قراتان البطاطا بالمرقاز والكريمة رووووووعة

[إلهام07]

السلام1

Gratin de pomme de terre au saucisse


قبل أن أبدأ الحديث عن المقاديرنحب نقول أنو هذه الوصفة من أروع والذ وأسهل وصفات القراتان وهذه الوصفة من الوصفات المميزة لأنو ماتعودناش على المرقاز يطيب في صوص بالكريمة والحليب وصراحة كي جربتها خفت ماجيش مليحة ولكن كانت المفاجئة الطعم رووووعة والصحون لحسوها ههههه #ضحك



للأمانة مصدر الوصفة من النت وهو من الأطباق التي تعدها المطاعم (كيما تعرفو لازم كل مطعم يكون عندو أطباقو الخاصة ووصفاتو التي تكون العلامة المميزة له) وهذا الطبق بالذات كان من الوصفات التي تقدمها المطاعم للمتذوقين المختصين حتى ينقدو المطاعم وكان من الوصفات المميزة التي نالت الإعجاب #شاف

لهذا حبيتكم أنتم أيضا تتعرفو على هذي البنة ممممممم




نبداو على بركة الله وصفة سهلة وسريعة:






المقادير :

1,5كغ بطاطا تقريبا،مرقاز مقطع (حسب الموجود) ، حبة بصل مقطعة مكعبات صغيرة، 3 فصوص ثوم مقطع، ، 1 علبة كريم فراش ، 1 علبة حليب سائل(المكيال بعلبة الكرام فراش) ، جبن مبشور (كمية مليحة )، كريمة كامومبير ، معدنوس مقطع رقيق، القليل من الزيت للتقلية

التوابل: ملح، فلفل أسود، ثوم بودرة، مكعب مرق دجاج


ملاحظة: إذا ماتوفرش الكامومبير ماشي مشكل بصح وجوده يزيد من البنة طبعا




الطريقة :

أولا نقشر البطاطا ونقطعها شرائح رقيقة جدا ونقليها ومالازمش نحمرها فقط تأخذ لون ذهبي باش تبقى طرية ومايجيش الطبق ناشف.



في هذا الوقت، نحط في مقلاة كبيرة كمية قليلة من الزيت ونقلي المرقاز حتى ينضج ويطلق الصوص نتاعو.


#طبخ2
نضيف البصل والثوم ونقلي حتى يذبالو ويأخذو لون ذهبي.



نضيف علبة كرام فراش وبنفس العلبة نكيل علبة حليب سائل ونخليها تغلي على نار هادئة وفي هذه الأثناء نضيف الجبن المبشور كمية مليحة وكريمة الكامومبير ونخلط حتى يذوبو .



نضيف البطاطا المقلية ونخلطها مع الصوص برفق وهنا ممكن إما :



نفرغها في صينية ونرشها بجبن مبشور وندخلها للفرن أو:



نخليها في المقلاة ونقص للنار خلاااااص ونرشها بالجبن المبشور ونغطي المقلاة ونخليها حتى يذوب الجبن.

بعد مايذوب الجبن نرشها بمعدنوس مقطع رقيق و تقدم مباشرة .


أترككم مع الصور :


#تصوير




https://up.djelfa.info/uploads/151448055131871.jpg



https://up.djelfa.info/uploads/151448055136022.jpg


https://up.djelfa.info/uploads/151448055139593.jpg

https://up.djelfa.info/uploads/151448057797061.jpg

https://up.djelfa.info/uploads/151448057801262.jpg

https://up.djelfa.info/uploads/151448057804673.jpg

https://up.djelfa.info/uploads/151448063961531.jpg



https://up.djelfa.info/uploads/151448063965782.jpg


وهذي مباشرة بعد ماخرجت من الفرن سخوووونة مع البخار نتاعها والأجبان ذاااايبة ممممممممم #رائع

https://up.djelfa.info/uploads/151448063969253.jpg



جربووووووووها ..... لذيذة ممممممم


مع تحياتي .... أنا لهلوبة #منوعة28#طبخ2

[RIMA.87]

