الى الاخت اسمهان79 او اي اخت من العلمة ولاية سطيف

[ام اسماء واويس]

السلام عليكم ورحمة الله
صحا فطورك وتقبل الله منا ومنكم
اسمهان بغيت نسقسيك لانو راكي عندك خبرة ي هذ الامور عندي بنت خالتي قريان معروف تاعها يعني العقد الشرعي اللهم بارك ويتمملها على خير
راح يعملوه فالمسجد حبينا نعرفو واش نقدموا اهل العروس يعني ميعملوا والو ولا يديرو رفيس ولا كاش حاجة معينة

[narimane16]

حنا فالعلمة ادي تمر ولبن فقطططط

[narimane16]

تمر ولبن يدوه اهل العريس يعني ماتدي والو اهل العروسة

[زينب 83]

حنونة ، شوفي كل إنسان و امكانياتو لكن غالبا أهل العريس لي يديو للجامع ، لكن حنا في عايلتنا الصراحة ماما توجد عدة انواع من حلويات و عصاير و لبن و تمر و رفيس و نبعثهم تاني يعني حنا أهل العروس هكذا حنا نديرو لانو هذا فرح و مليح يكون من الجيهتين ،

[arwa alaa]

يا ختي حنا نديرو الرفيس واللبن من بكري ودرك ولاو يديرو حتى القاطو والبقلاوة وكل عايلة وتقاليدها من الاحسن تسقسيو موالين العريس باش متحصلوش
حنى فاتحة الجامع على العروسة وفي خوية مرتو قبايلية ميديروش كيما حنا ماما دارت الرفيس والقاطو و انا كي درنا الفاتحة في الجامع قالت عجوزتي انا الي ندير سقسيوهم خير

[Maria dadi]

شوفي اختي اهل العريس هوما لي يدو لحوايج للجامع ماشي اهل العروس
وهاذي في سطيف ولا العلمة بصح اذا حبيبتو ديرو حوايج مكان حتى مشكل
زيادة الخير خيرين وألف مبروك أختي وربي يتملها

[ام اسماء واويس]

طيب بارك الله فيكم اخواتي وجزاكم كل خير

[أم ماجد]

انا في بنتي مابعثنا والو اهل العريس اللي جابوا

[om djawad]

اختي أهل لعريس ليديو

[oum islem]

اذا الفاتحة في المسجد اهل العريس لي يجيبو الرفيس واللبن والدقلة
وكاين لي يزيد عصير وفواكه
واهل العروسة ما يدوش
يديرو لما تكون الفاتحة في بيت اهلها

لوكان يدو الغاشي يقول يفرحو حبو يتهناو منها :d:1::1:
راكي تعرفي العباد ما يرضيهم والو

[ام رضوان]

السلام عليكم
احنا في عادتنا اهل العريس هوما اللى يديو
واهل البنت يروحو عادي ويديهم فراغا.
ربي يتمم بالخير لقريبتك امين