الزيارات متى تكون؟

[الأمنيات]

السلام عليكم
الزيارات العائلية موضوع لطالما افكر فيه اوقات الزيارات سواء للمريض او العائلية كيف تكون في نظركم
وماهي اوقاتها المناسبة وما يجب ان ياخذه الزائر معه هي امور اناقشها مرات مع اخواتي وصديقاتي
في الاونة الاخيره مرضت اختي وسمعوا بعض الاقارب لكن الوقت الي كانوا يجوا يزوروا بالنسبة لي غير مناسب
مثلا الثانية زوالا بالنسبة لي وقت قيلولة 11صباحا وقت غذاء وناس مشغوله في المطبخ
في رايكم هل هذه اوقات مناسبه للزياره ماهي الاوقات وهل الزاىنر لازم يتصل قبل ما يجي ؟؟
تكلمت امس مع صديقة في هاد الموضوع حتى هي جاتها امراة على ثانيه زوالا وبلا غذاء في هاذ الحاله
كيفاش تتصرفوا خلصة اذا مابقاش الغذاء
لكم الخط لابداء برايكم واكيد رايكم يهمني

[dede2000]

السلام عليكم
موضوع رائع يستحق المتابعة فعلا هذي الامور داخلة في التربية ولازم نعطيوها لأولادنا من الصغر ، متي نقدرو نزورو الاخريين ومتي لا نستطيع حتي لا نكون مصدر إزعاج أو إحراج
شكرا

[جَمِيلَة]

http://img5.dreamies.de/img/747/b/fu6qt0pomif.png
السلام عليكم ورحمة الله وبركاته
مرحبا اختي الامنيات
موضوع مهم وأعتقد بان الجميع تساءل عنه ولو مرة
أنا وأمي تناقشنا معا في هذا الامر من قبل
وقد استنتجنا بأن وقت الزيارة المثالي الذي يقلل الحرج
ما بين الثالثة والخامسة مساء
ومن الضروري إخطار العائلة قبل الذهاب حتى لا يباغتوا.
اما ما يجب أن يأخذه الزائر معه اعتقد انه مجال مفتوح
لكل منا الحرية في ذلك وهي أمور معروفة يختار ما يريد
ومن الأفضل يكيف هذا مع طبيعة الزيارة
يعني التهنئة تختلف عن عيادة المريض وهكذا
ربي يوفقك اختي الكريمة
بارك الله فيك
تحياتي
http://img5.dreamies.de/img/747/b/fu6qt0pomif.png

[ام امجد14]

والله موضوع هااايل و و عندو جوانب بزاااف و نقدرو نسرسرو منو مواضيع بزاااف

قالك يالى تربى عالم بيك غير ربى يعنى ادا قصدت دار لزيارة و صاحبة الدار عندها تربية و اولاد صغار ادا كان شتاء نروحلها على 2 و نصف حتى 3 و نصف يعنى العصر بزاااف عليا و ادا كان صيف من بعد العصر يعنى من 4 و ربع الى 6 مساء بزااف عليا

ادا كان بيت عادى كيما نقولو فيه العزبات او كناين و هادى ترفد و هادى تحط و متعاونين نروحلهم على 3 و نصف مليحة ليهم و مليحة ليا

يعنى نشوف الدار و نحاول نتحسس لضروفهم

انا هدا الايام جاتنى واحدا على 6 نتاع العشية و طلقت روحها و زوجى عرض ضياف و يحب المغرب تتحط الطابلة حسيت روحى مشنوقة و انا وحيدة ما عندى الى يعاونى صراحة خليتها واحدها و قعت نروح و نجى عليها حتى فهمت روها

بالنسبة لواش ندى معايا طبعا على حساب الزيارة بصح اغلب نحب ندى دراهم للاسف نحسهم اسهل ما تخمام واش ندى

اما ادا جاتنى واحدا على 2 زوالا و بلا غدا هى حابة طيح بروحها و جود من الموجود نحط الكاين واش كاين و ما نكلفش روحى خلاااص حتى لو كاين سلاطة نحطها وحدها هى حبتها لعمرها الوقت االان الحمد لله وسائل الاتصال متعددة تقول رانى جايا نتغدى على البكرى و انا نوريلها حنة يديا و ما نبخل عليها بحتى حاجة بصح تلعبها نية فى الهبال نلعبها انا تانى بهلولة

[ام منيب]

يا اختي لي تروح تضيف على الزوج و بلا فطور مهبولة و مليحلها المحاوزه
نختصرلك هههههههههههههه هادي من الناس لي رانا دايرين عليهم احتجاج من هيك
و الزيارات عاد يندارلها الف حسااااب
في الشتا بعد الضهر و في الصيف على الستة و ما لازمش الواحد يبطا و يسماط
و بالنسبة ليا ديما نحتج كي نخرج اني خليت لولاد وحدهم
واش ندي؟؟؟؟؟
و الله غير كل مرة و كيفاش كاين القراب لي يقيموني و نحشم لازم ديما ندير حسابهم و كاين لي مانعييش روحي معاه خاطر الا عاندتو ماندي والو ههههههههههههه

[نبض الفؤاد]