و عليكم السلام و رحمة الله و بركاته ،
جزاك الله خيرا اختي الهام ،بصحتهم العايلة و جعل الله مجهوداتك في ميزان حسناتك ،
ممكن تفيديني على الكرام فراش لاني ول مرة استعملتها و اظن كاينة تاع الطياب و اخرى تاع القاطو واش هو الماركة لي مليحة و مشكوورة مسبقا ،
في امان الله

[حياة07]

ربي يبارك في مجهوداتك الاخت إلهام جربت الكثير من وصفاتك وأنا الان أعتمدها وتأكدت أنها وصفات مضمونة ماشاء الله موفقة باذن الله

[sahima]

ممممممممممممم يعطيك الصحة باينة بنينة تهبل
ربي يبارك فيك
بانتظار جديدك

[اولادي حياتي]

الله يجعلها في ميزان حسناتك الطبق راه يبان يشهي واكيد نجربو كل وصفاتك رووووعة بارك الله فيك اختي

[أم فاطمه]

الله يبارك قغاتان يهبل نموت عليه حنونة الهام فحلة ونص يعطيك الصحة

[sabrina206]

روعةةةة و أكيد البنة هبالللللللل كما عودتينا في كل مرة
يعطيك الفففف عافية أختي و عطلة سعيدة عزيزتي إلهام

[لميس حواء]

مشكورة أختي غادي نجربها و أكيد تكون رووووووووووووووعة كيما موالفين أطباقك

[شمس الملوك]

جزاك الله خيرا اكيد راح نجرب لان وصفاتك جربتها وكانت ناجحة و بالفعل مانيش متعودة ناكل المرقاز بالكريمة الف شكر عزيزتي

[إلهام07]

مشكورات حبيباتي على المرور والكلمات الطيبة :dj_17::dj_17:


أختي ريمة نحب نوضحلك كل انوع الكرام فراش تصلح للطياب وللحلويات فقط كاينة حاجة وحدة الفرق الوحيد هو أنو الكرام فراش السائلة نقدرو نطلعوها بالباتوغ تصبح عندنا كرام شانتيي بينما الكريمة الثقيلة ماتطلعش هذا هو الفرق الوحيد
أما احسن نوع طبعا هوما الغاليين يعني كريمة Hopla أو Président
بصح ماشي شرط تخسري روحك ممكن تستعملي أي ماركة محلية ماشي شرط المستوردة غالية
فقط كاينة ماركة جديدة راهي حاشى النعمة تعيف اسمها Fondélice هذي غير بعدي عليها ماشي مليحة


تحياتي للجميع:mh31:

[دنيا الامل 18]

رووووووووووووعة شكرا

[kamili1]

والله نوارة الحال في منتدى جلفة

[saja hamed]

44444444444444444444444444444

[جنة الفردوسْ]

وصفة رائعة من يدين الغالية الهام.....شهيتيني لازم نجربها ...يعطيك الصحة وربي يحفظك ان شاءالله

[jojo dj]

امممممم يعطيك الف صحه ماتتخيليش كيفاش فرحت برجوعك عندي وقت منين ندخل ماتلقاش البنات لي كانو هنا بكري مثل فله وام ثازيري ام اماني وام رامي وام عبوده وغيرهم والله المنتدى صار صامط رهج بلا بيهم حسيت روحي غريبه لقيت بنات جدد المهم قوليلي تعيشي وشمن نوع كرام فراش لي استعملتيها وكريمه الكامومبير هي لي فالفوطو لانو جامي شفتها هادي الكريمه

[إلهام07]

والله نوارة الحال في منتدى جلفة
مشكورة أختي ربي يحفظك


امممممم يعطيك الف صحه ماتتخيليش كيفاش فرحت برجوعك عندي وقت منين ندخل ماتلقاش البنات لي كانو هنا بكري مثل فله وام ثازيري ام اماني وام رامي وام عبوده وغيرهم والله المنتدى صار صامط رهج بلا بيهم حسيت روحي غريبه لقيت بنات جدد المهم قوليلي تعيشي وشمن نوع كرام فراش لي استعملتيها وكريمه الكامومبير هي لي فالفوطو لانو جامي شفتها هادي الكريمه
ربي يحفظك اختي
اللي في الصورة هذيك كريمة كامومبير وكاينة تتباع بزاف انواع كاينة كريمة قرييار كريمة شيدار وكريمة الجبن الأزرق وووو أنا نستعمل هذي في بلاصة الكامومبير بنينة وطرية وتذوب بسهولة
أما الكرام فراش نستعمل أي نوع كامل ييصلحو عادة نستعمل الثقيلة نتاع الطبخ او القارورات نتاع نصف لتر

