المساعد الشخصي الرقمي

مشاهدة النسخة كاملة : مازالت صغيرة مازالت........

لخضر بن دادة
2010-10-11, 11:25
السلام عليكم واش راكم المهم راكم لاباس
المهم موضوع صغير ومزيون يحكي على البيتيتات الصغار ياك راهم يسموهم هكذا،
وكي تعيطليها بأسمها تقولك لالا راني صغيرة
وحد الظاهرة راهي انتشرت وهي تسوق المرأة مع بنتها والراجل قاعد في الدار
الى هنا راكم في الطريق،نحكي على الجيل الصاعد وخاصة لبنات
ياسيدي تلقى السوق معمر بالنساء مع بناتهم
اولا :لازم تشريلها الكسوة ماعليش أشري لبنتك اللبسة باه مايقولوش عليها عروبية
ياك العروبية وتحلبت راهي غير الدجينز والقدام
اذن نوصل الى حالة ان الأم هي اللي عاونت البنت باه شرات الكسوة المصيبة هاذي
ومن دراهم بيرو مانداف سبحان الله أسمه كي داير منداف
والأغرب والحاجة اللي تهبلك بنت في عمرها 07 حتى 15 عام وتلبس اللبسة هاذيك
بالله عليكم وين راه الخو والبو والعم والخال
أتخلات كامل هكذا ماكانش اللي يهدر
ولينا بكاكيش تاع حمام ربي غير نشوفو
وين راها الرجلة والموسطاش تاع زمان
الكل راه معاون في هذه المصيبة تاع اللبسة
وسيرتو البنت عاد صغيرة
بالعكس ربيها أحسن تربية ولبسها أحسن لباس المهم محتشم
ويقولك وين راه التطور
ياك راه التطور في اللبسة والتبواز الله يهدينا ويهدي والدينا اللي طلقو وجياحو هكذا
انافا
انتظر ردودكم تحياتي اليكم
لخضر بن دادة
2010-10-11, 11:27
اسف اخوتي المشرفين علي الازعاج باش نوضعه في منتدي حوار والنقاش اوضعته هنا

يرجي منكم نقله الي ركن حوار والنقاشات
ملكة الورود
2010-10-11, 11:36
والله غير عندك الحق في كل كلمة قلتها يا أخي
رانا في وقت العجب
والسبب يعود للفضائيات و الأنترنت الرجال والأباء تعودو يتفرجو على العاريات و الفاسقات في الفضائيات هاذو يدخلونا كل يوم لبيوتنا بأبهى حلة و مكياااااااااج يقطر تعودو عليهم خلااااااص والا يشوف بنتو ولا ختو كي تلبس هكذا عادية جدا والف....................
ربي يهدينا
غياب الوازع الديني أكبر مشكل في مجتمعنا ولا اللي متدين هو اللي وش راه يقول و معقد و مكمش .................