الدرس الاول من دورة الحلويات مع زينب

[زينب 83]

السلام عليكم و رحمة الله ووبركاته


صباح الخير غالياتي

درس اليوم سيكون عن طريقة تحضير غريبية الورقة القسنيطية بشكل جديد و جميل
حبيبت نبدى بدرس سهل كبداية

هذه الغريبية لذيذة جدا و سهلة و ناجحة في نفس الوقت

مقادير العجينة

فنجال صغير زبدة او سمن ذايب و بارد
5 فناجل فرينة مغربلة
رشة فانيلا
و ماء زهر
رشة ملح


مقادير الحشو
1 كلغ كوكاو محمص ملييييح حتى يرجع لونه احمر
350 غ سكر عادي
جلجلانية محمصة
زيت عند الحاجة


نبدأ على بركة الله
اولا نحضر العجينة بخلط جميع المقادير راح نتحصلوا على عجينة مطاطية مثل عجينة البقلاوة
نخليوها تريح اقل شيء ساعة


نرجع للحشو
نرحي السكر في الرحاية اليدوية و اقصد هنا رحاية القهوة حتى يرجع بودرة بعدها نزيدولي الكوكاو و نرحيوه معاه حتى ترجع عجينة يعني الكوكاو ايضا بودرة


لتسهيل العملية نرحيو الكوكاو في الروبو و مباعد في رحاية القهوة

كاين يخلطو السكر مع الكوكاو و يرحيو و هاذي العملية خاطئة لانو راح يبقى السكر حبيبات و راح نحسوه عند الاكل

لازم نرحيو السكر اولا حتى يرجع بووودرة و بعدها نزيدولو الكوكاو

اذا عجينة الكوكاو بقات تتفتت ممكن نزيدولها ملعقة زيت و نعجنو مليح
العجينة لازم تكون يابسة ماش جارية
في الاخير نزيدو الجلجلانية


طريقة التشكيل

نحلو العجينة في الة البقلاوة حتى الرقم الاخير
لازم تكون رقييييقة
نقصوها شريط و نحطو فوقه حربوش الكوكاو و ندورو العجين مرتين
في الدورة الثانية ندهنو حاشية العجينة ببياض البيض او الماء

و نبداو نقصو الحربوش مقروطات

كل مقروطة نشلحوها في الوسط بالسكين و بعدها نضغط على الحبة كما في الصورة راح نتحصل على شكل جميل

نحطوها طيب على نار متوسطة و لازم تبقى بيضاء مايتغيرش لونها

يعد ماطيب ندهنوها بجولي و نزينوها بالبيستاش

اضافة الجلجلانية المحمصة تحطيها طعم تحفة احسن من العادية


http://www.m5zn.com/newuploads/2017/05/02/jpg//418dc468bdb753f.jpg (http://www.m5zn.com/out.php?code=16640568)

http://www.m5zn.com/newuploads/2017/05/02/jpg//b1bdf8b74d6e20c.jpg (http://www.m5zn.com/out.php?code=16640570)

http://www.m5zn.com/newuploads/2017/05/02/jpg//db5e893d44a4638.jpg (http://www.m5zn.com/out.php?code=16640569)


http://www.m5zn.com/newuploads/2017/05/02/jpg//1e990ccba98a986.jpg (http://www.m5zn.com/out.php?code=16640571)

http://www.m5zn.com/newuploads/2017/05/02/jpg//c6a118110568e80.jpg (http://www.m5zn.com/out.php?code=16640572)



http://www.m5zn.com/newuploads/2017/05/02/jpg//0c4ad8c92acbc08.jpg (http://www.m5zn.com/out.php?code=16640567)

http://www.m5zn.com/newuploads/2017/05/02/jpg//d488b959a108ca0.jpg (http://www.m5zn.com/out.php?code=16640566)

http://www.m5zn.com/newuploads/2017/05/02/jpg//0167b73c5ddd017.jpg (http://www.m5zn.com/out.php?code=16640565)

http://www.m5zn.com/newuploads/2017/05/02/jpg//3ce1b8f530e79cb.jpg (http://www.m5zn.com/out.php?code=16640564)


هذا كان درسنا الاول و اي سوال انا في الخدمة
و هذه بعض الافكار من مطبخي في تشكيل مقروط الغرس

http://www.m5zn.com/newuploads/2017/05/02/jpg//d696413090d017c.jpg (http://www.m5zn.com/out.php?code=16640575)

http://www.m5zn.com/newuploads/2017/05/02/jpg//ffad772d772842a.jpg (http://www.m5zn.com/out.php?code=16640574)

http://www.m5zn.com/newuploads/2017/05/02/jpg//380008847490dd0.jpg (http://www.m5zn.com/out.php?code=16640573)

http://www.m5zn.com/newuploads/2017/05/02/jpg//d3bc862fa06ac0f.jpg (http://www.m5zn.com/out.php?code=16640590)

http://www.m5zn.com/newuploads/2017/05/02/jpg//259c02352a0d571.jpg (http://www.m5zn.com/out.php?code=16640589)

http://www.m5zn.com/newuploads/2017/05/02/jpg//aa593c2f9a01cf4.jpg (http://www.m5zn.com/out.php?code=16640588)


