كرهت الروتين يا ربي

[asma1856]

السلام عليكم يا حبابي واشراكم ياخي لاباس انا مانيش لاباس يا ودي كرهت و مليت و رايحة نهبل من الروتين نوض صباح نتفرج زوج مسلسلات اومبعد نسيق اومبعد نقيل اومبعد لفطور و السخانة دايرة حالة افففففففف يا ربي كاشما تقترحوا عليا كاشما ندير علاخاطر ما يجي يكمل رمضان تقلوني في سبيطار مهابيل
و صح فطوركم

[mahboula15]

راكي كي حالتي انا نقترح عليك عفسة شابة شوفي روحي كي شغل رايحة ترقدي وتخيلي روحك كيفاش اتحبي تكون كي تكوني كبيرة

[asma1856]

ههههههههههههههههه ختي فكرة مليحة بصح كرهت من الرقاد

[samzoon]

حتى حالتي كي حالتك ختي اسماء الروتين هادا داير فينا حالة نوكلو عليه ربي
حسبي الله ونعم الوكيل
وصحـــــــــــــتا فطـــــــــــتوركم كــــــــــــــــــــــــــــــــــــــــامل

[mahboula15]

امالا انقولك اتعلمي اديري كاش حاجة مثلا في الدراسة او في النت

[mahboula15]

كيما نقولوا حنا اتعلمي كاش صنعة ههههههههههههههههههههههه

[سنة4]

اهلا اختي اسماء ايه واش راح نديرو حنا البنات خلات علينا بربي ندخلو لسبيطار المجانين من الروتين هذا

[asma1856]

حتى حالتي كي حالتك ختي اسماء الروتين هادا داير فينا حالة نوكلو عليه ربي
حسبي الله ونعم الوكيل
وصحـــــــــــــتا فطـــــــــــتوركم كــــــــــــــــــــــــــــــــــــــــامل

يا ربي واش نديرو لازمنا برنامج صيفي
امالا انقولك اتعلمي اديري كاش حاجة مثلا في الدراسة او في النت

حتى النت كرهت منها
كيما نقولوا حنا اتعلمي كاش صنعة ههههههههههههههههههههههه

ان شاء الله بصح راهي قريب الدخلة

[asma1856]

شفتي ختي منى ايا مالا صح فطوركم كامل و مور التراويح ان شاء الله

[سومية1]

رانـــــــا كـــــــامل كيــــــــفكيــــــف.....
صــــح فطورك........

[mahboula15]

باي وصح فطورك

[ريم الفيفاء]

و الله رانا في الهواء سوا
اموان لولاد كي يقلقو يخرجو برا يبدلو شوي جو و مع التقصار بين بعضاهم تزيد تحلا القعدة بصح حنا ماعندنا مانديرو و لوكان نخرجو برا نزيدو علينا برك والله انا تاني راح نهبل مايحلها غير الرجعة للقراية و الله وليت نحسب ليامات بالواحد وكتاش نرجعو نقراو معليش نتعبو و نجهدو رواحنا بزاف بصح على الاقل مانحسوش بالملل

[سومية1]

ههه أنــــــا قلت وسمـــك مهبـــــــــولة....

[mahboula15]

انا عمري 16 سنة ونقرا السنة 2 ثانوي هاد العام انشاء الله ونالعام اللي موراه نشاء الله اننتقل للباك

[asma1856]

ههههه لحمار حماري انا راكبة من تالي واش نستوني ديجا

[حورية b]

Walah kamal rana karhin bsah hna 3andana machi heman bzaf dija lbarah w lyoum nou rahi dayra hala
saha ramdank hanouna

[khaoula rouh]

والله الروتين قاتل كامل لبنات قريب يهبلو مساكن لازم تلقالهم وزارة الاسرة ولا منعلرف كيفاه ايقولولها حل
ولا يرفعو قضية للامم المتحدة
والله نعاني بلاك اكثر منك ومالقيتش الحل عموما اذا لقيتي قولينا لانو راسي سيبو تبلوكا من روتين

