تمت سرقة جهازي

[ام محمد اسلام الله]

السلام عليكم والله ياخواتي راني ميتا بالخلاعة البارح تمت سرقة جهازي تابلات سامسونج قلاكسي وفيه تصوري وتصور العائلة تعيشو قولولي انا دايرتلو مواد باس كي تشعلو يديموندي المواد باس ادا يقدر يحل المواد باس ولا حتى يفورماطيه وادا فورماطه التصور يروحو ولا يقعدو تعيشو جاوبوني والله من البارح وانا نبكي وادعو معيا حبي الله ونعمة الوكيل في هدا السارق

[آمِيْرَتُه]

السلام عليك

على سلامتك
إن شاء الله يقدرو يجاوبوك
و ربي وكيله فلي سرقه

[موسى عبد الله]

كل الصور الموجودة فيه يمكن استرجاعها

[أم عبد الناصر]

مايقدرش يدخل دام دايرة مود باس حتى يفورماطيه اطمأني وربي يصبرك على البلوة نتاع السرقة مرت عليا اختي انا سرقولي ايفون 5 العام الي فات ومازال كي نتفكره يغيضني اخلفك الله مااحسن منه وربي يعوضك

[الواثقْ بالله]

اذا كا عندك رقم الايمي الخاص بجهازك تقدمي بيه لمصالح الشرطة و اول مايشغلوا جهازك رايحين يحددوا موقعه و تسترجعيه

و اذا ماعندكش الايمي تفضلي هنا لتعرفي رقم الايمي الخاص بجهازك

http://safeshare.tv/w/FwifuAYBwV

[ام محمد اسلام الله]

ربي يخليكم خاوتي والله طلعتولي المورال شوية والله خفت غير على التصور حياتي كامل محفضة على حيجابي واخلاقي ويجي واحد يسرقك ولا قدر الله ينشر تصوراك يشوفهم لي يسوى ولي ميسواش لا حول ولا قوة الا بالله حسبي الله ونعمة الوكيل فيه ربي يتوله

[CHEERS]

سلامة رراسك

[ام محمد اسلام الله]

مشكورون على الاجابة ربي ينوركم

[sarab.sarab]

نشاءلله ربي يسترك
ما فهمتش الطريقة هل توجد طريقة ابسط لمعرفة الايمي

[عبدو 90]

ان شاء الله ربي يرجعهلوك

[mhd]

ربي معاك إن شاء الله وربي يسترك ::
توكلي على الله في حفظ أسرارك (( إنه على كل شيء قدير ))

[abdennourzouis]

انعم اختي للاسف يقدر يفتحه
كاين اكثر من طريق ملجري دايرى لكود كيما راكي تقولي ادعي ربي طيحي في سراق فحل يفاصي لفطوات نتاوعك ونتاع اهلك
ربي يجيب لي فيه الخير سلام

[you92cef]

مرار وتكرارا

الصور الشخصية لا تترك في الهواتف والحواسيب ولا تنره في الانترنت

ماذا علي ان اقول لك اكثر

الامر بسيط جدا

لا تترك صورك متاحة للجميع

[أنيس سوامس]

ida formatah tsawer yroho

[DeviantArter]

ida formatah yeb9awe les photo malheureusement

[mariana1]

رايحة نقلك واش قالي البوليسي لما تسرقلي الهاتف انتاعي :<السراقة كامل ما يهمهمش واش كاين في الجهاز و مرات لكارت ميموار يجبدوها ويكسروها بلا مايشوفو واش كاين فيها >يوم اللي تسرق هاتفي وفيه رقم حسابي البريدي والرقم السري والرقم السري للياهو ومعلومات الكترونية كثيرة ورغم أنه عندي الايمي لكن حتى الان 6 أشهر مابانش عليه خبر

[ام محمد اسلام الله]

والله ياخوتي ربي يتوله جسبي الله ونعمة الوكيل فيه ربي يسترنا ربي يخليك على الاجابة جزاكم الله خير

[aymen zizou]

مع الأسف يقدر يدخل لجهازك و أنت عامل مودباس بدون فورمات
و أنا شخصيا قادر علا ذالك
مع الأسف
لاكن الله معكي و إنشاء الله حتى ينال القسط
:19:

[aymen zizou]

للأسف يمكن أن يدخل إلى حاسوبك و مع أن حاسوبك له باسوورد
هذه هي الحقيقة
وأنا شخصيا يمكنني فعل ذلك
كان الله في عونك