راني خليت مجال التطبيقات مفتوح لانه كل اخت و ظروفها و باذن الله الدروس راح تكون كثيرة و لي ماقدرتش طبق في درس ممكن في درس اخر .... لكن هذا لا يمنع انه اصحاب التطبيقات راح تكون عندهم مكافآت مستقبلا

اذا لقيت تفاعل في مواضيع الحلويات راح نفتح دورة لتعليم طي المناديل بطريقة فنية و حصرية لمنتديات الجلفة

في امان الله غالياتي

[zokhrofa]

اه جمييييييل جدا خسارة برك فيها الحشو كنت حابة نوض اليوم نديرها

ياريت اختي زينب المرة الجاية قبل ما تحطي الدرس قوليلنا على واش تحتاج الوصفة من قبل على الاقل نوجدوهم

شكرا بزاف على الوصفة

[naila166]

شكرًا على الوصفة رائعة الله يبارك عليك

[fleur de lili]

بسم الله مشأالله تحفة
شكرا علي المجهود
ربي يحفض هذوك اليدين ليتلفو في حرير

[زينب 83]

اه جمييييييل جدا خسارة برك فيها الحشو كنت حابة نوض اليوم نديرها

ياريت اختي زينب المرة الجاية قبل ما تحطي الدرس قوليلنا على واش تحتاج الوصفة من قبل على الاقل نوجدوهم

شكرا بزاف على الوصفة

اهلا بالفنانة زخرفة
ماجاتش الفرصة اني نقولم بلي مبدعة ما شاء الله افكارك كلها تحفة و انا شخصيا استفدت منها بزااااف بزاااف نتمنى دايما نشوف مواضيعك المميزة


اما بالنسبة للحلوى فالتطبيق ليس اجباري عندك الوقت و طبقي وقت ماحبيتي حبيبتي

[زينب 83]

بسم الله مشأالله تحفة
شكرا علي المجهود
ربي يحفض هذوك اليدين ليتلفو في حرير

تسلمي يا غالية ....كنت قلتلك مرة بلي نتفاءل بردودك الجميلة .... شكرا جزيلا

[زينب 83]

شكرًا على الوصفة رائعة الله يبارك عليك

يبارك فيك حبيبتي اهلا و سهلا

[اميريم19]

يعطيك الصحة اخت زينب راح نطبق في اقرب فرصة ان شاء الله وديما متابعة للدروس بارك الله فيك

[زينب 83]

يعطيك الصحة اخت زينب راح نطبق في اقرب فرصة ان شاء الله وديما متابعة للدروس بارك الله فيك

تسلمي حبيبتي و مرحبا بيك

[sabinaz]

السلام عليكم
انت رائعة وافكارك في القمة الله يبارك عليك,

[ايمان يمن]

جاري التطبيق لاحلي زينب فالمنتدي كنت شفت الحلوي من قبل وخفت نجربها لانو اكيد عندها اسرار لنجاح الكيفية وبارك الله فيك حطيتيلنا الوصفة بكل الاسرار.شكرا
عندي استفسار كمية الجلجلانية شحال ومرحية ولا لالا.هاذ الحلوة نقدرو نعسلوها ولا لالا.الحشو يتلم غير بالسكر والكاكاو قصدي منزيدولو وأبو بغير الزيت اذا متلمش؟شكرا حبيبتي

[الفجر القادم]

يعطيك الصحة حبيبتي زينب و بارك الله فيك و في اهلك و جعلها الله في ميزان الحسنات.
فقط سؤال اخيتي، هل من الممكن استبدال السكر عادي بالسكر الرطب،؟ و بالنسبة لعجينة الكاوكاو اذا ما تلمتش بالزيت ماذا نضيف؟ و هل يمكن طحن الكاوكاو و هو ساخن؟
جزاك الله خيرا اخيتي و شكرا مسبقا. و عذرا على الاسىئة الكثيرة:19::19::19::19: بالتوفيق للجميع.

[ام جهاد2008]

بسم الله ماشاء الله سلمت الايادي دائما مميزة ربي يبارك فيك زينوبة في ميزان حسناتك ان شاء الله عندي طلب حنونة ممكن تعملينا قائمة لاطباق شهر رمضان يعني كل نهار واش نطيبو هاكذا نتهناو شوية من التخمام ونتفرغو شوية للعبادةوشكرا مسبقا

[**وحدها غريبة **]

روعة ماشاء الله زينب
ملكة الابداع

كنت راح نطرح اسئلة وسبقتني ايمان جزاها الله خيرا

ربي يزيدك من نعيمو
احلى تقيييييييم للموضوع

[زينب 83]

يعطيك الصحة حبيبتي زينب و بارك الله فيك و في اهلك و جعلها الله في ميزان الحسنات.
فقط سؤال اخيتي، هل من الممكن استبدال السكر عادي بالسكر الرطب،؟ و بالنسبة لعجينة الكاوكاو اذا ما تلمتش بالزيت ماذا نضيف؟ و هل يمكن طحن الكاوكاو و هو ساخن؟
جزاك الله خيرا اخيتي و شكرا مسبقا. و عذرا على الاسىئة الكثيرة:19::19::19::19: بالتوفيق للجميع.