كعادتك ااختي تختارين دائما المواضيع القيمة والحساسة والتي يكون النقاش فيها ساخن باذن الله.....
موضوع الزيارات...حساس جدا...واحسن شيء نتبعه هو ماعلمناه من ديننا وتعاليمه.....لدينا اداب استغنينا عنها فتهنا وتاه المجتمع الا من رحم ربك.....
واولها استحضار النية الصالحة فعلى الزائر أن يقصد بزيارته وجه الله تعالى إذا زار أرحامه ، أو صديقه ، أو جاره ، أو أي شخص ، فعليه أن ينوي بذلك صلة الرحم ،
ثم .عدم الإكثار من الزيارة :
عن عبد الله بن عمرو رضي الله عنهما قال : قال رسول الله صلى الله عليه وسلم : " زر غباً ، تزدد حباً " [ رواه الطبراني وصححه الألباني ]
يعني زر أحياناً واقطع أحياناً أخرى ، لأن من الناس من هو أذية ، تراه يجلس عند المزور من بعد العصر حتى ساعة النوم ، يأكل من بقايا الغداء ، وربما أخذ قسطاً من الراحة بعد الطعام في بيوت الناس ، ثم بعد المغرب يجلس للقهوة والشاي ، وينتظر حتى وقت طعام العشاء ثم يذهب لزيارة شخص آخر ، وكأنه في فندق وبوفيه مفتوح ، الناس يستحيون منه ، وهو لا يستحيي منهم ، وقد تجاوز الحد في الجفاء وقلة الحياء ، فما هكذا تكون الزيارة ، ثم تراه من الغد يأتي أيضاً للزيارة نفس البيت ، وربما اليوم الثالث والرابع وهكذا ، والسنة لم تأت بذلك ، بل زر الناس يماً في الأسبوع ، أو الأسبوعين ، حتى إذا أتيت بعد هذه المدة كان لك قبولاً عندهم ، ولا تطيل المكوث ، اجلس نصف ساعة أو ما قاربها ثم انصرف غير ناظر إلى طعام أو مبيت ، فبيتك سيؤويك ، وإن لم يكن لك بيت ، فالفنادق في كل مكان ....

لي عودة......

[مصطفى_س]

السلام عليكم

موضوع هام جدا

انا من رأيي ان الزيارة تكون بعد صلاة العصر يكون الكل مهيأ لها و لتجنب الاحراج لا حرج في الاتصال بالهاتف نحن قادمون مثلا

اذكر قبل اسبوعين زارتنا زوجة خالي على الساعة 9 صباحا لا اظن انه وقت للزيارة والله اعلم

[شوشو 11]

موضوع فالقمه
اا عن وقت الزياره.نحسن يكون بعد القيلوله حتى 5وفرق بين نهار الشتا والصيف ..عن نفس اغلب زياراتي تكون فالليل بعدما نتعشا ونبعث خبر لاهل الدار قبل مانروح.ومانديش معايا اولادي هك نريح ونريح اهل الدار معايا خاصه النافس والمريض..ونحب تاني يعلموني قبل مايجو لان الضروف تختلف من يوم لاخر ومن عايله لاخرى
واما عن ما ندوه في يدينا كل حاله زياره تستدعي واجبتها..كثر او قليل...والمهم صله الارحام والاجر في ذلك
نحكيلكم كما البارح قررت نروح نبارك لبنت سلفي عالباك.بعثت بنتي لقاتها مش تم..مزيه ماشقيتش مع التعب والسخانه

[سمراء الدنيا]

السلام عليكم و رحمة الل و بركاته
بارك الله فيك الامنيات موضوع كبير و شائك و اذا بديت نحكي فيه مش راح نسكت
راح نختاصرو في بعض النقاط
* اولا دينا علمنا كل شيء عن الاداب و التعاملات ...اذا عملنا بيه اكيد هو الصح
*ثانيا كل منطقة و عاداتها طبعا الجنوب ماشي كيما الشمال ...يراعي الانسان ظروف المنطقة للي راه فيها
*ثالثا حط نفسك مكان الناس للي تروح ليهم و الحاجة للي ما تبغيهاش لنفسك ما تبغيهاش لغيرك
عندنا مثل يقول يرحم من زار و خفف ...الواحد يكون خفيف الظل

بالنسبة لواش يدي الزائر في ايدو ... حسب المناسبة و حسب صلة القرابة
هذا باختصار واذا قدرت ان شاء الله نرجع بتفاصيل اكثر

[الأمنيات]

السلام عليكم
موضوع رائع يستحق المتابعة فعلا هذي الامور داخلة في التربية ولازم نعطيوها لأولادنا من الصغر ، متي نقدرو نزورو الاخريين ومتي لا نستطيع حتي لا نكون مصدر إزعاج أو إحراج
شكرا
بارك الله فيك اخي. الكريم اكيد كل تصرفاتنا داخله في التربية السليمه ومن بينها اداب الزيارات احيانا نقع في احراج من بعض الناس
يجو في وقت غير مناسب

[الأمنيات]

http://img5.dreamies.de/img/747/b/fu6qt0pomif.png
السلام عليكم ورحمة الله وبركاته
مرحبا اختي الامنيات
موضوع مهم وأعتقد بان الجميع تساءل عنه ولو مرة
أنا وأمي تناقشنا معا في هذا الامر من قبل
وقد استنتجنا بأن وقت الزيارة المثالي الذي يقلل الحرج
ما بين الثالثة والخامسة مساء
ومن الضروري إخطار العائلة قبل الذهاب حتى لا يباغتوا.
اما ما يجب أن يأخذه الزائر معه اعتقد انه مجال مفتوح
لكل منا الحرية في ذلك وهي أمور معروفة يختار ما يريد
ومن الأفضل يكيف هذا مع طبيعة الزيارة
يعني التهنئة تختلف عن عيادة المريض وهكذا
ربي يوفقك اختي الكريمة
بارك الله فيك
تحياتي
http://img5.dreamies.de/img/747/b/fu6qt0pomif.png


اسعدني مرورك اختي الفاضلة ومشاركتك ومداخلتك صدقتي وقت المناسب للزياره هو ماذكرتي الثالثة والخامسة مع اخطار بالقدوم
بارك الله ف

