ماذا افعل انا

[ه سلاف]

السلام عليكم ورحمة الله تعالى وبركاته
انا جزائرية متحصلة على شهادة ليسانس من المدرسة العليا للتجارة حائرة ماذا افعل من كثرة العروض المقدمة لي للالتحاق بمناصب الشغل الهامة والمرموقة في البلاد
ههههههههه طبعا هذه عكس الحقيقة التي اتقاسمها مع العديد من خرجي الجامعات نتقدم الى مسابقات التوظيف العمومي بدون جدوى نشارك بمسابقات الماجستير ولا حياة لمن تنادي قررت ان اظل في البيت انتظر رجل المستقبل لكن ما هذا الذي بيدي انا، اخر ما فكرت فيه الذهاب الى الامارات العربية للعمل هناك خاصة وانا تخصصي سيجد الاهتمام هناك لكن ولأن كل شيء ميسر وسهل فالعائلة ترفض كوني فتاة لا يصح لها الذهاب بمفردها .........
ماذا افعل الى اين اتجه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

[lamiasf]

ya khti rana gaa kif kif zaama les diplomes des écoles homa ytclassaw lwala:1: fssah makan makan lazemlk maarifa hadi hya

[نداء الامل]

لا تفعلي شيئا انتظري عريس الغفلة وامكثي في البيت فلن تختلف حالك على حال البقية الباقية من الطلبة
ربي يوفقك اختي

[ه سلاف]

ههههههههههه عريس الغفلة بيد ربي والمكتوب انا حابا يلي بيدي انا ويلي في وقتنا مهوش بيدنا

[ANAS22]

اذا عندك باه تروحي للامارات 30 مليون اخدمي بيها كلاندستان خيرلك

[condor5000]

ومن يتق الله يجعل له مخرجا ويرزفه من حيث لا يحتسب
و ما من دابة في الأرض إلا على الله رزقها

لدي زميلة في العمل عندها 7 سنوات وهي تشارك في مسابقات التوضيف وفقها الله ونجحت السنة الماضية في مسابقة عدد مناصبها 1

[رملة6]

و الله يا اختي انا رايي من راي الاخوة الدهاب الى الخارج ليس بالالمر الهين خاصة انك من الجنس اللطيف و نصيحتي شاركي بالمسابقات و انتظري الفرج من الله ..........

[الواحةالحمراء]

رانا قااااع في الهوى سوى......
الخدمة بالمعرفة حتى الرشوة بالمعرفة .....الصحراء كملت فيها الغفلة و الناس فاقت من الغفلة
الشعب كامل يشكي ....رانا في بلاد ميكي اختي
اصبري واجرك على الله ...وان شاء الله تلقاي واحد يفرحك في حياتك وتنساي الخدمة خلاص...خير لك من كل شيء
*ولا تجزع إذا أعسرت يوما ... فقد أيسرت في الزمن الطويل
ولا تظنن بربك ظن سوء ... فإن الله أولى بالجميل
وإن العسر يتبعه يسار ... وقول الله أصدق كل قيل
( فلو أن العقول تسوق رزقا ... لكان المال عند ذوي العقولِِ)*
:cool:

[ه سلاف]

يعطيكم الصحة خاوتي على المساندة بالكلمة وهذي حال كامل الناس والكلمة لي ديما نقولوها نصبرو حتى وين يفرج ربي

[علاء24]

صلي لله صلاة استخارة واحميد واثني عليه كثيرا ثم توكلي على الحي ال\ي لا يموت وستنجحي في مسابقة من المسابقات ان شاء الله وصفة مجربة با\ن الله

[ه سلاف]

الله المستعان ولي فيه الخير ربي يجيبو

[خديجة البليدية]

يا ختي انا واش نحكيلك تخرجت وراني قاعدة في الدار ومتوفرة ليا خدمة في مسنوى مرموق بصح الدار الله غالب ميحبوش خدمة الطفلة وزعما بابا رجل مثقف وخويا جامعي اييييييييييييييييييييييييييييييييييييييييييييييييي يه يا ريت لوكان مالقيش الخدمة خير

[ه سلاف]

يا ختي واش نقولك الله يحسن عونك وهذي هيي الطفلة في بلادنا يقولو عندها الحرية بصح وقت الصح ما كاين والو

[mnabil]

اذا عندك باه تروحي للامارات 30 مليون اخدمي بيها كلاندستان خيرلك

:1:و الله لاعجبتني فكرة الكلانديستان.

