كل واحد يكتب واش من ولاية وشحال جاب المعدل في مسابقة الأساتذة [الأرشيف]

rate12400

2016-06-27, 21:56

اهلا بيكم جماعة الخير
صحة فطوركم
علابالي كل واحد راهو حاكم كرشو............ وينتظر في النتيجة على احر من الجمر
نشاله تنجحوا.............وتفرحوا واللي ما جابهاش معليشو لعلاش ربي مخبيلو لي افضل .......... ربي راو ما يضيع حتى واحد ....ليكن تمسككم في حبل الله تعالى .....ولتكثروا من الدعاء والعبادة خاصة هذه الايام

ماذابينا كل واحد يكتب اسم ولايتو وشحال جاب موايان ويحط جملة من النصائح والملاحظات ..لاحظها في الكوكنور ككل ....ماذا بيا يشكون هناك نشاط وحوار فعااااال

houssam_cab2

2016-06-28, 03:35

على حسب ما رأيت في الكونكور المعريفة مدايرة رايها خدمة ولا ماخدمتش النتيجة يتحكموا فيها أصحاب المعريفة.
كنت مع صاحبي سقصى صاحبه قالو وش درت فيها (على الكونكور) قالو ايه راني وصيت فلان لي يخدم في (منصب عالي) هو لي راح يطهلالي في كلش قالو مالا راك ضامنها .. قالوا : هاهاهاها (فلان) هو لي دخل خويا وانا بلاصتي مضمونة .. قالو صاحبي : صحا, وش درت فالكونكور .. قالوا : وش حابني ندير راني متكل على (فلان) وخلاص (ان الله يحب المتوكلين) .. قالو صاحبي : بصح ان الله يحب المتوكلين عليه مش على (فلان) .. قالوا نورمال خلطها تصفى وراني مخلصو في (؟؟ مليون) حق القهوة نتاعوا .. قالو صاحبي : راك مخلطها نتاع الصح ماراك مخلي والو , فيها المعريفة والدراهم وما خفي اعظم مالا انا وش نقول .. قالو: اتكل على الله وروح افكرلك هربين تبيع الخضرة (الشيء لي مش ليك يعييك)

ysaddek

2016-06-28, 04:34

عندما تدخل رقم تسجيلك تظهر النتيجة فقط (ناجح أو راسب) وإن كنت ناجح نسحب استدعاء
لا وجود لا للمعدل ولا للنقاط المتحصل عليها

ysaddek

2016-06-28, 04:37

على حسب ما رأيت في الكونكور المعريفة مدايرة رايها خدمة ولا ماخدمتش النتيجة يتحكموا فيها أصحاب المعريفة.
كنت مع صاحبي سقصى صاحبه قالو وش درت فيها (على الكونكور) قالو ايه راني وصيت فلان لي يخدم في (منصب عالي) هو لي راح يطهلالي في كلش قالو مالا راك ضامنها .. قالوا : هاهاهاها (فلان) هو لي دخل خويا وانا بلاصتي مضمونة .. قالو صاحبي : صحا, وش درت فالكونكور .. قالوا : وش حابني ندير راني متكل على (فلان) وخلاص (ان الله يحب المتوكلين) .. قالو صاحبي : بصح ان الله يحب المتوكلين عليه مش على (فلان) .. قالوا نورمال خلطها تصفى وراني مخلصو في (؟؟ مليون) حق القهوة نتاعوا .. قالو صاحبي : راك مخلطها نتاع الصح ماراك مخلي والو , فيها المعريفة والدراهم وما خفي اعظم مالا انا وش نقول .. قالو: اتكل على الله وروح افكرلك هربين تبيع الخضرة (الشيء لي مش ليك يعييك)

حسبنا الله ونعم الوكيل
لا أدري إن كانت الوزيرة على علم بهذه الدناءة
أما هذا الذي يتفاخر بمليونه الذي أعطاه، ألا يعلم بأن من أمثاله (المليونيين انحدر مستوى التعليم في الجزائر)
ألا يعلم أيضاأن ماله الذي سيكسبه "جرام في حرام" "سيأكل حراما وسيؤكل زوجته وأبناءه الحرام" ....