[الأمنيات]

والله موضوع هااايل و و عندو جوانب بزاااف و نقدرو نسرسرو منو مواضيع بزاااف

قالك يالى تربى عالم بيك غير ربى يعنى ادا قصدت دار لزيارة و صاحبة الدار عندها تربية و اولاد صغار ادا كان شتاء نروحلها على 2 و نصف حتى 3 و نصف يعنى العصر بزاااف عليا و ادا كان صيف من بعد العصر يعنى من 4 و ربع الى 6 مساء بزااف عليا

ادا كان بيت عادى كيما نقولو فيه العزبات او كناين و هادى ترفد و هادى تحط و متعاونين نروحلهم على 3 و نصف مليحة ليهم و مليحة ليا

يعنى نشوف الدار و نحاول نتحسس لضروفهم

انا هدا الايام جاتنى واحدا على 6 نتاع العشية و طلقت روحها و زوجى عرض ضياف و يحب المغرب تتحط الطابلة حسيت روحى مشنوقة و انا وحيدة ما عندى الى يعاونى صراحة خليتها واحدها و قعت نروح و نجى عليها حتى فهمت روها

بالنسبة لواش ندى معايا طبعا على حساب الزيارة بصح اغلب نحب ندى دراهم للاسف نحسهم اسهل ما تخمام واش ندى

اما ادا جاتنى واحدا على 2 زوالا و بلا غدا هى حابة طيح بروحها و جود من الموجود نحط الكاين واش كاين و ما نكلفش روحى خلاااص حتى لو كاين سلاطة نحطها وحدها هى حبتها لعمرها الوقت االان الحمد لله وسائل الاتصال متعددة تقول رانى جايا نتغدى على البكرى و انا نوريلها حنة يديا و ما نبخل عليها بحتى حاجة بصح تلعبها نية فى الهبال نلعبها انا تانى بهلولة
اهلا باختي لميتي الموضوع. من كل الجوانب ورانا تناقشنا فيه سلفا ههههه الي تعبني في الزيارات كي يكون عندي ضياف. للعشا ء ويجونوا ناس غرضهم يقصروا ما نعرفش نتصرف مرات تبحر لي اذا نخليهم ولا نروح للمطبخ خاصة الي بناتها صغار ولا يوجد من يساعد
المهم شكرا على مداخله اسعدتني وزادت للموضوع اثراء تحياتي

[الأمنيات]

يا اختي لي تروح تضيف على الزوج و بلا فطور مهبولة و مليحلها المحاوزه
نختصرلك هههههههههههههه هادي من الناس لي رانا دايرين عليهم احتجاج من هيك
و الزيارات عاد يندارلها الف حسااااب
في الشتا بعد الضهر و في الصيف على الستة و ما لازمش الواحد يبطا و يسماط
و بالنسبة ليا ديما نحتج كي نخرج اني خليت لولاد وحدهم
واش ندي؟؟؟؟؟
و الله غير كل مرة و كيفاش كاين القراب لي يقيموني و نحشم لازم ديما ندير حسابهم و كاين لي مانعييش روحي معاه خاطر الا عاندتو ماندي والو ههههههههههههه



هههههه عجبتني. تاع تتحاوز والله ينوضوك في عز القيلوله من بعد يقول لك ياك ما كنتي راقده ونوضاك
حتى انا من بين اسباب الي احتج بيها خليت بناتي وحدهم
شكرا لك على المداخله اسعدتني كثيرا بارك الله فيك

[ام امجد14]

رجعت تفكرت حاجة كى قريت الردود لقيت معضم الردود اتفقو على ان موعد الزيارات بعد العصر بصح يوجد ناس عقليتهم خاصة شويا يعنى نروح على حساب عقليت الناس الى قاصدتهم

مرة روحت لدار عمى على 3 و نصف على اساس نقعد حتى للخمسة وقت مناسب جدا قعدت شرب قهيوة و ليه ليه ادن العصر ناضت مرت عمى ولات شبه عندها الام المخاض داخلا و خارجا يعنى و حتى حطت القصعة باش تعجن المطلوع و رجل عندى و رجل فى الكوزينة حسيت باحراج كبييييييير و كانها حابة تقولى بعد العصر موعد الدخول للمطبخ و انجاز وجبة العشاء على البكرى ولادها يتعاشاو بكرى ينامو بكرى و يستيقضو بكرى يعنى شبه طردت


من نهارها نروحلهم وقت القيلولة للاسف طبعا نروحلهم فى الاعياد و المنسبات فقطططططططط لان الوقت هوما يساعدهم و انا ما يساعدنيش

[kacimo.samy]

السلام عليكم ورحمة الله وبركاته
شكرا على الموضوع

وقت مناسب

اراه انه في المساء احسن

[زيان.]

السلام عليكم ورحمة الله وبركاته أختي الكريمة .. أمنياتٌ مُحقّقهْ
والله كلّ الأمر يندرج في قول : إرضاء الناس غايةٌ لا تُدرك ..
هذا ما استطيع الجود به في مشاركتي ... وهذا كلّ ما أملك في ظلّ صراع تحوّلات المجتمع الغريبة..
مشكورة على الطرح

[طاعة زوجي ..]