30 مليون تجيبلك r9 ولا 505 نقية.

العفو هدا ليس استهزاء.

أنا عندي ماجستير و مسجل سنة أولا دكتوراه, و عملي هو سائق سيارة أجرة:19: و الحمد لله على كل حال.

[بابار عمر]

يا بنات ارجوا ان تنسوا الامارات

راهم يكذبو عليكم صح العمل كاين عند اصحاب الشركات من الخلجيين والبنانيين ايخدمك موظفة على اساس الشهادة وراتب جيد

وياخذ منك الجواز ويمضيك على عقد مجحف
وبعدها يستغلك في اشياء اخرى اي الدعارة غصبا عنك وتصبحين لعبة للتسلية

الجواز معاه والعقد مجحف واين المفر

انا شفت حالات كثيرة هناك صار فيهم الباطل
اختي راكي مع اهلك اصبري وكشما تحتاجي نعاونوك ران هنا وما تروحيش ردي بالك amar11185

[hocine101]

نحن في بلد اسمها كل شيء ممكن هناك فقط شيء غير ممكن و هو أن نصبح بلد متقدم و متطور فهذا غير ممكن

[عبد الله ابراهيم]

السلام عليكم ورحمة الله وبركاته

يأخواني احسنوا الظن بالله و لا تيأسوا ... فإن الله الذي خلقنا ورزقنا لم يتركنا هملا ، ولن يضيعنا أبدا ... فقط حصلوا شيئين والفرج بإذن الله قريب ، وهذين الشيئين التقوى مع الصبر والأخذ بالأسباب مع السعي .... ؟


ربي يوفق الجميع للخير

[sedd81]

الصبرررررررررررررررررررررررررررررررر حتي يفرج عليك ربي بولد الحلال
وماتنسيناش في عرضة العرس

[nouredinfx]

صبري نهار نولي نخدم نجي نخطبك هههههههههههههههه
صلي ودعي ربي وبقي جربي

[ه سلاف]

:1:و الله لاعجبتني فكرة الكلانديستان.

30 مليون تجيبلك r9 ولا 505 نقية.

العفو هدا ليس استهزاء.

أنا عندي ماجستير و مسجل سنة أولا دكتوراه, و عملي هو سائق سيارة أجرة:19: و الحمد لله على كل حال.








الخدمة ما هيش عيب كي تكون حلال وخدام الرجال سيدهم والقاعد ما عطاتو يماه كسرة
الحاجة لي شوييا تصبرني كي نشوف الشباب الرجال قاعدين نقول والله احنا في احسن حال لبنات وهوما ربي معاهم ومرات تاني تغيضني عمري
ربي يجيب للخير للجميع

[ه سلاف]

يا بنات ارجوا ان تنسوا الامارات

راهم يكذبو عليكم صح العمل كاين عند اصحاب الشركات من الخلجيين والبنانيين ايخدمك موظفة على اساس الشهادة وراتب جيد

وياخذ منك الجواز ويمضيك على عقد مجحف
وبعدها يستغلك في اشياء اخرى اي الدعارة غصبا عنك وتصبحين لعبة للتسلية

الجواز معاه والعقد مجحف واين المفر

انا شفت حالات كثيرة هناك صار فيهم الباطل
اختي راكي مع اهلك اصبري وكشما تحتاجي نعاونوك ران هنا وما تروحيش ردي بالك amar11185


خويا الامارات هذي لي رني نهدر عليها راهي الحلم فقط صحيح بلي صعيب الحال بصح الواحد الا ما لقاش بيها وين يقول يروح وخلاص
والمليح والدوني فكل بلاص المهم رضا الوالدين ورضا ربي هو لي حمينا ويصونا فكل مكان هنا ولا لهيه
ويعطيك الصحة خويا ولاد لبلاد ما كاش كيفهم وما يتشراوش بدراهم الدنيا