هل أتخلى على حلمي

[halimih]

السلام عليكم

أنا مترشجة علوم الطبيعة و الحياة النظام القديم كلما أريد الدراسة أجد نفسي ضائعة و الوقت يمر و لم أدرس أي شيئ مع العلم أني خرجت من الثانوية منذ سنين أي أني نسيت كل شيءة أعلم أني متمكنة في كل من مادة الفرنسية و الإنجليزية لكن تبقى المواد الأدبية الأخرى و خاصة المواد العلمية ة أريد أن أحصل على شهادة الباكروريا هذه السنة حياتي تتوقف عليه لكن لا أستطيع التقدم و كذلك المراجع و الكتب الخاصة بالنظام القديم لا تتوفر في الأسواق ة أرجوكم ساعدوني

و شكرا

[B.Badis]

السلام عليكم

أنا مترشجة علوم الطبيعة و الحياة النظام القديم كلما أريد الدراسة أجد نفسي ضائعة و الوقت يمر و لم أدرس أي شيئ مع العلم أني خرجت من الثانوية منذ سنين أي أني نسيت كل شيءة أعلم أني متمكنة في كل من مادة الفرنسية و الإنجليزية لكن تبقى المواد الأدبية الأخرى و خاصة المواد العلمية ة أريد أن أحصل على شهادة الباكروريا هذه السنة حياتي تتوقف عليه لكن لا أستطيع التقدم و كذلك المراجع و الكتب الخاصة بالنظام القديم لا تتوفر في الأسواق ة أرجوكم ساعدوني

و شكرا
و عليكم السلام و رحمة الله و بركاته
أختي بالتأكيد لا تتخلي عن حلمكي ....خصوصا كما هو واضح أنكي ماتتحصلتيش على الباك ...لذا أبداي من درك ...الحال راهو ما فاتش ...أبداي بالمواد العلمية و الباقي مازال الحال عليه ....حتى إلى أفريل أو ماي ...هنا في هذ=ا القسم يوجد مواضع فيها دروس و ملخصات شاملة ...إبحثي عنها في صفحات القسم و رايحة تلقايها بإذن الله ...و الله مفيدة ...أنا قريت منها العام اللي فات بعض المواد و جابت نتيجة ...بالتوفيق أختي

[halimih]

أشكرك أيها الأخ الفاضل على الجوابة سوف أحاول و إذا لم أتقدم هذا الشهر سوف أتخلى

أشكرك مرة أخرى

[حبيبة القران]

مرحبا اختاه كيف تتخلين عن حلمك انا مثلك راني نعاود الباك ع ط ح مع انني كنت ع د و حتى الان لم ابدا بالدراسة و ذلك لانني ادرس في التكوين ليس عندي وقت هذا الاسبوع امتحانات لكن حلمي وهو الباك لن اتخلى عنه مهما كان الوضع قلت في نفسي الا الباك الللي نديه اختاه ضعي ارادة قوية امامك و في نفسك و توكلي على الله سبحانه وتعالى مازال امامك الكثير من الوقت ارجوك يا اختاه اتوسل اليك لا تتخلي عن حلمك انتهزي فرصك واذا لم تاخديه ليس نهاية العالم

[amine mspb]

انا العام الي فات درست شهرا فقط شعبة ع ط ح وكدت اتحصل على الباك لذلك من يقول لك راهو فات الحال راهو يكذب*

[غصون الاسلام]

السلام عليكم

اختي العزيزة بالنسبة للحلم نتاعك رح تحققيه و هاد في حاله واحده و هي لازم تنحي من بالك انو الوقت راهو فات، و راني حاسه بيك خاصة كي راكي تقولي انو كل ما تنوي تقري ما تبديش و تحسي روحك ضائعة، لاني صراحة حسيت بهاد الاحساس، بصح تعرفي حاجه انا على نفسي راني جوزت الباك 6 مرات و هادي هي السابعة ديالي هاد العام و الحمد لله ديت الي ديته و عندي برك عام واحد ماديتش الباك.
بصح نصيحة من عندي اختي الكريمة باش تنوي تبدي المراجعة لازم تبدي تجمعي المحاضرات الي تخص المواد خصوصا العلمية و اذا راه صعيب عليك باش تتذكري في موقع الي بيختص عن التعليم عن بعد تقدري تدخلي عليه و تحملي كل المواضيع الي تخص كل المواد الي تحتاجيها.
و بخصوص باش تنظمي وقتك انا الي راني نعمل عليه هو اني في الاسبوع عندي ندرس المواد العلمية حوالي ساعتين لحتى ثلاث، و في يومي الجمعة و السبت نروح نراجع المواد الادبية بصح منحفظش غير نقراهم برك و بالتعود هيك اكيد رح توصلي و تجيبيه بمستوى جيد او اكثر......ان شاء الله..........و الله ولي التوفيق
و اذا اردتي اي مساعدة بخصوص اي مادة من المواد العلمية او الادبية انا موجودة اقدم لك خدماتي لكي نساعد بعضنا البعض.

[طالب معرفة]

الدنيا امل
فكيف تنزعين الأمل