عاااااجل نحب اجابة ضرك

[سلمى_2008]

تعيشو البنات جابلي راجلي الرشتة وحابة تخرجلي بنينة بزاااف وتوب حمرولي وجهي اول رمضان تاعنا نصوموه مع بعض تعيشو تعرف ندير المرق تاعنها ابيض وباللفت مي حبيت نسقسي هل نفورها زوج مرات برك مرة بالزيت ومرا بالماء باش متتعجنش وفي اللخر تقتارحو عليا نسقيها ولا نجمرها شفت ناس يجمروها يصبو عليها صوص ويخليوها تشرب فوق نار ذليلة تعيشو وانا هذه الي خير جااوبوني

[marwa81]

شوفي اختي انا الرشتة نفورها 2 مرات الأولى نرشها بشوية ماء و الملح ونديرلها شوية زيت بين يدي باش ماتتلاسقشو الثانية ندلها شوية زبدة
و المرقة تكون بيضة رابي حبة بصل كبيرة باش تجيك المرقة خاترة و قليها مليح بالدجاج و مرقيها بصح انا نخلي المرقة وحدها و نسقي بيها الرشتة مانحبش أهديك اللي يديروها في المرقة ما جيش مليحة راح تتعجن و هادي الطريقة خير ادا بقاتلك الرشتجة تبقى ناشفة تقدري تخبيها في الفريزر خير ماترميها ان شاء الله نكون افدتك صح فطورك

[dalal m]

ان شاء الله تعجبوا ههههه وبصحتكم:mh31::19:

[سلمى_2008]

شكرااااا اختي العزيزة ربي يفرحك ان شاء الله راح ندير بطريقتك وبربي تعجبو ان شاااء الله صح فطوركم ممباعد سلاااااام

[أ م ساجد وسيم]

صحا فطورك ختي ان شاء الله تخرجلك شابة

[ملاك ملاكي]

اختي جمريها تجيييييك فوووووور يامي يامي والصوص البيضاء كي قاتلك الاختربي يجازيها
على فكرة الحمد للله كي ظهرتي حنونتي حاولي طلي علينا والله توحشناك من زواجك ماشفناكش بلاصتك محفوظة ربي يسعدك ويهنيييييك

[ايمان يمن]

انا نطيب مرقة بيضا ونفور الرشتة مرتين الاولي بالزيت الثاني ماء وملح والثالثة نفورها بمرقتها تخرج فور ونزينها ونسقي بلاصوص تكون عاقدة شوي.ربي يوفقك.

[جهينة اليقين]

نفس طريقتي تاع الاخت مروة ما نجمرهاش خلي تبقى حاكمة روحها خير واذا بقات لك ما ترميهاش

[حياتي نبع امل]

هاديك اللى تتجمر تاع قسنطينة تجي شوية خشينة بالصح تاعنا تاع الوسط تجي رقيقة ماتتجمرش باسك تتعجن .تتسقى بالمرقة وتجى رووعة