لا حبيبتي سقيي قد ماحبيتي هذا ركن للتعلم
شوفي السكر الرطب يطلق الماء و جيك عجينك الكوكاو رخوة

ايه ممكن ترحيه سخون بصح الرحاية تاعك راح تسخن ماش مليحة للموتور

و الكوكاو كي ترحيه بودرة مع السكر راح يرجع عجينة وحدو لانه الكوكاو يطلق الزيت ... و اذا ماتلمتش زيدي غير ملعقة صغييييرة و لمي راح يتلم و ماتقدريش تزيدي حاجة اخرى

[أم ملك]

السلام عليكم ورحمة الله تعالى و بركاته
بوركتي زينب و دمتي متألقة و جزاك الله خيرا عن مجهوداتك الحلوة قمة في الروعة كاين لي يسميها سكندرانيات نفس الطريقة برك نعسلوها مشكورة حبيبتي و أهنيك على وفائك للمنتدى و وصفاتك الرائعة
يا ريت أختي لو تصوريلي الآلة لي رحيتي فيها الكاوكاو و إذا نقدرو نرحو فيها ليزيبيس و شكرا مسبقا

[om najib]

بارك الله فيك يا احلى و اروع فناااااانة ربي يسترك و يحفظلك وليداتك و يصلحهملك يا رب و يجازيك على الشي لي راكي تعلمي فينا عندي سؤال صغييييير برك اذا مفيهاش ازعاج ما عنديش الرحاية نتاع لقهوة نقدر نديرها بالروبو و شكرًا حبيبتي مرة اخرى

[ام هزار]

بارك الله فيك اختي زينب . سباااقة لفعل الخير و مبدعة دوما ......تحياتي:19:

[سَامِيَة]

ألف شكر أختي زينب حلوى رائعة وشرح جميل
ربي ينعم عليك بالصحة والعافية ويحفظلك كل غال عندك.

[MiSsoU23]

جزاك الله عنا كل خير وبارك في رزقك
من فضلك ادا قدرتي تجاوبيني على استفساري : هل نقدرو نطيبوه و نحتفظو بيه في المجمد لحين استعماله؟ ادا كان نقدرو من فضلك اشرحيلي بالضبط طريقة الحفظ في المجمد لأني محتا جتها:sdf:
شكرا على مجهوداتك

[لينة71]

بارك الله فيك اختي زينب ربي يجزيك كل الخير
حبيت نسقسيك خيتي نقدر خطيبها وتخليها في المجمد لبعد العيد لانو شهري في رمضان وجبين نطيبها ونخبيها يحي متفسدش؟

[زينب 83]

روعة ماشاء الله زينب
ملكة الابداع

كنت راح نطرح اسئلة وسبقتني ايمان جزاها الله خيرا

ربي يزيدك من نعيمو
احلى تقيييييييم للموضوع
تسلمي يا غالية شكرا جزيلا

[حياة نور الدين]

اهلااا زينب الله يبارك وصفة جديدة عليا وشكلها اروووع بارك الله فيك وان شاء الله يكون تفاعل ونستفادوا من مواضيعك

[زينب 83]

السلام عليكم ورحمة الله تعالى و بركاته
بوركتي زينب و دمتي متألقة و جزاك الله خيرا عن مجهوداتك الحلوة قمة في الروعة كاين لي يسميها سكندرانيات نفس الطريقة برك نعسلوها مشكورة حبيبتي و أهنيك على وفائك للمنتدى و وصفاتك الرائعة
يا ريت أختي لو تصوريلي الآلة لي رحيتي فيها الكاوكاو و إذا نقدرو نرحو فيها ليزيبيس و شكرا مسبقا

اهلا بالغالية واش حوالك حبيبتي
ايه خي كيما السكندرانيات هههه بصح بدلولها الاسم و دوك انتشرت بهذا الاسم
دوك نصورك الالة و هي نفسها لي نرحي ليزيبيس

[nihal159]

يعطيك الصحة خرجتلك تحفة؛ حبيت نسألك؛ الحشوة ماتجيش يابسة؟ لأنو مافيها لا بيض لا والو.

[زينب 83]

اهلااا زينب الله يبارك وصفة جديدة عليا وشكلها اروووع بارك الله فيك وان شاء الله يكون تفاعل ونستفادوا من مواضيعك

انت الاروع حبيبتي حياتي و الف مبروك ما زاد عندك يتربى في عزك يا رب

[زينب 83]

يعطيك الصحة خرجتلك تحفة؛ حبيت نسألك؛ الحشوة ماتجيش يابسة؟ لأنو مافيها لا بيض لا والو.

لا بالعكس جي طرية ااكثر ما تتصور شفتي الغريبية نفس الشيء

[nihal159]

الأخت زينب عندي طلب صغير؛ ماتنزليش الدرس التاني حتى نحطو تطبيقاتنا للدرس الأوّل؛ لأننا باش نتعلمو صح لازم نطبقو مش غير نتعلمو بعينينا ههههههه لازم يدينا يتمرسو على الخدمة.