[FONT="Arial Black"]بارك الله فيك أختي الأمنيات، موضوع قيم وحساس حبيبتي.
صراحةً صرنا نرى العجب العجاب ورب الكعبة، حتى من يأتي لعيادة المريض، يثقل على أهل البيت فوق ألمهم وتعبهم.
حكت لي إحداهن أنه حتى في رمضان يأتون لزيارة مريض، ويبقون حتى وقت السحور، بالله عليه هل هكذا تكون عيادة المرضى؟
لم نعد نعرف هل هو غباء أم استغباء أم قلة فهم وعدم مراعاة للغير، أليس من أوامر ديننا أن المؤمن يجب أن يحب لغيره مايحب لنفسه والعكس صحيح.
على المرء أن يجعل زيارته خفيفة حسب نوعها وحسب صلته ومدى قربه للناس الذين سيزورهم

وأما ماذا يجب أن يأخذ معه فهذا على حسب نوع الزيارة وسببها وأيضاً علاقته بمن سيزوره.

الأخوات قبلي قد كفوا ووفوا. المهم أن لا نقطع صلة الرحم، لكن دون مبالغة وإحراج للغير [FONT]

[الأمنيات]

كعادتك ااختي تختارين دائما المواضيع القيمة والحساسة والتي يكون النقاش فيها ساخن باذن الله.....
موضوع الزيارات...حساس جدا...واحسن شيء نتبعه هو ماعلمناه من ديننا وتعاليمه.....لدينا اداب استغنينا عنها فتهنا وتاه المجتمع الا من رحم ربك.....
واولها استحضار النية الصالحة فعلى الزائر أن يقصد بزيارته وجه الله تعالى إذا زار أرحامه ، أو صديقه ، أو جاره ، أو أي شخص ، فعليه أن ينوي بذلك صلة الرحم ،
ثم .عدم الإكثار من الزيارة :
عن عبد الله بن عمرو رضي الله عنهما قال : قال رسول الله صلى الله عليه وسلم : " زر غباً ، تزدد حباً " [ رواه الطبراني وصححه الألباني ]
يعني زر أحياناً واقطع أحياناً أخرى ، لأن من الناس من هو أذية ، تراه يجلس عند المزور من بعد العصر حتى ساعة النوم ، يأكل من بقايا الغداء ، وربما أخذ قسطاً من الراحة بعد الطعام في بيوت الناس ، ثم بعد المغرب يجلس للقهوة والشاي ، وينتظر حتى وقت طعام العشاء ثم يذهب لزيارة شخص آخر ، وكأنه في فندق وبوفيه مفتوح ، الناس يستحيون منه ، وهو لا يستحيي منهم ، وقد تجاوز الحد في الجفاء وقلة الحياء ، فما هكذا تكون الزيارة ، ثم تراه من الغد يأتي أيضاً للزيارة نفس البيت ، وربما اليوم الثالث والرابع وهكذا ، والسنة لم تأت بذلك ، بل زر الناس يماً في الأسبوع ، أو الأسبوعين ، حتى إذا أتيت بعد هذه المدة كان لك قبولاً عندهم ، ولا تطيل المكوث ، اجلس نصف ساعة أو ما قاربها ثم انصرف غير ناظر إلى طعام أو مبيت ، فبيتك سيؤويك ، وإن لم يكن لك بيت ، فالفنادق في كل مكان ....

لي عودة......

بارك الله فيك اختي على المداخله لكن معظمنا بعدنا عن الدين وعن اداب الزياره وكل واحد ونيته في انتظار عودتك للمشاركه

[الأمنيات]

السلام عليكم

موضوع هام جدا

انا من رأيي ان الزيارة تكون بعد صلاة العصر يكون الكل مهيأ لها و لتجنب الاحراج لا حرج في الاتصال بالهاتف نحن قادمون مثلا

اذكر قبل اسبوعين زارتنا زوجة خالي على الساعة 9 صباحا لا اظن انه وقت للزيارة والله اعلم


شكرا على مداخله وهادي الي جايه على التعسعه ماقالت. الناس راقده وفي خلقه شؤون
سعدت بمشاركه اخي

[الأمنيات]

موضوع فالقمه
اا عن وقت الزياره.نحسن يكون بعد القيلوله حتى 5وفرق بين نهار الشتا والصيف ..عن نفس اغلب زياراتي تكون فالليل بعدما نتعشا ونبعث خبر لاهل الدار قبل مانروح.ومانديش معايا اولادي هك نريح ونريح اهل الدار معايا خاصه النافس والمريض..ونحب تاني يعلموني قبل مايجو لان الضروف تختلف من يوم لاخر ومن عايله لاخرى
واما عن ما ندوه في يدينا كل حاله زياره تستدعي واجبتها..كثر او قليل...والمهم صله الارحام والاجر في ذلك
نحكيلكم كما البارح قررت نروح نبارك لبنت سلفي عالباك.بعثت بنتي لقاتها مش تم..مزيه ماشقيتش مع التعب والسخانه

بارك الله فيك على المداخله اختي كفيتي وفيتي ولازم عدم اخذ الاطفال خاصة للعائلة الي بعيده مش من خالات ولا عمات
انا يبان لي الاتصال قبل موعد الزيارة احسن

[الأمنيات]

السلام عليكم و رحمة الل و بركاته
بارك الله فيك الامنيات موضوع كبير و شائك و اذا بديت نحكي فيه مش راح نسكت
راح نختاصرو في بعض النقاط
* اولا دينا علمنا كل شيء عن الاداب و التعاملات ...اذا عملنا بيه اكيد هو الصح
*ثانيا كل منطقة و عاداتها طبعا الجنوب ماشي كيما الشمال ...يراعي الانسان ظروف المنطقة للي راه فيها
*ثالثا حط نفسك مكان الناس للي تروح ليهم و الحاجة للي ما تبغيهاش لنفسك ما تبغيهاش لغيرك
عندنا مثل يقول يرحم من زار و خفف ...الواحد يكون خفيف الظل

