بسبوسة البيسكوي و جوز الهند

[إلهام07]

البسملة1


سلام بنات :1::1::1:


على بالي لوكان نزيد نطول نهار على هذي الوصفة نلقى روحي مطلوبة من عند الشرطة :D


حبيت فقط نقول للأخوات انني لا اتجاهل طلباتكن ولكن الله يبارك ما شاء الله طلباتكم ماشي بزاف خلاص هههههههههه :D:D:D:D

راني نحاول قد مانقدر نحطلكم الوصفات اللي طلبتوها ولكن عمركم سمعتو بسلحفاة سبقت أرنب ؟ خخخخخ :D

مانجي نحط وصفة نلقاكم طلبتو عشرين وععععع :sdf::sdf:

هذي وصفة بسبوسة خفيفة ظريفة وساهلة وريحة البيسكوي فيها روعة ( استعملو البيسكوي اللي في الصور في الاسفل مفهوم ؟ :cool: )

رائعة تعجبنا بزاف واتمنى تنال إعجابكم وأترككم مع الشرح المختصر والصور ... بصح بالاكو كي تزيدو في الميزان تقولو لأزواجكم بسبوسة لهلوبة أنا خاطية :D:D:D:D






بسبوسة البيسكويت و جوز الهند



المقادير :
نستعمل كأس متوسط الحجم في المقادير
1 كاس سميد
½ كأس جوز الهند
½ كأس بيسكويت شاي مطحون ( نستعمل ماركة كروستي الموجود في الصورة )
3 بيضات
½ كأس سكر عادي
¾ كاس زيت
½ كأس حليب بودرة
علبة ياوورت ( ممكن نستعمل ياوورت طبيعي أو أي نكهة مفضلة )
1 خميرة ( ساعات ندير واحد ونصف باكي خميرة )
فاني

مقادير الشربات :
1 ونصف كاس كبير سكر + 3 كيسان كبار ماء

الطريقة:

نشعل الفرن يسخن على 180°
نضرب السكر مع البيض والفاني مليح ثم نضيف باقي المكونات السائلة ونخفق بالباتور ثم المكونات الجافة ونخفق جيدا .
نضع الخليط في صينية فرن مدهونة بالزبدة وندخلها للفرن ونحمرها من تحت ومن فوق .
نخرجها من الفرن ونخليها تبرد دقائق فقط ثم نسقيها بالشربات .
نخليها على الأقل ساعة تتشرب ثم نقطعها ونقدمها .
ملاحظة : إذا حسيتوها ناقصة ممكن تزيدولها شوية شاربات كل واحد وذوقو كاين اللي يحبها مشربة بزاف أو لا .
لا نستعمل صينية صغيرة لأنو هذي البسبوسة تطلع وتنتفخ ونحسها كلي ثقيلة كي تكون خشينة.




http://www.up.djelfa.info/uploads/148396792887781.jpg

http://www.up.djelfa.info/uploads/148396792889632.jpg
http://www.up.djelfa.info/uploads/148396792891693.jpg
http://www.up.djelfa.info/uploads/148396797044861.jpg

http://www.up.djelfa.info/uploads/148396797047412.jpg

http://www.up.djelfa.info/uploads/148396797049793.jpg




وصفة فعلا رائعة ومجربتها عدة مرات ومضمونة بإذن الله ننصحكم جربوها اخواتي


هيا باي باي ضرك راح عليا الحال على الخدمة ... اليوم المدير يخنقني :D

تحياتي .... أنا لهلوبة :dj_17:

[kik!]

رووووووعة باينة تشهي يعطيك الصحة و ربي يحفظك ..جاري التجريب ان شاء الله شكرااا جزيلااا

[&ام ايوب&]

يعطيك الصحة خرجت هااااااااايلة

[روعة الصحراء]

اممممممممممممم جزاك الله خيرا قيد النجريب

[mamande3s]

mile merci
بارك الله فيك
si c est possible de retelecharger les photos des anciens sujets

[imen kasem]

تشهييييييييييييييييييييييييييييييييييييييييي يعطيك الصح ان شاء الله نجربها

[دنيا الامل 18]

شكرا ما هو نوع السميد

[Jouri-dima]

بارك الله فيك

[belseme]

مبددعة كالعادة ربي يحفظك

[فخورة بنقابي]

بارك الله فيك حنونة
السميد متوسط والا رطب

[zineb_saib]

شكرا بارك الله فيك

[*توبــــة*]

امممممممممممممممم لهاليبو ومادرتي فينا يا مخلوووقة
رووووووعة رووووووووووعة وصفاتك