[زينب 83]

بارك الله فيك اختي زينب ربي يجزيك كل الخير
حبيت نسقسيك خيتي نقدر خطيبها وتخليها في المجمد لبعد العيد لانو شهري في رمضان وجبين نطيبها ونخبيها يحي متفسدش؟

و فيك بارك الرحمان
ايه تقدري حبيبتي ما يصرالها والو
جيبي علبة تكون تتغلق مليييح حطي فيها داخل ورق المنيوم و رشي فيها فانيلا و خبي الحلوى تاعك و اغلقي عليها ملييييح مليح و زيدي حطي العلبة في كيس و اغلقي علاجال الريحة فقط اما هي تبقة طرية تهبل

[امّ اياد]

يعطيك الصحة زينب دائما مبدعة الله يبارك خرجتلك تحفة الله يبارك ربي يحفظ هدوك اليدين

[Fifirose2009]

شكرا جزيلا عجبني بزاف المقروض

[النجمة القطبية]

اهلا اختي زينب
وصفة رائعة ماشاء الله وبداية موفقة
حبيت نجربها لكن انا للاسف مرانيش من محبين طعم الكاوكاو في الحشو ممكن ناكلوا ادا كان مخلوط مع لابات او للتزين فقط
لدا حبيت نطلب منك وصفة للغربية العادية تكون مزينة بالكاوكاو او البيستاش طبعا انا الوصفة هادي متعودة نعملها لكن حبيت نشوف طريقتك للغريبية العادية لان زوجي يحبها وحبيت نعملهالوا
واخيرا نقولك انو ماشي اول مرة نجرب وصفاتك جربتها عدة مرات وخرجولي تحفة تحفة للاسف معنديش كيفاش نصور حاليا
مشكووورة

[ام خيرو]

وصفة رائعة ماشاء الله

[fati13]

يعطيك الصحة اختي زينب بارك الله فيك

[ام هدول]

يعيطك الصحة زينب ...ان شالله مجهوداتك ..كلها في ميزان حساناتك ...

[فردوس الرحمان]

والله تحفة،. نجربها انشا، الله ، يعطيك الصحة الاخت زينب مبدعة دوما

[ايمان يمن]

اخت زينب مجوبتينيش علي كمية الجلجلانية ومحمصة ولا لا.عذرا

[فتحية زهرة العلا]

روعة ماشاء الله يسلمو يديك.

[zokhrofa]

اهلا بالفنانة زخرفة
ماجاتش الفرصة اني نقولم بلي مبدعة ما شاء الله افكارك كلها تحفة و انا شخصيا استفدت منها بزااااف بزاااف نتمنى دايما نشوف مواضيعك المميزة


اما بالنسبة للحلوى فالتطبيق ليس اجباري عندك الوقت و طبقي وقت ماحبيتي حبيبتي

هاااا هاذي شهادة نعتز بيها و نحتفظ بيها في قلبي صحيتي اختي زينب

حسنا بما انو ماشي اجباري مالا عندي الوقت انا عمبالي نطبقو و تصحيلنا الاخطاء و حتى التلاميذ كامل يطبقو باش نجوزو للدرس الثاني

نقولك حاجة ؟ قل هو الله احد على واش درتي انا مانحبش بزاف حلويت تقليدية بصح كي تكون شابة تشهيني على الاقل ناكل حبة

[norsofia]

ربي يجازيك اختي زينب موضوع رائع اكيد راح نتعلموا فن الحلويات مع احلى واطيب شاف في المنتدى

[امي جنتي]

Merccccccci ma princesse

[oumelabedmh]

بارك الله فيك اختي زينب وان شاء الله يرجع الحماس للمنتدى بالتطبيقات الجميلة

[أم سدرة]

الله يبارك عليك أختي زينب دائما متألقة

[زينب 83]

شكرا جزيلا عجبني بزاف المقروض

العفو حبيبتي

[زينب 83]

الله يبارك عليك أختي زينب دائما متألقة
و فيك بارك الرحمان حبيبتي ام سدرة

[زينب 83]

بارك الله فيك اختي زينب وان شاء الله يرجع الحماس للمنتدى بالتطبيقات الجميلة

هذه امنيتي يا غالية ... بارك الله فيك

[زينب 83]

اهلا اختي زينب
وصفة رائعة ماشاء الله وبداية موفقة
حبيت نجربها لكن انا للاسف مرانيش من محبين طعم الكاوكاو في الحشو ممكن ناكلوا ادا كان مخلوط مع لابات او للتزين فقط
لدا حبيت نطلب منك وصفة للغربية العادية تكون مزينة بالكاوكاو او البيستاش طبعا انا الوصفة هادي متعودة نعملها لكن حبيت نشوف طريقتك للغريبية العادية لان زوجي يحبها وحبيت نعملهالوا
واخيرا نقولك انو ماشي اول مرة نجرب وصفاتك جربتها عدة مرات وخرجولي تحفة تحفة للاسف معنديش كيفاش نصور حاليا
مشكووورة
تسلمي حبيبتي
هو الذوق مختلف ذوق رائع و مائل للغريبية العادية لكن ألذ لكن ممكن ديري اللوز بدل الكوكاو المهم تحمريه مليح

[زينب 83]

وصفة رائعة ماشاء الله

انت الاروع حبيبتي

[زينب 83]

يعطيك الصحة اختي زينب بارك الله فيك

و فيك بارك الرحمان غاليتي

[زينب 83]

يعيطك الصحة زينب ...ان شالله مجهوداتك ..كلها في ميزان حساناتك ...