بالنسبة لواش يدي الزائر في ايدو ... حسب المناسبة و حسب صلة القرابة
هذا باختصار واذا قدرت ان شاء الله نرجع بتفاصيل اكثر

اهلا بام الضياف :1: انتي بالاخص لازم تحكي لنا وتعطينا دروس في اداب الزيارات من كثرت مانعرف يجوك الضياف فوق اعادة
خلصة ضياف النوع الثقيل
قلتي حاجه عجبتني وما تنبهتش لها غير الان. انه كل منطقه وادابها يعني وقت الزيارات في شمال تختلف. عن الجنوب
بحكم سكنت في الجنوب كنا نخرجوا من المغرب والفوق وقت الصيف مستحيل تخرجي من بعد العصر ولا القيلوله واغلب زيارات
العائليه بعد العشاء
اشكر مداخلاتك اختي الكريمه لكن كنت انتظر تفاعلك اكثر

[الأمنيات]

[QUOTE=kacimo.samy;3997014248] السلام عليكم ورحمة الله وبركاته
شكرا على الموضوع

وقت مناسب

اراه انه في المساء احسن
[/Q UOTE]

شكرا لك على المداخله اخي الكريم ارى ان الجميع اتفق ان وقت المناسب اما المساء او وقت العصر

[الأمنيات]

السلام عليكم ورحمة الله وبركاته أختي الكريمة .. أمنياتٌ مُحقّقهْ
والله كلّ الأمر يندرج في قول : إرضاء الناس غايةٌ لا تُدرك ..
هذا ما استطيع الجود به في مشاركتي ... وهذا كلّ ما أملك في ظلّ صراع تحوّلات المجتمع الغريبة..
مشكورة على الطرح

والله عندك الحق ارضاء الناس غاية لا تدرك لكن نحاولوا نكونوا ايجابيين في تعاملنا ونحسنوا من تصرفاتنا
ونكونوا قدوة لاولادنا حتى نعلموهم اداب الزيارات
بارك الله فيك سعدت بمرورك

[نور لاتراه]

السلام عليكم
في جنوبنا الكبير والساشع جدا
يكون غير محبذ صيفا تقارب اوقات الزيارت
مع اوقات القيلولة او مواعيد الاكل
هذا بالنسبة للغريب
(ليس الضيوف او الاقارب)
وحتى ما ذكرو بين قوسين لهم امتيازات
لكن بالمقابل ليست كاملة
لذا في نظري فترة مابعد العصر حتى موعد اعداد العشاء
هي انسب
واكيذ ذلك يختلف حسب الفصول والمناسبات
ويكون ماتاخذينه حسب نوع العلاقة والمناسبة

[الأمنيات]

[font="arial black"]بارك الله فيك أختي الأمنيات، موضوع قيم وحساس حبيبتي.
صراحةً صرنا نرى العجب العجاب ورب الكعبة، حتى من يأتي لعيادة المريض، يثقل على أهل البيت فوق ألمهم وتعبهم.
حكت لي إحداهن أنه حتى في رمضان يأتون لزيارة مريض، ويبقون حتى وقت السحور، بالله عليه هل هكذا تكون عيادة المرضى؟
لم نعد نعرف هل هو غباء أم استغباء أم قلة فهم وعدم مراعاة للغير، أليس من أوامر ديننا أن المؤمن يجب أن يحب لغيره مايحب لنفسه والعكس صحيح.
على المرء أن يجعل زيارته خفيفة حسب نوعها وحسب صلته ومدى قربه للناس الذين سيزورهم

وأما ماذا يجب أن يأخذ معه فهذا على حسب نوع الزيارة وسببها وأيضاً علاقته بمن سيزوره.

الأخوات قبلي قد كفوا ووفوا. المهم أن لا نقطع صلة الرحم، لكن دون مبالغة وإحراج للغير [font]

بارك الله فيك اختي على المداخله حقا صرنا نرى العجب العجاب خاصة عند زيارة المريض اصدقك القول صرت. اخاف امرض :1:
حتى لا افاجىء بافواج من الزيارات لاني اكون مجبره للنهوض من الفراش لاخدمهم
شكرا على المرور

[الأمنيات]

السلام عليكم
في جنوبنا الكبير والساشع جدا
يكون غير محبذ صيفا تقارب اوقات الزيارت
مع اوقات القيلولة او مواعيد الاكل
هذا بالنسبة للغريب
(ليس الضيوف او الاقارب)
وحتى ما ذكرو بين قوسين لهم امتيازات
لكن بالمقابل ليست كاملة
لذا في نظري فترة مابعد العصر حتى موعد اعداد العشاء
هي انسب
واكيذ ذلك يختلف حسب الفصول والمناسبات
ويكون ماتاخذينه حسب نوع العلاقة والمناسبة


هاذا ما تطرقت اليه اختي. لاحظتالزيارات تختلف من منطقه لاخرى ومن الشمال الى الجنوب
عندما كنت في الحنوب نخرج للزياره مرات بعد العشاء عادي عندهم الامر. ومرات من. بعد المغرب واحيانا في وقت الشتاء
تكون على العشرة صباحا لكن في الشمال عند البعض هذه الاوقات غير مناسبه لهم للزيارة
وكما ذكرتي الزيارات تكون حسب الفصول والمناسبات والمنطقه ايضا
شكرا على المداخله وعلى تثبيت الموضوع

[سَامِيَة]

فكرة أخذ موعد مسبق للزيارة
حسب ما لاحظت ينظر إليه من جانبين:

1- هناك طرف يحبذ الفكرة انطلاقا من
مراعاة ظروف الآخرين ووضعهم
في الصورة تجنبا للاحراج.