ربي يعطيك ما تتمناي يا الحبيبة

من احلى الوصفات اللي جربتهم وصفة تارتولات الليمون
ياااعيني هاااااااااااايليييييييييين واعتمدت الوصفة
وحتى صحاباتي اللي تذوقها تهزها من عندي
راكي شبعتي دعاوي الخير خخخخخخخخخ

http://c.top4top.net/p_374pxitk1.jpg

http://d.top4top.net/p_374pgqt72.jpg

http://e.top4top.net/p_3748h0dl3.jpg

http://f.top4top.net/p_374trr5i4.jpg

http://a.top4top.net/p_374v5eqa5.jpg

http://b.top4top.net/p_3748otrn6.jpg

http://c.top4top.net/p_3741tdas7.jpg

[زهر التوليب]

اممممممم روووووووووعة و زيد بجوز الهند ياعيني
يعطيك الف صحة

[اولادي ام]

كالعادة وصفات تشهي حلويات رائعة اختي الهام
شكرا على الحلويات البسبوسة رائعة
بصحتكم
حواء الجزائر (http://www.dzhawaa.com/vb/)

[oum Haroun]

بارك الله فيك و جزاك الف خير

[آسيا 27]

الله يعطيك الصحة الهامو كنت في الانتظار نموت على البسبوسة :rolleyes:
تقرعيجة صغيرونة اصحاب الشركة تاع البيسكوي اللي في الصورة يقربولك;););) خخخخخخخخخ شفت تديريلو في الاشهار ههههههه :D:D:D
راني نقسر معاك :):):)

[إلهام07]

مشكورات بسبوساتي على المرور :dj_17::dj_17::dj_17::dj_17:


اللي سألوني على نوع السميد : السميد متوسط


توبة بصحتكم حبيبتي تارتولات الليمون سخفتيني يا مصيبة عندي مدة مادرتهمش أبعثيلي معاك :D:D:D:D:D



آسيا : لو كان جاو يكونولي أصحاب "الكروستي" ماتلقاينيش هنا .. ياو لوكان راني في تركيا ندور :D:D

[ابني نور عيني]

يعطيك الللللف صحة حنونة شرفتي المنتدى بموضوعك والبسبوسة تبان رووووعة انا في الحقيقة جربت وصفات كتييييييرة للبسبوسة و كل ما تكون وصفة فيها ذوق جديد ما نراطيش هههههه وطبعا جاري التجريب شكررررررا حبيبتي على الوصفة

[edelweiss_dz]

بارك الله فيك

[أم ياسين الزهراء]

اممممممممممم هايلة ربي يحلي ايامك

[عصفور الجنة]

يعطيك الصحة وصفاتك رائعــــــــــــــــــــــــــــة مثلك
مشكوووووووووووووووورة ربي يجازيك الفردوس

[LINA 97]

إلهام ربي حليك وعليك وغليك آآآآآآآآآآآآآآمين.

[فريال88]

رووعة رووعة لهلوبتتتتتتي بارك الله فيك وعيني عليك باردة الله يبارك والله النات تعيف بالسيف لافات الرد شكرررا

[الاريام]

السلام عليكم اختي الهام و الله صدقتي ههه لاني نحوس على وصفتين من وصفاتك وعدتينا بيهم و انا مازالني انتظر هي قهوة روايال و تارت بموس الشوكولا من فضلك و جعلها الله في ميزان حسناتك نشاللك

[سيرين سيرين]

مشكورة على الوصفة اختي .....تسلم الايادي

[sabrina206]

ألف شكر ما يكفيك و شهادتي فيك مجروحة غاليتي
الوصفة ممتازة و تهبلللللل الله يبارك أكيد رايحة نجربها و كلي ثقة في وصفاتك:19:
تستاهلي كل خير قد عطائك الرائع و طيبة قلبك

[شمس الملوك]

بارك الله فيك

[ميااار]

mmmm ya3tik el sa7a

[حاملة المصحف]

يعطيك الصحة

[اميريم19]

يعطيك الصحة نجربها ان شاء الله

[دائمة الشكر]

مشكورة على الوصفات الحلوة مثلك ياحلوة
يعطيك الف عافية

[نوال عيسى]

شكراا على الوصفة دائما مبدعة
بارك الله فيك

[jenah]

رووووعة روعة

[ام ابن عمر]

يعطيك الصحة جربتها جاتني بنيييييينة

[ام يحيى الجزائرية]

يعطيك الصحة الهام
بارك الله فيك

[manoulamarina]

شكرا بارك الله فيك