امين حبيبتي تسلمي

[زينب 83]

والله تحفة،. نجربها انشا، الله ، يعطيك الصحة الاخت زينب مبدعة دوما

ان شاء الله حبيبتي ..و شكرا على كلامك الجميل

[زينب 83]

اخت زينب مجوبتينيش علي كمية الجلجلانية ومحمصة ولا لا.عذرا

انت لي سامحيني حبيبتي
الجلجلانية ماش بزاف فقط للنكهة بالتقريب 100 غ و طبعا محمصة 👍

[زينب 83]

روعة ماشاء الله يسلمو يديك.

مرورك الاروع حبيبتي

[زينب 83]

هاااا هاذي شهادة نعتز بيها و نحتفظ بيها في قلبي صحيتي اختي زينب

حسنا بما انو ماشي اجباري مالا عندي الوقت انا عمبالي نطبقو و تصحيلنا الاخطاء و حتى التلاميذ كامل يطبقو باش نجوزو للدرس الثاني

نقولك حاجة ؟ قل هو الله احد على واش درتي انا مانحبش بزاف حلويت تقليدية بصح كي تكون شابة تشهيني على الاقل ناكل حبة

انت بالذات حاباتك طبقي هههه علابالي عندك لمسة خاصة و راح نستفاد منك صراحة احببت كل مواضيعك و طريقة طرحك للافكار و خاصة انك تطرقتي للاكل الصحي لي انا نحبو بزاااف ...صراحة ابدعتي

[زينب 83]

ربي يجازيك اختي زينب موضوع رائع اكيد راح نتعلموا فن الحلويات مع احلى واطيب شاف في المنتدى

تسلميلي يا عسل ربي يحفظك يا رب

[زينب 83]

merccccccci ma princesse

لا شكر على واجب حبيبتي 💞💞💞💞

[نور الصباح]

يعطيك الصحة ..قيد التجريب

[زينب 83]

بارك الله فيك يا احلى و اروع فناااااانة ربي يسترك و يحفظلك وليداتك و يصلحهملك يا رب و يجازيك على الشي لي راكي تعلمي فينا عندي سؤال صغييييير برك اذا مفيهاش ازعاج ما عنديش الرحاية نتاع لقهوة نقدر نديرها بالروبو و شكرًا حبيبتي مرة اخرى

و فيك بارك الرحمان حبيبتي و ربي يحفظك على الدعاء يا رب
هو المهم انه الكوكاو يترحى بودر حتى يرجع عجينة و انا جربت بالروبو جا خشين و ثاني الرحاية ترحي السكر مليييح
يعني تبانلي رحاية القهوة ضرورية

[زينب 83]

بارك الله فيك اختي زينب . سباااقة لفعل الخير و مبدعة دوما ......تحياتي:19:

كيف الاحوال حبيبتي الغالية
تسلمي على الكلام العسل يا عسل

[زينب 83]

ألف شكر أختي زينب حلوى رائعة وشرح جميل
ربي ينعم عليك بالصحة والعافية ويحفظلك كل غال عندك.

العفو حبيبتي و الله هذا الدعاء يسوى الدنيا و ما فيها ربي يرزقك بالمثل يا رب

[زينب 83]

جزاك الله عنا كل خير وبارك في رزقك
من فضلك ادا قدرتي تجاوبيني على استفساري : هل نقدرو نطيبوه و نحتفظو بيه في المجمد لحين استعماله؟ ادا كان نقدرو من فضلك اشرحيلي بالضبط طريقة الحفظ في المجمد لأني محتا جتها:sdf:
شكرا على مجهوداتك

ايه نقدرو حبيبتي ممكن جمديه طايب و حتى ماش طايب و ممكن جمدي العجينة وحدها و الحشو وحدو
اذا جمدتيه طايب حطيه في علبة محكمة الاغلاق و ذرذي فيها الفنيلا داخل

[زينب 83]

الأخت زينب عندي طلب صغير؛ ماتنزليش الدرس التاني حتى نحطو تطبيقاتنا للدرس الأوّل؛ لأننا باش نتعلمو صح لازم نطبقو مش غير نتعلمو بعينينا ههههههه لازم يدينا يتمرسو على الخدمة.

