يغلي مدة ختان يطيب