[lilii7179]

وصفاتك يا الهام روعة و ديما نجربهم بصح الاروع هي خفة دمك و طريقتك في الشرح. ديما في دارنا كي نجرب حاجة جديدة يقولولي منين جبتيها؟ نقولهم نتاع الهام. شكون الهام؟؟؟؟ نقولهم راح عمركم خسارة كي ما تعرفوش الهام و وصفاتها. ربي يحفظك و يعطيك ما تتمناي

[nihal159]

يعطيك الصحة؛ كالعادة متميزة و متألقة و غير الجديد؛ ربي يحفظك و يرزقك من فضله؛ حبيت نقولك أني جربت بزاف وصفات ليك؛ مخبوزات و طبخ و حلويات و كلهم كانو ناجحين ألف فالمية؛ آخر شي عملتو من وصفاتك هو مقروط القارص؛ يهبّل بكل ماتحمل الكلمة من معنى، بارك الله فيك و ربي يرزقك كل ماتتمناي.

[nina hatina]

يعطيك الصحة اختي إلهام وصفاتك دائما في القمة دمت متألقة أن شاء الله مشكورة

[chouchouta26]

تبان بنيييينة كيما كل اطباقك يعطيك الصحة على كلش شحال فرحت كي شفت اسم الهام 07 في موضوع جديد ربي يحفظك و يرزقك واش تتمناي و يجعلهم في ميزان حسناتك ان شاء الله ما تزيديش تطولي الغيبة علينا شكرا

[idron0]

جزاك الله خيرا

[oum Haroun]

روعة روعة روعة دائما في القمة جزاك الله الف خير

[oum Haroun]

أطباقك في القمة ياريت تفتحي قناة في اليوتوب

[إلهام07]

وصفاتك يا الهام روعة و ديما نجربهم بصح الاروع هي خفة دمك و طريقتك في الشرح. ديما في دارنا كي نجرب حاجة جديدة يقولولي منين جبتيها؟ نقولهم نتاع الهام. شكون الهام؟؟؟؟ نقولهم راح عمركم خسارة كي ما تعرفوش الهام و وصفاتها. ربي يحفظك و يعطيك ما تتمناي
ههههه ضحكتيني الله يحفظك أختي ومشكورة على الثقة :mh31:

يعطيك الصحة؛ كالعادة متميزة و متألقة و غير الجديد؛ ربي يحفظك و يرزقك من فضله؛ حبيت نقولك أني جربت بزاف وصفات ليك؛ مخبوزات و طبخ و حلويات و كلهم كانو ناجحين ألف فالمية؛ آخر شي عملتو من وصفاتك هو مقروط القارص؛ يهبّل بكل ماتحمل الكلمة من معنى، بارك الله فيك و ربي يرزقك كل ماتتمناي.
بصحتكم أختي ومشكورة على الثقة :mh31:

يعطيك الصحة اختي إلهام وصفاتك دائما في القمة دمت متألقة أن شاء الله مشكورة
الله يحفظك اختي مشكورة على المرور :mh31:

تبان بنيييينة كيما كل اطباقك يعطيك الصحة على كلش شحال فرحت كي شفت اسم الهام 07 في موضوع جديد ربي يحفظك و يرزقك واش تتمناي و يجعلهم في ميزان حسناتك ان شاء الله ما تزيديش تطولي الغيبة علينا شكرا
إن شاء الله نحاول مشكورة :mh31:

جزاك الله خيرا

روعة روعة روعة دائما في القمة جزاك الله الف خير

أطباقك في القمة ياريت تفتحي قناة في اليوتوب

مشكورات اخواتي على المرور الطيب

[chekkat]

والله وصفة جميلة جيدا شكرا

[رحيق الورد]

روووووووووعة

[sousou 5]

شهيتيني بصحتك ان شااء الله نجربها