صح الانسان كون مايجربش مستحيل يتعلم
نتمى العضوات يقدرو يطبقو و ظروفهم تساعدهم

[ام يحيى الجزائرية]

الله يبارك هايلة
تسلم يديك

[البدرية]

اللهم بارك سلمت يداك أختي زينب بارك الله فيك على الوصفة
حفظك الله من كل سوء

[أمنية غفران]

تبارك الله ماشاء الله عليك زينوبة ربي يحفظك توحشناك يا طفلة و توحشنا ابداعك يا لالة النسا تعيشي

ربي يهنيك و يفرحك بوليداتك و يرزقك الصحة و العافية

ان شاء نطبقها في أقرب فرصة

حبيبتي ممكن تقولي لي بهاد الكمية شحال تقطع لي من حبة الله يسترك

تحياتي

[omsalah]

احلى طلة من احلى زينب ماشاء الله تبارك الرحمان دمت

[اية الرحمان اية]

ماشاء الله جعلها الله في ميزان حسناتك:19:

[أم رقية نسرين]

ماشاء الله تبارك الرحمن
تسخف إن شاء الله نجربها دركا معنديش آلة البقلاوة كي نشريها و نديرها

[wala]

الله يبارك ربي يحفظك

[رزان.]

يعطيك الصحة أختي زينب:19:

[ام حمزة22]

السلام عليكم

بارك الله فيك اختي زينب موضوع مميز ربي يجازيك كل خير

[cilia]

يعطيك الصحة على الوصفة شحال فرحت مين شفتها لخاطرش هاذي اليامات خويا جابلي 02 حبات قاطو كيما هذا و عجبني بزاف و الذوق نتاعه هايل و من داخل الكوكاو الذوق نتاعك كي شغل مرمل و حشمت باش نقولها تعطيني الوصفة ، شا نقول حبيبة ربي يحفظلك العزيز عندك و يعطيك واش راكي متمنية

[manel 16]

رائعة روعة زينوبة الحبوبة.بارك الله فيك.نموت على مواضيعك عندك لمسة لاكلاس.نجربها انشاء الله دمت وفية لينا حبيبتي

[زينب 83]

رائعة روعة زينوبة الحبوبة.بارك الله فيك.نموت على مواضيعك عندك لمسة لاكلاس.نجربها انشاء الله دمت وفية لينا حبيبتي

انت الاروع حبيبتي ربي يحفظك يا رب على كلامك العسل

[زينب 83]

يعطيك الصحة على الوصفة شحال فرحت مين شفتها لخاطرش هاذي اليامات خويا جابلي 02 حبات قاطو كيما هذا و عجبني بزاف و الذوق نتاعه هايل و من داخل الكوكاو الذوق نتاعك كي شغل مرمل و حشمت باش نقولها تعطيني الوصفة ، شا نقول حبيبة ربي يحفظلك العزيز عندك و يعطيك واش راكي متمنية

هاذي هي بالذات حبيبتي جي مرملة من داخل و طرية و بنينة
خلاص دوك ماتحشمي ما زالو مرة اخرى قولي لاختك زينب و نعطيك واش حبيبتي

[زينب 83]

السلام عليكم

بارك الله فيك اختي زينب موضوع مميز ربي يجازيك كل خير

اهلين بالشيف تاعنا ..تسلمي يا غالية طلتك عزييييزة بزاف

[زينب 83]

يعطيك الصحة أختي زينب:19:


تسلمي حبيبتي

[زينب 83]

الله يبارك هايلة
تسلم يديك

و فيك بارك الرحمان غاليتي

[زينب 83]

اللهم بارك سلمت يداك أختي زينب بارك الله فيك على الوصفة
حفظك الله من كل سوء
امين غاليتي .. و فيك بارك الله

[زينب 83]

تبارك الله ماشاء الله عليك زينوبة ربي يحفظك توحشناك يا طفلة و توحشنا ابداعك يا لالة النسا تعيشي

ربي يهنيك و يفرحك بوليداتك و يرزقك الصحة و العافية

ان شاء نطبقها في أقرب فرصة

حبيبتي ممكن تقولي لي بهاد الكمية شحال تقطع لي من حبة الله يسترك

تحياتي

تتوحشك الجنة ان شاء الله
اهلا بالفحلة تاعنا صاحبة المواضيع المميزة ربي يحفظك يا رب
كيلو كوكاو يخرجلك بين 40 و 45 حبة حسب حجم الحبة

[زينب 83]

احلى طلة من احلى زينب ماشاء الله تبارك الرحمان دمت

اهلين بالغالية ام صلاح ليك وحشة حبيبتي
تسلمي غاليتي

[زينب 83]

ماشاء الله جعلها الله في ميزان حسناتك:19:

امين يا رب شكرا جزيلا

[زينب 83]

ماشاء الله تبارك الرحمن
تسخف إن شاء الله نجربها دركا معنديش آلة البقلاوة كي نشريها و نديرها

ان شاء الله حبيبتي تشري واحدة في القريب العاجل و تمتعينا بتطبيقك

[زينب 83]

الله يبارك ربي يحفظك

امين يا رب و فيك بارك الرحمان

[Toufikkar]

روعة يعطيك الصحة شرحك كافي ووافي

[البحر الصافي]

ماشاء الله عليك يازينب تبارك الرحمن ربي يحفظك ويعطيك ماتتمني لانك تمدي من قلبك وماتبخليش
الوصفة روووووعة رايحة نجربها بادن الله
تحياتي واحتراماتي

