المساعد الشخصي الرقمي

مشاهدة النسخة كاملة : شكر و عرفان للأخت أماني ساعدتني وصفاتك في العرضة لي عملتها

سيرين 5
2016-01-03, 09:26
أخواتي العزيزات عملت عرضة بالطبع أول مرة في حياتي نعمل عرضة كاملة و مكملة من مجاميعو ، عملت من قبل مي ماشي بهاذ الرقي و يعطيها الصحة للأخت أم أماني بارك الله فيها
عملت معجنات المارغريت في مول السيليكون بحشو الداند آشي مع الشومبينيون و الفرماج و لاكرام فراش الوصفة أكيد لأم أماني
و عملت شلاضة خضرة بالزرودية و البيطراف و الخيار و البيض و الماييس و و الزيتون و أكيد المايوناز
و عملت شليطة أو حميس بالفلفل الحلو و الفلفل الحار و الطماطم مشويين و منقيين بالزيت الزيتون و الملح
و عملت شربة فريك بالدجاج و اللحم
و عملت طاجين الضرة للأخت أم أماني روعة مرق أبيض بالدجاج و الشومبينيون و الزيتون و الرولي تاع اللحم المفروم و الداند آشي أنا عملت في مكام الدجاج المرحي جا راااائع كاين لي كلاوه مع السلطة و كاين كلاوه بالمرق
و عملت الكسرة أ, الفطير أو كاين لي يسموها كسرة يابسة
و عملت خبزة بالفرينة في الفرن الوصفة تاع أم أماني جا هااايل
و عملت قريوش
و عملت قاطو بوسو لا تمسو للغالية أم أماني
و عملت قاطو القطيفة هاذ الحلويات مع الشاي
و عملت الفلان للأخت أم أماني لي يطيب فوق الفرن
أم أماني بارك الله فيك الله يعطيك الخييييير الكثيييير و ينجحلك ولادك و ربي يعطيك ما تتمناي :mh31:
جبدت لاباراي فوطو باش نصور لكن للأسف ما قدرتش و ما لحقتش بالاك نهار نشري تيليفون مليح نولي نتفكر نصور :mad:
om kamilia
2016-01-03, 09:53
سرين له يبارك شطرة و الشكر لام أماني
واش راكي جبتي البنوتة و لآ مزال
أم ياسين الزهراء
2016-01-03, 09:57
ربي يبارك فيك ويعطيك الصحة
ياريت وصفة بوسو لاتمسو
سيرين 5
2016-01-03, 10:38
سرين له يبارك شطرة و الشكر لام أماني
واش راكي جبتي البنوتة و لآ مزال

الله يسلمك شكرا
جبتها و الحمد لله
سيرين 5
2016-01-03, 10:42
ربي يبارك فيك ويعطيك الصحة
ياريت وصفة بوسو لاتمسو

الله يسلمك
الوصفة
250 غ مارغرين + 2 فلان فاني أو أي ذوق تحبيه و تخلطي مليح + 2 صفار بيض و حبة كاملة و تخلطي زيدي لافاني و وحدة لاليفور و تلمي بالفرينة حتى تولي عجينة كيما الصابلي تشكلي حرابش و تقطعي مقروطات و طيبيهم كي يبردو غطسيهم في الماء الزهر و رمديهم في السكر قلاص
سيرين 5
2016-01-03, 10:46
حقا أم كاميلي نسيت باش نقولك جربت العفسة تاعك تاع المسمن شويا مايزينا مع لاليفور و شوية سميد رطب في باطة تاع الملح جات النتيجة هايلة يعطيك الصحة على العفسة ربي يحفظلك بنتك
ام فضل
2016-01-03, 10:51
السلام عليكم أختي الكريمة أشاطر الرأي الاخت ام اماني يعطيه الصحة
سيرين 5
2016-01-03, 11:22
السلام عليكم أختي الكريمة أشاطر الرأي الاخت ام اماني يعطيه الصحة

و عليكم السلام شكرا على المرور الطيب:dj_17:
ام انفال الاء لجين
2016-01-03, 20:53
يعطيك الصحة اختي.
سيرين 5
2016-01-04, 09:37
يعطيك الصحة اختي.

الله يسلمك أختي شكرااااا
سيرين 5
2016-01-04, 09:39
ab3tili rabit anta3 msemen anta3k pliiiz

http://www.djelfa.info/vb/showthread.php?t=1899011
om kamilia
2016-01-04, 14:57
شكرا سرين ععلى الرابط وععلى تطبيقك للمسمن ياريت تحطي الصور
برك الالعفسة أنا ما ندييرهاش في المسمن لانو يجيني مورق , مليحة مع خبز المورق لي في مواضيعي و الملوي
أم عبد الرحيم يوسف
2016-01-04, 16:14
يعطيك الصحة يارييييت تعطيني وصفة طاجين الضرة ربي يخليك واذا عندك صور للعرضة حطيهمنا
Esprit f
2016-01-04, 16:50
الله يبارك راكي لحقتي تديري كلش للاسف الصور ماكانش المرة الجاية ان شاء الله يا لللللللللفففحححلة
انا تاني وصفات ام امني والعديييييييد من الاخوات هنا سلكوني بزاااااااف بزاااااف بارك الله فيهن كااامل
وفي كلللللللللل وحدة ما تبخلش علينا بوصفات وافكار
سيرين 5
2016-01-05, 07:55
شكرا سرين ععلى الرابط وععلى تطبيقك للمسمن ياريت تحطي الصور
برك الالعفسة أنا ما ندييرهاش في المسمن لانو يجيني مورق , مليحة مع خبز المورق لي في مواضيعي و الملوي