2- طرف آخر يرى أن اعطاءك موعد
مسبق لمن ترغب بزيارته سيجعله
ربما يكلف نفسه فوق طاقته وطبعا
المقصود هنا هو الأكل والشرب
إذ لا تصبح لديه حجة في عدم إكرامه
للضيوف .

أما عن الوقت المناسب فأرى انه
فترة العصر أو قبله على حسب الفصول لأن الفترة الصباحية قصيرة جدا عندنا
كمجتمع جزائري الذي وقت غدائه هو
غالبا منتصف النهار وربة البيت بين الطبخ والتنظيف والترتيب اليومي ورعاية
الأولاد تخرج
مع منتصف النهار قد قد...أما إذا كان فيها عجين وطبق مميز للغداء فحدث ولا حرج اذا قامت بالكوزينة فإنها حققت
الكثير .
موضوع جميل
بارك الله فيك

[أم ايهاب 2013]

موضوع مهم بارك الله فيك على طرحه ...... انا نضن موعد الزيارة يحدده الناس والمجتمع اللي راكي عايشة فيه ..... حنا في جهتنا مثلا اللي يروح مع العصر معناها لازم يقعد يتعشى.... مستحيل يخلوك تروحي بلا عشا... لهدا اللي موش حاب يثقلغلى الناس يروح بعد العشا...... طبعا الصباح غير مناسب تماما للزيارة لا للضيف ولا لاهل البيت .... لانو وقت الاعمال المنزلية

[أم فاطيمة]

موضوع في القمة
وقت الزيارات يختلف من واحد لواحد و حسب ضروف وقت زيارة المريض بعد العصر و دخل و خرج و هدا ما يستحقش تعلميهم
ووقت كي نكون رايحة لنافس و لا عيد على حساب العايلة و ضروفها ووقت زيارة العادية تستحق اعلام باش يحضرو نرواحهم نفسيا و معنوية
لان ضيف الغفلة يقلق و احيانا ما يكون عندك والو في الدار و بخصوص واش تدي معاك انا نفضل دراهم

[الأمنيات]

حسب ما قريت من ردود الاعضاء. تختلف فترة الزيارات من منطقة لاخرى. وايضا تختلف حسب انماط الناس
فيه من يفضل الزيارات بعد العصر وفيه من مغرب. وكاين حتى مور العشاء. فيه اسر تحب تسهر واسر تنام باكر
اما ما تطرقت له الاخت فتاة عادية انه كل واحد وكيفاش يشوف. كي نحدد موعد الزيارة بالهاتف
صراحة انا نفضل الي يحب يجي يطلبني قبل لاني بحك نسكن في منطقه نائية نحب نوجد قبل
( فيه من. احدد مع موعد الزيارة بيوم وكي نوصل عادي اختي ما يكلفوش ارواحهم خبز وخلاص) يعني مافيهش تكلفه يعني حسب عقليات الاشخاص وطريقة تعاملهم مع الغير
زيارات المريض خصوصا لازم تكون خفيفة ما يطولش الواحد يدير روحه راه في مستشفى ويتقيد بقوانين
زيارات النافس ايضا اعتبرها خفيفه لان نافس تكون مرهقة خاصة اذا ماعندهاش الي يقوم بيها
زيارات الاعراس حسب الناس الي نعرفوهم وقراب لينا عن نفسي ما نحضرش الاعراس ونروح نباوك حتى يكمل العرس
زيارات تبريكات للناجحين ولا الختان كلها حسب العايلات وعلاقتنا بيهم
اما الي لازم نحكوا فيه مطولا هي زيارات او التعزيه الواحد يعزي ويقوم بالواجب ويخرج اذا قدرت نساعد
نقعد اذا كانوا قراب ملاحظه عند اصحاب الميت الناس الي يجوا يعزوا تقول راهم في حفل يسولوا على الاكل
ونلقاهم يسولوا على القهوة والغذاء واش حطوا واش ما حطوش والغتبة والنميمة دايره حاله ربي يستر ويلطف بينا
هاذا واش حبيت نقوله عن الزيارات
واذا حبيتوا نطرقوا واش نحكوا في الزيارات وماهي اهم المواضيع الي لازم نحكوا فيها وكلها حسب الزيارة
يعني في حفل واش نحكوا وفي التعزيه واش نحكوا ؟؟؟؟

[تزيرية]

الزيارات العائلية للتقارب أحسنها و أطيبها بعد العصر مباشرة لا المغرب.

[ام امجد14]

حسب ما قريت من ردود الاعضاء. تختلف فترة الزيارات من منطقة لاخرى. وايضا تختلف حسب انماط الناس
فيه من يفضل الزيارات بعد العصر وفيه من مغرب. وكاين حتى مور العشاء. فيه اسر تحب تسهر واسر تنام باكر
اما ما تطرقت له الاخت فتاة عادية انه كل واحد وكيفاش يشوف. كي نحدد موعد الزيارة بالهاتف
صراحة انا نفضل الي يحب يجي يطلبني قبل لاني بحك نسكن في منطقه نائية نحب نوجد قبل
( فيه من. احدد مع موعد الزيارة بيوم وكي نوصل عادي اختي ما يكلفوش ارواحهم خبز وخلاص) يعني مافيهش تكلفه يعني حسب عقليات الاشخاص وطريقة تعاملهم مع الغير
زيارات المريض خصوصا لازم تكون خفيفة ما يطولش الواحد يدير روحه راه في مستشفى ويتقيد بقوانين
زيارات النافس ايضا اعتبرها خفيفه لان نافس تكون مرهقة خاصة اذا ماعندهاش الي يقوم بيها
زيارات الاعراس حسب الناس الي نعرفوهم وقراب لينا عن نفسي ما نحضرش الاعراس ونروح نباوك حتى يكمل العرس
زيارات تبريكات للناجحين ولا الختان كلها حسب العايلات وعلاقتنا بيهم
اما الي لازم نحكوا فيه مطولا هي زيارات او التعزيه الواحد يعزي ويقوم بالواجب ويخرج اذا قدرت نساعد
نقعد اذا كانوا قراب ملاحظه عند اصحاب الميت الناس الي يجوا يعزوا تقول راهم في حفل يسولوا على الاكل
ونلقاهم يسولوا على القهوة والغذاء واش حطوا واش ما حطوش والغتبة والنميمة دايره حاله ربي يستر ويلطف بينا
هاذا واش حبيت نقوله عن الزيارات
واذا حبيتوا نطرقوا واش نحكوا في الزيارات وماهي اهم المواضيع الي لازم نحكوا فيها وكلها حسب الزيارة
يعني في حفل واش نحكوا وفي التعزيه واش نحكوا ؟؟؟؟