[رهف فوفة]

رووووعة سكرا

[انا هي رزيقة]

ماشاء الله و تبارك الرحمان على ابداعك اختي زينوبة ....الحلوة جملية جدا و الله سخفتيني تع الصح به ندوقها ......خخخخخ ربي يباركلك في دوك اليدين حنونة... فقط عندي سؤال و خوذيني على قد عقلي لاني لست محترفة في الحلويات .... لماذا لا نستعمل مباشرة سكر بودرة او sucre glace عوض نرحيو السكر العادي ثم نستعملوه مع الكاوكاو و هل ممكن استعمال الروبو العادي لخلط الكاوكاو و السكر عوض رحاية القهوة للي معندهاش طبعا ... دمتي دائما متالقة اختي زينب

[شمس الملوك]

بارك الله فيك ماشاء الله تحفة انا كنت جربتها من قبل لكن بوصفة ام اماني هي فعلا رائعة . وان شاء الله نجربها بطريقتك رحي اسكر لوحده والكاوكاو لوحده دمت متألقة

[اية الرحمن1988]

ما شاء الله قمة في الإتقان
ربي يباركلك في صحتك على المجهود اختي
حاجة جديدة وساهلة
ان شاء الله نجربوها هاد العيد

[anaris]

روعةةةةةةة عندي مدة وانا نحوس نطبقها بوركت

[ام سراج وملاك]

السلام عليكم ورحمة الله تعالى وبركاته
جات في وقتها اختي زينب نحب لغروبية وغروبتك رائعة شكلا واكيد ذوقا نجربها ان شاء الله في انتظار درس جديد من دروسك بارك الله فيك وجعلها في ميزان حسناتك لما تقدميه لنا ولهذا المنتدى بدون مقابل

[*أم كوثر*]

السلام عليكم ورحمة الله وبركاته
اولا حبيت نشكر مشرفتنا العزيزة على ماتقدمه من مجهود
في تصوير وشرح كل الخطوات من قلبها وهذا ان دل على شيئ انما يدل على حبها الكبير لمنتدانا وعضواته
الف شكر اختي زينب
حلوياتك لايعلى عليه صدقيني فن واتقان وروعة واكيد بنة
ربي يباركلك في جهدك ويمتعك في الصحة
....
امر اخر يسمحولي الاخوات لي اخفيت ردودهم ...ليس تعسفا مني بل كي لايفقد الموضوع معناه
....
من لديها اقتراح يخدم القسم تتفضل به مشكورة في قسم الاقتراحات وسنتناقش بطرق حضارية وتليق بنا كواعيات ومتعلمات نطمح لتعلم كل ماهو مفيد
سلامي لكن

[LINA 97]

روعة ماشاء الله زينب مبدعة.

[عطر و مطر]

طريقة رائعة حلوياتك مميزة اخت زينب
ماشاء الله و يعطيك الصحة

[ام رضوان]

بارك الله فيك الاخت زينب ربي يجازيك بالخير
حبيت نسالك اختي
حبيت نڨلي الكاوكاو خرجلي حمر بالزايد
نقدر نستعملو والا مايصلحش؟
شكرا مسبقا

[زينب 83]

بارك الله فيك الاخت زينب ربي يجازيك بالخير
حبيت نسالك اختي
حبيت نڨلي الكاوكاو خرجلي حمر بالزايد
نقدر نستعملو والا مايصلحش؟
شكرا مسبقا
و فيك بارك الله
ايه لازم يجي احمر المهم ماش محروق و لافيه ذوق الحريق
بصح الحمرة لازمة

[زينب 83]

روعة يعطيك الصحة شرحك كافي ووافي

مرورك الاروع غاليتي

[زينب 83]

ماشاء الله عليك يازينب تبارك الرحمن ربي يحفظك ويعطيك ماتتمني لانك تمدي من قلبك وماتبخليش
الوصفة روووووعة رايحة نجربها بادن الله
تحياتي واحتراماتي

و فيك بارك الله غاليتي شكرااااا جزيلا

[زينب 83]

ماشاء الله و تبارك الرحمان على ابداعك اختي زينوبة ....الحلوة جملية جدا و الله سخفتيني تع الصح به ندوقها ......خخخخخ ربي يباركلك في دوك اليدين حنونة... فقط عندي سؤال و خوذيني على قد عقلي لاني لست محترفة في الحلويات .... لماذا لا نستعمل مباشرة سكر بودرة او sucre glace عوض نرحيو السكر العادي ثم نستعملوه مع الكاوكاو و هل ممكن استعمال الروبو العادي لخلط الكاوكاو و السكر عوض رحاية القهوة للي معندهاش طبعا ... دمتي دائما متالقة اختي زينب

اهلين بالغالية
شوفي حبيبتي انا عمري ماجربتها بالسكر الناعم لكن محترفة حلويات قاتلي بلان السكر لازم يخلط مع الكوكاو و السكر الرطب راح يجري يطلق الماء و يجري العجينة و ثاني الطعم مايجيش مرمل كما ينبغي لكن اذا حابة جربيها ههههخ على مسووليتك
اما الروبو انا استعملتو اولا مايرحيش السكر مليح يبقى بلوري و ثانيا مايرحيش الكوكاو بودرة