ما صورتش ما عنديش بورطابل مليح درتو في دارنا ليما طلبتني فيه
أنا المسمن تاعي تان يتنفخ و يجي مورق بصح بالعفسة تاعك زادت فيه و جا أحسن و أحسن
سيرين 5
2016-01-05, 08:04
يعطيك الصحة يارييييت تعطيني وصفة طاجين الضرة ربي يخليك واذا عندك صور للعرضة حطيهمنا

بالنسبة للمرق الأبيض تسحقي قطع الدجاج في طنجرة، بصل مسكرفج، ملح، فلفل أسود، ثوم، و شوياااا برك راس الحانوت، و شوية زبدة و زيت و تقليهم مليح بعدها مرقي شويا برك كي تغلي أرميلها شويا شومبينيون و شويا زيتون مغلي من قبل و زيدت إضافة في المرق م ك لاكرام فراش و عقدتها بمغرفة فرينة
بالنسبة للرولي تاع الفيوند آشي و الدجاج المرحي تبلي كل على حدا حطي فيه شويا معدنوس، شويا بصل مسكرفج، فلفل أسود، ملح، ثوم، م ك شابلوغ، بيضة و تعجنيه بيدك نفس التتبيلة للدجاج المرحي (أنا عملت بالداند آشي)
تحكمي سيلوفان تفرشيه فوق طاولة العمل الممسوحة بالماء باش النيلون يلسق فيها و تسبطي الالدجاج المرحي و تزيدي فوق نيلون وحداخر تسبطي الفيونداشي حاولي تعمليهم قدقد
تحكمي الفيونداشي و تحطيه فوق الدجاج المرحي و بواسطة الصاشي تروليه حتى يولي هندك كيما بولا تاع الباتي تغلقي عليه مليح بالسيلوفان و تربطي الأطراف و تزيدي تغلفيه بورق الألمنيوم و تحطيه يطيب في ماء مغلي واحد الساعة كي طاب نحيتو و حمرتو في مقلاة و قطعتو دوائر جا روووووعة
سيرين 5
2016-01-05, 08:09
الله يبارك راكي لحقتي تديري كلش للاسف الصور ماكانش المرة الجاية ان شاء الله يا لللللللللفففحححلة
انا تاني وصفات ام امني والعديييييييد من الاخوات هنا سلكوني بزاااااااف بزاااااف بارك الله فيهن كااامل
وفي كلللللللللل وحدة ما تبخلش علينا بوصفات وافكار

الله يسلمك أختي والله مت بالعيا بص كاين شويا صور المرة الجاية نحطهم كاين صورة للدوزين تاع الشربة و كاين صورة لطبق السلطة و كاين صورة للحميس ولمعجنات المارغريت في مول السيليكون الله يعطيها الخير أم أماني و كامل البنات لي يحطو الوصفات من قلبهم الله يعطيهم الصحة تعلمت منهم بزااااف بزاااف كاين وصفات الأخت قلة فووود للأسف ما نقدرش نشوف صور الوصفات تاعها لا في الخدمة و لا في الدار ؟ ما فهمتش علاه ؟؟؟ لي تقدر تحملهملي في word كيما راهم و أ،ا نسقمهم والله نكون ممتنة ؟
❣سڪڕ❣
2016-01-19, 13:36
مليح
الله يبارك
ام احبتي
2016-01-19, 18:23
يعطيك الصحة
ام احبتي
2016-01-19, 18:25
يعطيك الصـــــــــــــــــــــحة
أ م ساجد وسيم
2016-01-22, 16:23
من زمان شاطرة سيرين.الله يبارك وربي يفرح قلبك ختي
سيرين 5
2016-01-22, 17:40
يعطيك الصحة اختي.

الله يسلم اختي شكراا
سيرين 5
2016-01-22, 17:41
مليح
الله يبارك

الله يسلمك شكراااا
سيرين 5
2016-01-22, 17:44
من زمان شاطرة سيرين.الله يبارك وربي يفرح قلبك ختي

اوه حشمتيني شكرا شكراااا
آمين يا ربي اجمعين
سيرين 5
2016-01-22, 17:45
يعطيك الصـــــــــــــــــــــحة

الله يسلمك شكرااا