amialamia
2020-08-17, 13:56
ان لم اجد السعادة فاصنعها بنفسك
اخي شكون معندوش مشاكل في هاد الدنيا لا أحد ... دير في بالك ان الدنيا هادي ماهي الا جسر اما
يوصلك الى الجنة او الى الى النار بالله والعياذ
انت اللي راك تعاني من البطالة ...متقطيش لياس و كل شيئ بيد ربي سبحانو نوض شوف حوس و زيد حوس على الخدمة ماشي لازم فمجال قرايتك ...مقريتش الظروف مسمحتلكش معليش كاين معاهد و التكوين المهنية رح يعاونوك و رح تلقى خدمة لمهم متستسلمش تلقى فلاحة تلقى خباز تلقى خياط تلقى بناي و الله ولي التوفيق
انت اللي عندكم الضيق فداركم و معندكش وين تقرى ... لالالا راك غالط تلقى حل شوف تلقى الجنان تلقى السطح فارغ شوف لمطبخ رح تلقى بلاصة فارغة ملقيتش واااالو نوض صباح بكري كي يكونو كامل راقدين صلي لفجر و توكل على ربي ورح تتيسر أمورك دير مليح في بالك لم ولن ينال مجد بوسادة
و انت متقنطش و متزعفش الزواج كيما اي حاجة مقدرة من عند ربي ...متقولش خلاص راح لحال كاين بزاف ناس تزوجو فالتلاتينات و الاربعينيات عادي و عاشو حياتهم ولا أروع علاش لانهم صبروا و رضاو بقضاء الله ...و انتوما اللي راكم فاكثر من خمس سنين زواج و معندكمش دراري ...متتقلقوش و متتسرعوش اتفكروا هادوك الناس اللي قبلكم كاين حتى اللى صبروا عشرين سنة و في اللخر ربي رزقهم بتوأم ... و قدر الله ماشاء فعل.
انتي يا اختي اللي راكي تشكي من شهرية راجلك لقلية نوضي شمري على دراعتيك و عوانيه لخدمة عمرها ما كانت عيب المهم دراهم لحلال محبتيش تخرجي من الدار الحمد لله كاين بزاف خدمات من الدار طيبي الكسرة طيبي لمحاجب طيبي الحلوة و بيعيها للحانوتو للا للقهوة ابعتي ولادك ولا ولاد الجيران ييوصلو الامانه لمولاها و يبعتلك دراهمك راهم كاينين المئات لالا الالاف تع النساء ميطيبوش بصح انت مرا و نص
انت يا سيد الرجال اللي راك تنوض و تخدم على جال داركم و ولادك و والديك بناي سباك مهندس فلاح ... علابالنا راك تتعب ربي يقدرك بصح تعبك مش حيروح فباطل ربي هيجازيك و ولاد حيبرو بيك كيما كنت تبر بوالديك وربي يبعد لبلاء و لمصايب عليك ...
و انتي يا الفحلة اللي راكي تتعبي و تخدمي و تعاوني راجلك باباك ولا حتى خاوتك منا يوتيوب و منا حلوة للناس و ملهيه خياطة كملي هكا وربي يسترك و يجازيك
وانتا اللي راك تقرى واش حوالك ؟!
اخي شكون معندوش مشاكل في هاد الدنيا لا أحد ... دير في بالك ان الدنيا هادي ماهي الا جسر اما
يوصلك الى الجنة او الى الى النار بالله والعياذ
انت اللي راك تعاني من البطالة ...متقطيش لياس و كل شيئ بيد ربي سبحانو نوض شوف حوس و زيد حوس على الخدمة ماشي لازم فمجال قرايتك ...مقريتش الظروف مسمحتلكش معليش كاين معاهد و التكوين المهنية رح يعاونوك و رح تلقى خدمة لمهم متستسلمش تلقى فلاحة تلقى خباز تلقى خياط تلقى بناي و الله ولي التوفيق
انت اللي عندكم الضيق فداركم و معندكش وين تقرى ... لالالا راك غالط تلقى حل شوف تلقى الجنان تلقى السطح فارغ شوف لمطبخ رح تلقى بلاصة فارغة ملقيتش واااالو نوض صباح بكري كي يكونو كامل راقدين صلي لفجر و توكل على ربي ورح تتيسر أمورك دير مليح في بالك لم ولن ينال مجد بوسادة
و انت متقنطش و متزعفش الزواج كيما اي حاجة مقدرة من عند ربي ...متقولش خلاص راح لحال كاين بزاف ناس تزوجو فالتلاتينات و الاربعينيات عادي و عاشو حياتهم ولا أروع علاش لانهم صبروا و رضاو بقضاء الله ...و انتوما اللي راكم فاكثر من خمس سنين زواج و معندكمش دراري ...متتقلقوش و متتسرعوش اتفكروا هادوك الناس اللي قبلكم كاين حتى اللى صبروا عشرين سنة و في اللخر ربي رزقهم بتوأم ... و قدر الله ماشاء فعل.
انتي يا اختي اللي راكي تشكي من شهرية راجلك لقلية نوضي شمري على دراعتيك و عوانيه لخدمة عمرها ما كانت عيب المهم دراهم لحلال محبتيش تخرجي من الدار الحمد لله كاين بزاف خدمات من الدار طيبي الكسرة طيبي لمحاجب طيبي الحلوة و بيعيها للحانوتو للا للقهوة ابعتي ولادك ولا ولاد الجيران ييوصلو الامانه لمولاها و يبعتلك دراهمك راهم كاينين المئات لالا الالاف تع النساء ميطيبوش بصح انت مرا و نص
انت يا سيد الرجال اللي راك تنوض و تخدم على جال داركم و ولادك و والديك بناي سباك مهندس فلاح ... علابالنا راك تتعب ربي يقدرك بصح تعبك مش حيروح فباطل ربي هيجازيك و ولاد حيبرو بيك كيما كنت تبر بوالديك وربي يبعد لبلاء و لمصايب عليك ...
و انتي يا الفحلة اللي راكي تتعبي و تخدمي و تعاوني راجلك باباك ولا حتى خاوتك منا يوتيوب و منا حلوة للناس و ملهيه خياطة كملي هكا وربي يسترك و يجازيك
وانتا اللي راك تقرى واش حوالك ؟!