[soundousalger]

تعلمي لغة جديدة أو احفظي القرران الكريم اقراي قصص الانبياء اجمعي أكبر عدد ممكن من الحسنات في هذا الشهر العظيم

[اصيل 12]

السلام عليكم ورحمة الله
اسماء رغم كل ما يتوفر لدينا تلفاز ، نت ، وغيرها من الأمور الترفيهية وتخبريننا أنك قد انزعجت من الروتين أي أنك مللت ، فسبحان الله من قولك لو قارناه بينه وبين قول أحد الشيوخ واسمه عمر عبد الرحمن - مصري- في رسالته الى الملوك والأمراء ورؤساء الدول العربية والأمة الاسلامية جمعاء أخبرنا فيها أنه يقبع في زنزانة من زنزانات أمريكا الطاغية ويخضع لأقصى عمليات التعذيب الجسدي والنفسي وهمهم الوحيد احباط عزمه وزرع اليئس في نفسه واخراجه من عقله كل هذا ويقبع في زنزانة لوحده دون رفيق ولا تلفاز ولا نت الا أن الغريب في رسالته أنه ختمها بقوله ( لو عَلِمَ الملوك وأبناء الملوك ما نحن فيه من لذة الأُنْسِ بالله لجالدونا بالسيوف عليه، ولو ذاق أرباب الدنيا ما ذقناه من حلاوة الطاعة، لغبطونا وزاحمونا عليها.) اي أنه لم يخبرنا ملله من الروتين وأنه قريب يهبل كما أخبرتنا أنت فما الفرق في رأيك أخيتي.
وهذه هدية مني اليك :
http://www.youtube.com/watch?v=aYz5tLxdoLo

[همسات الأقدار]

إقرئي ،، طالعي ،،

غيري ديكور غرفتك ،، غيّري بعض ما حولك ،،

هكذا أفعل انا إذا شعرتُ بالملل ....

[الساعية الى التفوق]

السلام عليكم و رحمة الله تعالى و بركاته
بالنسبة للروتين كلنا نعاني منه لكن الكرهة كما نقول بصراحة لا اظن انني اعاني منها مع انني امكث بالبيت طوال ايام العطلة خاصة في هذا الشهر الكريم
انصحكي اختي العزيزة بان تحاولي تغيير اسلوب حياتك مثلا حاولي ختم قراءة القران في هذا الشهر الكريم
وفقك الله الى ما يحب و يرضا و وفقنا جميعا باذنه تعالى الى ذلك

[رفيدة الأسلمية]

السلام عليكم ورحمة الله تعالى وبركاته
والله يا أختي لن أكذب عليك فكلنا هكذا قد مللنا من الروتين القاتل نحن لا نملك ما نقول سوى حسبنا الله ونعم الوكيل في دولتنا هذه أبناؤها ينعمون ويتمتعون بأجمل دول العالم ونحن هنا أبنا جلدتهم... .أقول لك يا أختي إذا من الله عليك وأصبحت أنت أو أحد أعضاء المنتدى في يوم من الأيام تمسكون بزمام الحكم لا تنسوا هذه المعاناة حتى وإن كان أجدادنا في الماضي يعيشون في الصحاري بدون أي تلفاز أو أي شيء إلا أنهم لم يكونوا في مثل حالنا هذه...أنا أنصحك بحفظ القرآن الكريم -المطالعة-الرسم-استعمال الألات الموسيقية إذا أمكن حتى الدربوكة-روحي على نفسك بالخروج ليلا-إذهبي إلى الحديقة ،تجولي قليلا مع أفراد أسرتك-وإذا أمكنك أن تشاركي بالأعمال الخيرية فافعلي ذلك كأن تشاركي في الجمعيات مثلا وحاولي الانضمام إلى ناد ما مثل مكتبة الولاية أو مكتبة دار الثقافة .............الخ...وفقك الله وإيانا

[asma1856]

يا خلايا بدلوا مكان الموضوع