[ام نوردين]

الله يبارك ويزيد اختي زينب ف ميزان حسناتك ان شاء الله. شحال نحبها هاد الحلوة. خدمتها من قبل الحشو جاني هايل بصح العجينة من فوق جاتني يابسة شوية مافهمتش وين الخلل. ممكن في الطياب
الف الف شكر علي التفاصيل واحلي سلام توحشتكم مووووووت

[صفية الاوراس]

هايلة اختي بارك الله فيك بالنسبة للجلجلانية مرحية ولالا

[cilia]

هاذي هي بالذات حبيبتي جي مرملة من داخل و طرية و بنينة
خلاص دوك ماتحشمي ما زالو مرة اخرى قولي لاختك زينب و نعطيك واش حبيبتي

اوكي اختي يعطيك الصحة و ربي يحفظك

[نور الصباح]

صباح الخير اختي الكريمة عندي سؤال يخص البقلاوة
انا جربت البقلاوة الوصفة نتاعك نتاع بقلاوة بدون تعب
هي جات ساهلة في الخدمة بصح كي طيبتها يبست حجرا وميش مورقة يعني طبقة وحدا درتلها العسل غطيتها والو تمت يابسة
حبيتك توريني
وين غلطت حتى ان جات خادمة هاك
ولك جزيل الشكر وربي يحفظك من كل شر راني نستنا في ردك

[أم التوأم]

الله يبارك كالعادة أختي زينب مبدعة وطريقة تقديمك وشرحك رائع بوركت أختي

[ام نور الهدى 2014]

ماشاء الله عليك زينوبة روعة و ان شاء الله يرجع النشاط للمنتدى مع هادي الدورة و مع اقتراب الشهر الفضيل

كل الشكر على المجهودات و دعوة اخرى من هنا لكل لبنات لي راحو و اطثرهم راهم يظلو فالفايس انو يرجعو ينورونا
تحياتي

[زينب 83]

الله يبارك ويزيد اختي زينب ف ميزان حسناتك ان شاء الله. شحال نحبها هاد الحلوة. خدمتها من قبل الحشو جاني هايل بصح العجينة من فوق جاتني يابسة شوية مافهمتش وين الخلل. ممكن في الطياب
الف الف شكر علي التفاصيل واحلي سلام توحشتكم مووووووت

تسلمي حبيبتي
العجينة مالازمش طيب بزاف يعني مجرد انها تشيح تخرجيها

[زينب 83]

هايلة اختي بارك الله فيك بالنسبة للجلجلانية مرحية ولالا

و فيك الله
لالا اختي محمصة فقط

[عطر و مطر]

اخت زينب وصفاتك بصراحة رائعة و مضمونة
يعطيك الصحة

[وردة الامان]

بوركت اختي

[نور الصباح]

السلام عليكم اتمنى ان تكوني بخير
مازلت أنتظر ردك بخصوص سؤالي

[زينب 83]

السلام عليكم اتمنى ان تكوني بخير
مازلت أنتظر ردك بخصوص سؤالي

هذا وين شفت سوالك ام اسلام
هذه الوصفة مجربة و حتى اذا حبيتي ادخلي لليوتوب راح تلقاي البقلاوة التونسية تحضر بهذه الطريقة ممكن كي تشوفي الفيديو تقدري تعرفي وين درتي الخطأ

[نور الصباح]

شكرا ليك وجزاك الله خيرا

[أم ياسين الزهراء]

هايله وشحال نحبها يعطيك الصحه والله يحلي ايامك والله ليك وحشه انت واطباقك

[OUM TAKIEDDINE]

يعطيك الصحة فن واتقان كالعادة

[ام عرفات]

يعطيك الصحة ودائما متالقة وجديدة في وصفاتك
الله يحفضك ويخليك لنا ولعائلتك
ربي يسترك ويعيشك:19:

[messaoudiKanza]

بارك الله فيك اختي الكريمة

[نسيم الإيمان]

بارك الله فيك اختي يعطيك الصحة

[lifelight]

بارك الله فيك أختي الله يكرمك كما أكرمتينا

[imetta]

اختي الله يفرحك فهميني في هذاك نتاع الاجاصة
كيفاش مقروض نورمال كيما لي نديروه في الكوشة؟؟ وكيفاش يبقى حاحك شكل الاجاصة وما يتبدلش في الكوشة
نتمنى تردي عليا وربي يهنيك فهاد الايام المباركة

[amel...]

جزاك الله كل خير و ربي يبارك فيك اختي

[شهرة مراد]

الله يبارك.

[idron0]

بارك الله فيك

[Nadjla05589]

درس رائع ومفهوم وفي متناول الجميع شكرا

[hadilnour]

بارك الله وننتظر منك المزيد من الجديد من فضلك حابة قاطو جديد وميهمش التكاليف المهم اكون كما نقولو طوپ ويعطيك الف صحه