والله اختى امنيات واش نحكو فى وقت الزيارة مهم جدا يعنى للازم نختارو الموضوع الى نحكو فيه حتى و لو كان وقت الزيارة ضيق جدا

والله ادا تسمحيلى نعطيك بعض ما وقع لى فى قالب كوميدى بصح فعلا حقيقى ووقع لى

عندما توفات امى و كل نعرف قيمة امنا و الله لا يوريلكم احساس رهيب و انتى تتلاقاى فى العزاء الان امك توفات
جاتنى واحدا بمجرد ما عزاتنى و بدات تحكيلى على راجلها و على فكرة زوجها اسمو احمد و بدات احمد دخل احمد اخرج احمد يحب احمد ما يحبش و هى تزوخ و تفوخ بهادا احمد و كانو سلطان من سلاطين و الله مشاعرى كلها تخلطت و فجاة راح الحزن من قلبى و قعدت نتخيل غير فى هادا احمد و طبعا صباح كى نهضت قلت لراجلى صباح الخير يا احمد


و كى ربح ولدى البيام اول فرحة بالنسبة ليا كبيرة جات واحدا تبوركلى و و بمجرد ما قالتلى بالباركة على وليدك بدات تنوح على اختها الى عنها 5 سنوات ملى ماتت و الله نسيت فرحتى و تقول نحاتهالى من قلبى و دخلنى الاكتاب فجاة و الدنيا صغرت امام عينى ههههه


لى عودة فى جعبتى الكثير

[احمد العنبلي 14]

ومع ذلك ففيها اجر وقربى وصلة رحم فالواحد يطول بااوا ويتعلم مخالطة الناس والصبر وان بكون قدوة لغيره

[الأمنيات]

شخصيا لا أحب من يأتيني وقت القيلولة

لما يكون مرض مزمن و متقدم نتفهم الناس، منهم من يأتي عدة مرجحات لكن لا يبقون طويلا و لا يتناولون شيئا ، أحيانا فقط من الباب.

ولادة أو كسر أو عملية، مليح الواحد يسأل أولا و لا يذهب قبل العصر

الزيارات العائلية للتقارب أحسنها و أطيبها بعد العصر مباشرة لا المغرب.

ماذا نأخذ؟
حسب مقدور الشخص و الذين نزورهم، يعني الواحد ما يكترث حى تصير الزيارة تقيلة و تصير لغيره دين.

إذا قدر ربي و بطينا و جا وقت الغدا أو العشا، نلقى أي حجة المهم نخرج.

أحيانا الواحد لما يكون مسافر يكون الوقت عدوه يعني يدير نهار يزور فيه كل العايلة،. يعني يبدأ بعد العصر مباشرة ممكن يكمل مع العشا! لكن غالبا للأقرباء جدا يعني نصف حرج :)
مرة رحت زرت بعض أهلي منهم من على الساعة 11 و بعدهم كان لازم نروح عند غيرهم مباشرة لضيق الوقت، يعني وصلت الوحدة ونص أظن ، كانوا يتغدوا، كانوا يستناو في من الصبح و عارفين ظروفي، المهم سيفوز علي نقعد و نأكل، ما فتش ملعقتين.


الخلاصة في رأيي : الزيارات بعد العصر دون إطالة

الحمد لله
شكرا. على التوضيح وكل واحد. يشوف الوقت الي يناسبه ويناسب العايله. الي يزورها
يختلف باختلاف المنطقه والاسره في حد ذاتها
بارك الله فيك سعدت بمرورك

[الأمنيات]

ومع ذلك ففيها اجر وقربى وصلة رحم فالواحد يطول بااوا ويتعلم مخالطة الناس والصبر وان بكون قدوة لغيره

اكيد فيها اجر وصلة رحم لهاذا نبحث عن طرق حتى نحافظ علىصلة الرحم
بارك الله فيك سعدت بمرورك

[karime amrs]

الوقت يختلف حسب الظروف لكل مناسبة و كل عائلة و على العموم
الوقت المناسب في راي
بين العصر و المغرب او العصر و العشاء
اما صباحا فبين 10 صباحا و قبل الظهر هذا يختلف
اما الزيارات الممنوعة و التي لا تلقيق اطلاقا فهي في القيلولة بين الظهر و العصر و بعد العشاء
و هناك استثناءات كما قلت و كل عائلة و ظروفها

[غصن البآن]

