المساعد الشخصي الرقمي

مشاهدة النسخة كاملة : جيت على خاطري بكلام رزين.

crono
2019-03-21, 10:00
السلام علبكم
كرهت سنة للفيـــــــــــــن ........وكرهت قع اسنين اوراها
وكرهت حتى عام التسعين .......سنين الهم شاهي ننساها
شاهي نرجع للوقت الزين .......سنوات فاتت عنا محلاها
كنا كي الخـــاوة متحدين ...... والجزائر امنا بيها نتباها
ضركـــا عدنا بين وبين ......مابنا اسلام مابنا كفار وقلناها
لا حشمة لاطاعة والدين .... راحـــــت الاخلاق فقدناها
الصبي مولى عشر سنين ...تعلم شطيح صلاتو خلاها
وباباه مع صحابو سكرنين...المخدرات راح سرق وشراها
وبناتنا على طوالهم مطلوقين ...ماخافت لا.من امها لا من باباها
راني نحكي وش شافت العين.... خدايم الشيطان وفتناها
بلاد التضحية والمجاهدين...بلاد الشهيد بنفس فداها
وين عاهدكم يا مسؤولين.....اوين الوعود الي منكم سمعناها
اوين القسم وحليف اليمين..بصمات الرئيس فالمصحف تلقاها
حالف تحافض على الدولة والدين...فعالك عند الله غدوة تلقاها
مول الكلمات قلبو راه حزين....وضع بلادو عينو بكاها
ماعندو دوسي دعم الفلاحين...لاطامع منكم في سكنة يترجاها
ماهو طامع في خدمة مسكين...ماعندو مشاريع بالهف بناها
حب بلادو عاشرو فالقلب مكين.....ساكن فلكبدة بالنار شواها
فاجيت على خاطري بكلام رزين...الرسالة نضن واضح معناها
تحبتي
بـــيِسَة
2019-03-21, 10:03
سلام


راااااااااااائع بركت اختي الفاضلة
صدقت عزيزتي مشكورة

تحياتي
بسمة ღ
2019-03-31, 14:51
السلام عليكم
كلام رزين منعث من كل قلب حنين
ما شاء الله عليك أختي الطيبة كرونو
كلام صواب:19:
ربي يبعد البلا على بلادنا إن شاء الله
ربي يحفظك و يحفظ أحبتك غاليتي:)
أطيب تحية
Ali Harmal
2019-04-02, 20:55
رائع جدا جدا .