سلام جميل ...
موضوع قيم ...ويمس كل العائلات ..احسنتِ الطرح
بالنسبه لي افضل الزيارات بعد العصر لان فصل الصيف النهار طويل وكذلك مع الحرارة الناس تفضل القيلولة والنوم قليلا ...اما في الشتاء الزيارة تكون قبل العصر
اما واش ندو ..انا اذا كانت زيارة اعياد ندي حلويات وفي الحالات العاديه ندي فاكهة وعصير مثلا ..وان كان مرض ندي حاجه خفيفة ونمد مال من باب المرض يحتاج للفحوصات والتحاليل وهاذ الامور تكلف واكيد احرص انو ضيافه تكون خفيفة ضريفه ..
وطبعا افضل شيء ان الواحد يتصل قبل ليروح لتجنب انو يروح فوقت غير مناسب

وفكرة واحد يجي بعد الفطور ومش متغذي ..اذا تقدرت نبعث نشري دجاج محمر و نقلي بطاطا وسلطه ونحط واش طيبت معاه ""حلول سريعه ""

[خوخة جوجو]

عديم الاحساس لي يجي مع وقت الاكل او الوقت لي يرتاحو في الناس وخاصة المريض.
اكسنت زيارة صباح مع التسعة او عشية مع الستة .هذارايي.

[*سندوسة*]

السلام عليكم
موضوع مهم للغاية
شوفي اختي وقت الزيارة نظن الوقت المناسب بعد العصر الى غاية قبل المغرب نظن انه وقت كافي وبخصوص ناس لي تروح بلا موعد هنا تولي ديرونجمو ههه
ولازم تكون زيارات خفيفة خاصة للمريض وبالنسبة للغذا وناس لي تجي روطار يعني لازم ربة البيت ديما تكون مخبية كسكسي والحليب وكانش فاكهة يعني تشريها دوريا لازم كل بيت تكون فيه هاد الضروريات
وادا كانت عندك طنجرة الضغط تقدري كانش ماتوجدي ع السريع
وكاين ناس لي نحير فيهم هو انهم غرفة الضيوف يحضروها غير كي يجو ضيوف من الاحسن المرا شاطرة تنظف بيتها ماشي غير وقت زيارة الضيوف
حنا من عاداتنا في ولايتنا كي تكون وحدة مريضة او رايحين يباركولها يعلموها بمجيئهم ويتفاهمو مع بعض ويروحولها في وقت مناسب

[الأمنيات]

سلام جميل ...
موضوع قيم ...ويمس كل العائلات ..احسنتِ الطرح
بالنسبه لي افضل الزيارات بعد العصر لان فصل الصيف النهار طويل وكذلك مع الحرارة الناس تفضل القيلولة والنوم قليلا ...اما في الشتاء الزيارة تكون قبل العصر
اما واش ندو ..انا اذا كانت زيارة اعياد ندي حلويات وفي الحالات العاديه ندي فاكهة وعصير مثلا ..وان كان مرض ندي حاجه خفيفة ونمد مال من باب المرض يحتاج للفحوصات والتحاليل وهاذ الامور تكلف واكيد احرص انو ضيافه تكون خفيفة ضريفه ..
وطبعا افضل شيء ان الواحد يتصل قبل ليروح لتجنب انو يروح فوقت غير مناسب

وفكرة واحد يجي بعد الفطور ومش متغذي ..اذا تقدرت نبعث نشري دجاج محمر و نقلي بطاطا وسلطه ونحط واش طيبت معاه ""حلول سريعه ""



بارك الله فيك على المداخله اختي الكريمة. اكيد الكل تقريبا متفق على وقت الزياره هو بعد العصر وقبل بشوي
لكن مرات الواحد يسكن في منطقه معزوله ولا نائيه. ما تقدريش تشري غير اذا كنتي شاطره. ومخبيه
المهم نشكرك على المرور

[الأمنيات]

عديم الاحساس لي يجي مع وقت الاكل او الوقت لي يرتاحو في الناس وخاصة المريض.
اكسنت زيارة صباح مع التسعة او عشية مع الستة .هذارايي.

شكرا لتدخلك اختي لكن. من راي. مش عديمي الاحساس فقط كل واحد وظروفه ممكن خرج بكري ومع مواصلات لحق روطار
يعني لازم نلتمس العذر للناس
شكرا لك على المرور

[الأمنيات]

السلام عليكم
موضوع مهم للغاية
شوفي اختي وقت الزيارة نظن الوقت المناسب بعد العصر الى غاية قبل المغرب نظن انه وقت كافي وبخصوص ناس لي تروح بلا موعد هنا تولي ديرونجمو ههه
ولازم تكون زيارات خفيفة خاصة للمريض وبالنسبة للغذا وناس لي تجي روطار يعني لازم ربة البيت ديما تكون مخبية كسكسي والحليب وكانش فاكهة يعني تشريها دوريا لازم كل بيت تكون فيه هاد الضروريات
وادا كانت عندك طنجرة الضغط تقدري كانش ماتوجدي ع السريع
وكاين ناس لي نحير فيهم هو انهم غرفة الضيوف يحضروها غير كي يجو ضيوف من الاحسن المرا شاطرة تنظف بيتها ماشي غير وقت زيارة الضيوف
حنا من عاداتنا في ولايتنا كي تكون وحدة مريضة او رايحين يباركولها يعلموها بمجيئهم ويتفاهمو مع بعض ويروحولها في وقت مناسب

شكرا. على المداخله اختي اكيد وقت الزياره هو ما ذكرتيه وكل منطقه وعاداتها حسب ماذكروا الاعضاء
وايضا موضوع غرفه الجلوس. لازم تكون نظيفه لل ضيوف لكن. فيه الي عنده ضيق ماعندهش حتى غرفه خاصه للضيوف
يعني نديروا حساب كل الفئات بارك الله فيك على المرور